Bisangilu Bia Mudimu Bua Tshisua-munene
Lumingu lua dia 1 Tshisua-munene
Min. 10: Mamanyisha. Mamanyisha makumbanyine a mu Mudimu wetu wa Bukalenge. “Lumu luimpe lufidila ku Internet.” Ela nseka pa luapolo lua tshisumbu bua ngondo wa Kasuabanga.
Min. 15: “Tshiibi tshinene tshia mudimu ntshiunzulula.” Muyuki muenza kudi mukulu pamue ne difila mandamuna dia bateleji. Kankamija bonso badi ne mushindu bua kudifilabu bikole mu buambi. Fila kabidi mibelu miangatshila mu Tshibumba tshia Nsentedi tshia dia 15 Tshimungu 1988 (Mfual.), dibeji 22.
Min. 20: “Tudiundishe disankidila dijula kudi Ngumu ya Bukalenge.” Mu nkonko ne mandamuna. Manaya a tshilejilu mashila pa tshikoso 6. Mu dimue dia ku manaya aa, uleje mushindu wa kutuadija dilonga dia Bible.
Musambu 144 ne disambila dia nkomenu.
Lumingu lua dia 8 Tshisua-munene
Min. 10: Mamanyisha. Luapolo lua konte. Ambila tshisumbu bua bitupa bia teritware bidi bishale mudi mukengela kuabanya Ngumu ya Bukalenge No. 35. Lomba bateleji bonso bua kudifilabu bikole mu kampanye aka ka pa buaku.
Min. 15: Bidi tshisumbu tshikengela.
Min. 20: “Tutabalelayi bena dibaka badi kabayi Bantemu.” Diyuki pankatshi pa bakulu babidi bakeba bua kumanya bimpe bena dibaka badi kabayi Bantemu. Badi kabidi bakonkonona mibelu mifila mu Tshibumba tshia Nsentedi tshia dia 15 Lumungulu 1989 (Mfual.), mabeji 17-18, bikoso 6-9. Tela amue malu mafunda mu Tshibumba tshia Nsentedi tshia dia 1 Kasuamansense 1995, mabeji 10-11, bikoso 11-12.
Musambu 148 ne disambila dia nkomenu.
Lumingu lua dia 15 Tshisua-munene
Min. 10: Mamanyisha. Manyisha mapangadika a pa buawu mangata bua mudimu wa buambi mu dia 25 Tshisua-munene. Londa amue malu mamonamona adi atangila kampanye ka dimuangalaja dia Ngumu ya Bukalenge No. 35 mu teritware wa tshisumbu.
Min. 20: Babidila muabi eu wa pa buawu! Muyuki muashila pa tshiena-bualu tshia mu Tshibumba tshia Nsentedi tshia dia 15 Kasuabanga 1996, mabeji 21-3.
Min. 15: “Nengambe tshinyi?” Diyukidilangana ne bateleji. Bala tshikoso tshidi tshituadija pa mulongo wa ndekelu wa mu dibeji 7 dia mukanda wa Comment raisonner ne umvuija mudi mushindu udibu benze mukanda eu utuambuluisha bua kufila bumanyishi bimpe pa biena-bualu bia mu Bible bishilangane bia mayuki. Shindika diumvuija edi ku diambuluisha dia dinaya dia tshilejilu dimue anyi abidi malongolola bimpe.
Musambu 151 ne disambila dia nkomenu.
Lumingu lua dia 22 Tshisua-munene
Min. 8: Mamanyisha. Vuluija mapangadija a pa buawu mangata bua mudimu wa buambi mu dia 25 Tshisua-munene.
Min. 15: Ngikadilu milenga mu Dilonga dia Mukanda dia Tshisumbu. Tudi tuanyisha lungenyi lua diakidilangana lua mêku adi afila nzubu yawu bua kuenzelamu dilonga dia mukanda. Ebi bidi bibalomba didilongolola dinene ne bitu ne ntatu. Patudi tubuela mu dilonga edi, tudi ne bua kuikala ne ngikadilu milenga ne kuleja kanemu ne dianyisha, mu ditabalela nangananga malu adi alonda aa: (1) Tudi ne bua kukupula makasa etu bimpe kumpala kua kubuela mu nzubu bua kubenga kufikisha panshi anyi pa tapi. (2) Baledi badi ne bua kukuba bana babu, kujadika ne: mbasombe bimpe ne badi mu tshitupa tshia nzubu mudibu benzela dilonga dia mukanda. (3) Nansha mudi bantu bikale bakese ne muaba mutambe kusulakana, ntshisangilu tshia tshisumbu, ne tudi ne bua kuikala bavuale anu bu se: tudi batangile ku Nzubu wa Bukalenge. (4) Kunyima kua tshisangilu etshi, netutabalele bua kubenga kushala mutantshi mule tuyukila ne bana betu bakuabu, bua bena mu dîku kuenzabu malu abu. (5) Bidi mua kuenzeka ne: dîku didi difila nzubu bua dilonga dia mukanda diangate dipangadika dia kupesha bantu kantu ka kutalaja naku pa muminu anyi ka kudia kunyima kua tshisangilu, kadi muntu yonso udi ne bua kumanya se: kabiena ne bua kuikala nanku misangu yonso anyi dîku edi ki ndienzejibue bua kuikala kuenza nanku nansha.
Min. 22: Tuenze bayidi, tubalongeshe. Mukulu udi ulombola diyuki pankatshi pa bamanyishi basatu anyi banayi; badi bandamuna ku nkonko miumvuija mu mukanda wa Mudimu wetu, mabeji 88-93: (1) Bua tshinyi bidi ne mushinga bua kuenza makumbulula bua mudimu wetu kupatulawu bipeta bimpe? Mmushindu kayi utudi mua kutshimuna lutatu lua dienza makumbulula? (2) Bua tshinyi tudi tutamba kushindika mushinga wa dituadija malonga a Bible? Ntshinyi tshidi mua kutuambuluisha bua tuikale bakumbane bua kulombola malonga? (3) Bua tshinyi bidi ne mushinga bua kulombola balongi ku bulongolodi? Mmushindu kayi utudi mua kufika ku dienza nanku? Bana betu badi kabidi bumvuija mushindu udi bisakidila bia Mudimu wetu wa Bukalenge bia Kashipu 1996, Tshisanga ne Lumungulu 1997 bibambuluishe mu malu aa.
Musambu 160 ne disambila dia nkomenu.
Lumingu lua dia 29 Tshisua-munene
Tshisumbu netshilongolole programe watshi, bilondeshile biditshi tshikengela.