Bisangilu bia Mudimu bua Kabalashipu

Lumingu lua dia 1 Kabalashipu

Musambu 10

Min.  8: Mamanyisha. Mamanyisha makumbanyine a mu Mudimu wetu wa Bukalenge. Mapiamapia a teokrasi.

Min. 15: “Spiritu wa Yehowa udi netu.” Mu nkonko ne mandamuna. Mu dikonkonona dia tshikoso 3, utele amue malu masunguluke makumbanyine a mu Annuaire 1998.

Min. 22: “Sungula biena-bualu bua kujula dijinga dia pa buadi dia kumanya bia bungi.” Leja mu mêyi makese malu manene a mu tshiena-bualu. Umvuija ne: tudi kabidi mua kufila mushindu eu nimero ya kale itshidi mimpe. Lomba bamanyishi bua kulondabu bua biena-bualu bivua bipatule bipeta bimpe mu difila bibejibeji. Enzayi dinaya dia tshilejilu ku diambuluisha dia dileja didi mu tshikoso 7.

Musambu 212 ne disambila dia nkomenu.

Lumingu lua dia 8 Kabalashipu

Musambu 197

Min.  5: Mamanyisha. Luapolo lua konte.

Min. 15: Mandamuna ku nkonko yenu. Mu nkonko ne mandamuna. Mukulu udi ufila mu mêyi makese ngenyi ya mu mukanda wa Mudimu wetu, dibeji 130 tshikoso 3 ne dibeji 131 tshikoso 1. Umvuija malu bilondeshile nsombelu wa muaba unudi.

Min. 25: “‘Njila wa muoyo wa Nzambi’​—Mpungilu ya distrike ne ya bukua-matunga bua 1998.” (Bikoso 1-17) Mu nkonko ne mandamuna. Bala bikoso 11, 12. Shindika mushindu udi Mifundu yangata ne mushinga muanda wa kuikala ne mvuadilu ne bikadilu bia buena-nkristo bia budipope ne bua kutabalela bana.

Musambu 48 ne disambila dia nkomenu.

Lumingu lua dia 15 Kabalashipu

Musambu 141

Min.  8: Mamanyisha. Manyisha mapangadika a pa buawu mangata bua mudimu wa buambi mu dia 30 Kabalashipu.

Min. 15: “Udi ne ‘dieba mu mubidi’ anyi?” Mu nkonko ne mandamuna. Umvuija tshiena-bualu: “Nkonko ya babadi” mu Tshibumba tshia Nsentedi tshia 15 Kasuabanga 1987, dibeji 29 (Mfual.).

Min. 22: “‘Njila wa muoyo wa Nzambi’​—Mpungilu ya distrike ne ya bukua-matunga bua 1998.” (Bikoso 18-22) Mu nkonko ne mandamuna. Bala tshikoso 18 ne mvese mufilamu. Zangika mushinga wa kuikala ne bulongame ne kuikala ne kanemu bua bakuabu, nangananga bua bidi bitangila miaba ya disomba. Bua kukomesha, enza muyuki mukese pa “Mpungilu-Tshivuluiji.”

Musambu 139 ne disambila dia nkomenu.

Lumingu lua dia 22 Kabalashipu

Musambu 137

Min. 10: Mamanyisha.

Min. 15: Bidi tshisumbu tshikengela.

Min. 20: Bua tshinyi ntu nganyisha bisangilu bia tshisumbu. Mukulu udi ulombola diyukilangana dia tshisumbu tshia bantu batu babuela pa tshibidilu mu bisangilu ne badi bu tshilejilu tshia tshisumbu tshijima, bikale munkatshi muabu ne bena dibaka babidi, muntu mukulakaje umue ne mupiankunde. Badi baleja tshitubu babuelela misangu yonso mu bisangilu: malanda mimpe, dilongesha dia Nzambi ne mibelu mitambe buimpe, ke bidi bibambuluisha bua kujikija ntatu ya ku dituku dionso ne bua kushala bashindame mu nyuma. Mumvuija abu adi ela kashonyi pa mushindu udi yonso wa kutudi upetela mabenesha ku dibuela pa tshibidilu mu bisangilu.

Musambu 222 ne disambila dia nkomenu.

Lumingu lua dia 29 Kabalashipu

Tshisumbu netshilongolole ndongamu watshi bilondeshile biditshi tshikengela.