Bisangilu bia Mudimu bua Lumungulu
Lumingu lua dia 4 Lumungulu
Musambu 27
Min. 10: Mamanyisha. Mamanyisha makumbanyine a mu Mudimu wetu wa Bukalenge.
Min. 20: “Netuwenze kabidi anyi?” (bik. 12-20) Mu nkonko ne mandamuna. Vuluija malu-malomba matela mu mukanda wa Badilongolole bua kuenza mudimu wetu bimpe, mabeji 113-114. Umvuija mushindu udi mudimu wa bumpanda-njila buambuluishi wakaja muntu bua kuenza bumpanda-njila bua pa tshibidilu. Lomba bamanyishi bavua bampanda-njila bambuluishi mu Tshisanga bua bumvuije muvuabu badiakaje bua kukumbaja mêba 60. Ku ndongamu mileja mu dibeji 7 dia Mudimu wetu wa Bukalenge wa Tshisanga 1998, ng’wepi uvua mutambe kubakanyina? Bikala dîba dimueneke, londa malu mamona a mu Annuaire 1987, mabeji 48-49, 245-246. Kankamija bamanyishi bua balombe formilere panyima pa bisangilu.
Min. 15: “Bibejibeji bidi bimanyisha Bukalenge.” Mukulu udi ukonkonona tshiena-bualu etshi ne bamanyishi basatu anyi banayi batu bapatula bipeta bimpe mu difila dia bibejibeji. Yukilayi pa biena-bualu bidi bikoka ntema bia mu bibejibeji bidipu ne filayi ngenyi pa mushindu wa kutumika ne malu aa mu maleja etu. Konkononayi mushindu udi diabanya dia bibejibeji mua kulubuluka mu teritware wenu. Mu ditumika ne nimero ya matuku aa, funkuna biena-bualu bidi bijula dijinga dia kumanya bivule, bu mudi ebi bidi bitangila malu a mu nsombelu wa bantu, a mu dîku, anyi a mu tshinsanga. Longolola maleja abidi anyi asatu a mu tshikoso.
Musambu 205 ne disambila dia nkomenu.
Lumingu lua dia 11 Lumungulu
Musambu 90
Min. 10: Mamanyisha. Luapolo lua konte.
Min. 15: “Mudimu wetu—Dileja dia dinanga dilelela.” Mu nkonko ne mandamuna. Buejamu mumvuija mu mêyi makese a mu Tshibumba tshia Nsentedi tshia dia 1 Luishi 1987 mabeji 16-17, bikoso 3-7 (Mfual.).
Min. 20: “Tubuele mu bisangilu, ‘tutambe kuenza nunku.’” Mu nkonko ne mandamuna. Pikalaku dîba, nukonkonone mibelu mifila mu mukanda wa Mudimu wetu, mabeji 64-65. Ela bonso batu babuela pa tshibidilu mu bisangilu ka-lumbandi.
Musambu 119 ne disambila dia nkomenu.
Lumingu lua dia 18 Lumungulu
Musambu 5
Min. 10: Mamanyisha. Mapiamapia a teokrasi. Umvuija ne: dîba ki ndianji kupita dia kuuja formilere bua bumpanda-njila buambuluishi mu Kabalashipu.
Min. 10: Mandamuna ku nkonko yenu. Muyuki kudi mukulu udi uleja ne bulenga buonso mishindu misunguluke ya kuakaja malu mu tshisumbu.
Min. 25: “Kudi dijinga dia malonga a Bible mavule.” Muyuki ne diyukidilangana ne bateleji dilombola kudi mutangidi wa mudimu. Konkononayi mudimu wa malonga a Bible wa tshisumbu tshienu. Muaba udi tshisumbu tshienze bimpe, wele ka-lumbandi. Leja tshikuabu tshidi mua kuenjibua mu dituadija ne dilombola malonga a Bible, pamue ne malonga a mu dîku. Umvuija tshikoso 5 pa kuela nkonko kudi muledi utu ulombola pa tshibidilu dilonga dia mu dîku. Bala tshikoso 8, ne zangika malu maleja muanda-mukulu aa. Umvuija tshikoso 13 pa kulomba mumanyishi utu upatula bipeta bimpe mu dilombola malonga bua alonde mushindu udi muntu mua kujikija bidiye ulonga kakuyi dinengakana dia patupu. Buejamu bualu bumona busungula bimpe budi buleja mushindu uvua bipeta bimpe bipatula mu tshisumbu tshienu.
Musambu 109 ne disambila dia nkomenu.
Lumingu lua dia 25 Lumungulu
Musambu 100
Min. 12: Mamanyisha. Manyisha mêna a aba benza bumpanda-njila buambuluishi mu Kabalashipu. Manyisha malongolola menza kudi tshisumbu bua bisangilu bia mudimu wa buambi. Londa imue ngenyi-mifila idi yambuluisha bua kulongolola maleja adi azangika bibejibeji bia matuku aa.—Tangila Mudimu wetu wa Bukalenge wa Lumungulu 1997, dibeji 8.
Min. 15: Mushindu udi balami bena nkristo bakusadila. Muyuki kudi mukulu, muashila pa Tshibumba tshia Nsentedi tshia dia 15 Luabanya 1996, mabeji 24-27.
Min. 18: Lama mmuenenu muimpe paudi uyisha mu teritware muenzela mudimu bikole. Mukulu udi uyukila pa dikengela edi ne bamanyishi babidi anyi basatu badi batekete mu maboko bualu bantu bakese tshianana ke badi bandamuna mu teritware mutumikatumika. Udi ukonkonona nabu Tshibumba tshia Nsentedi tshia dia 15 Kashipu 1988, mabeji 16-19, bikoso 4-14 (Mfual.). Badi bayukila pa mishindu ya kutumikila ngenyi-mifila eyi muaba udibu, ne lungenyi lua dimona malu onso mu buimpe buawu.
Musambu 191 ne disambila dia nkomenu.