Babidilayi Tshishiki Tulasa Tuenu Tunudi Nulonga
1 Mona tshikondo tshia tshidimu tshitu bansonga bavule batue mikemu: “Dipingana dia tulasa anu mpindieu!” Dipingana dia tulasa ditu imue misangu bualu bukole mua kupita nabu ne bua ditshinyisha, kadi ditu kabidi dituala malu mimpe a bungi kudi bansonga badi badienzeja bua kubabidila tshishiki bidimu biabu bia dilonga tulasa.
2 Mamanya mimpe a nshindamenu a malu a tulasa atu ambuluisha mu didiunda dia mu nyuma. Bualu budi muntu mukole mua kuenza mbusuikakaja nangananga ku bivuaye muenze mu bunsonga buende. Nansha bua bidi bitangila dishidimuka, ‘tshintu tshionso tshidi muntu ukuna, ntshiotshi tshiapuolaye.’ (Gal. 6:7) Bansonga badi ne tshisumi mu dilonga badi mua kupeta mamanya abavuija ne mushinga bua Yehowa.
3 Mbimpe kuikala muena mbabi bua kuenza disungula dimpe pa bidi bitangila tulasa. Baledi nebikale ne bua kuambuluisha bana babu bua kusungula tulasa tudi mua kubapetesha dishidimuka dia nsongo diabambuluisha bua kukumbaja bipatshila bia mu nyuma. Mu dilubuluja mamanya abu, bansonga nebikale bakumbane bua kupeta mushindu wa kukumbaja majinga abu eku bikale bampanda-njila. Mamanya abu a nshindamenu a mu tulasa neikale mua kubambuluisha bua kusamuna Yehowa muaba kayi wonso udibu bamusadila.
4 Bansonga, tetayi bua kubabidila tshishiki bidimu bienu bia tulasa, mu dipatshila nsombelu wa bubanji mu mudimu wa tshijila, ki mmu mudimu wa mu bulongolodi ebu to. Dienzejayi bua kutumika ne nsombelu wenu bua kuenza disua dia Yehowa. Ke munuatshimuna mu njila wenu, ku butumbi bua Yehowa.—Mus. 1:3.