Bisangilu bia Mudimu bua Tshiongo
Lumingu lua dia 5 Tshiongo
Musambu 57
Min. 10: Mamanyisha. Mamanyisha makumbanyine a mu Mudimu wetu wa Bukalenge.
Min. 15: “Tuakule bua Yehowa dituku dionso.” Mu nkonko ne mandamuna. Mu dikonkonona dia tshikoso 4, ela nseka miangatshila mu dilonga dia 16 dia mu mukanda wa Manuel pour l’École, bikoso 14-16.
Min. 20: “Bible: Muludiki mupesha bantu bonso kudi Nzambi.” Mukulu udi ukonkonona tshiena-bualu ne tubingila tudi ne bua kusaka muntu yonso bua kutabalela Bible. (Tangila broshire wa Un livre pour tous, mabeji 30, 32.) Ela bamanyishi babidi nkonko mikese, bumvuije mudibu badilongolola bua kutumika ne mibelu ya mu bikoso 3-8. Enzayi dinaya dia tshilejilu diashila pa tshimue tshia ku bikoso ebi bua kufuanyikija dimonangana dia kumpala, ne dinaya dikuabu bua dikumbulula.
Musambu 165 ne disambila dia nkomenu.
Lumingu lua dia 12 Tshiongo
Musambu 58
Min. 10: Mamanyisha. Luapolo lua konte.
Min. 20: Bua tshinyi kumanyisha bualu budi bubi? Muyuki kudi mukulu muashila pa Tshibumba tshia Nsentedi tshia dia 15 Tshimungu 1997, mabeji 26-30.
Min. 15: “Dipumbisha diebe didi dimueneka!” Diyukidilangana ne bateleji dilombola kudi mukulu. Amba bungi bua bantu batu babuela pa tshibidilu mu bisangilu bia tshisumbu. Lomba bamue bana betu balume ne bakaji bumvuije bua tshinyi didisangisha ku Nzubu wa Bukalenge didi dibakankamija.
Musambu 172 ne disambila dia nkomenu.
Lumingu lua dia 19 Tshiongo
Musambu 63
Min. 5: Mamanyisha.
Min. 15: Bidi tshisumbu tshikengela.
Min. 25: “Tudi ne bua kuikala balongeshi, ki ng’anu bayishi.” Mu nkonko ne mandamuna. Mu dikonkonona dia tshikoso 11, bala tshikoso 11 tshia dilonga dia 15 mu mukanda wa Manuel pour l’École.
Musambu 174 ne disambila dia nkomenu.
Lumingu lua dia 26 Tshiongo
Musambu 138
Min. 8: Mamanyisha. Vuluija bamanyishi bua balue ne tshisakidila tshia Mudimu wetu wa Bukalenge wa Luishi 1998 bua tshisangilu tshia lumingu lualonda.
Min. 17: “Kalasa ka Mudimu wa Teokrasi mu 1998.” Muyuki kudi mutangidi wa kalasa. Umvuija mushindu udi muntu yonso mua kupetela masanka mavule ku kalasa mu tshidimu etshi. Kankamija muntu yonso bua alonde “Programe musakidila wa dibala dia Bible” lumingu luonso.
Min. 20: Tumanyishe lumu luimpe miaba yonso. Diyukidilangana ne bateleji diashila pa mukanda wa Mudimu wetu mabeji 92-96, ku diambuluisha dia nkonko idi ilonda eyi: (1) Bua tshinyi dienza mudimu ne mikanda yetu ndiakanyine bua kumuangalaja lumu luimpe? Bua tshinyi tudi ne bua kuyileja mu bikondo bionso? (2) Bua tshinyi tudi ne bua kudienzeja bua kufila bumanyishi mu mpukapuka? Ng’imue mishindu kayi itudi mua kuenza nunku? (Lomba bamanyishi bua kulondabu amue malu menzeka adi atangila bumanyishi bua mu mpukapuka.) (3) Bua tshinyi tshisumbu tshidi ne bua kuenza madikolela bua kunyunguluka biakane teritware yonso mutshipesha? Miaba itu mudimu kawuyi upangika, bua tshinyi mbilengele bua muntu kuikala ne teritware wende nkayende? (4) Malongolola menza bua mudimu wa buambi pamue mu tshisumbu adi ne diambuluisha kayi? Mmunyi mutudi mua kuakaja mudimu wetu wa buambi bua kutumika bimpe bitambe ne dîba dietu?
Musambu 222 ne disambila dia nkomenu.