Bantu netu badi ne dijinga dia kumvua lumu luimpe
1 Disua dia Nzambi ndia se: “bantu ba mishindu yonso bapandishibue ne bafike ku dimanya dijalame dia bulelela.” (1 Tim. 2:4, NW) “Bantu ba mishindu yonso” mmuomumue ne: bantu netu bonso. Bua kubalenga ne lumu luimpe bidi bikengela kuikala kushintulula mbuelelu yetu ne kuditatshisha bua kumanya bidi mua kuikala bikoka ntema ya muntu yonso utudi tupetangana nende. (1 Kol. 9:19-23) Bulongolodi bua Yehowa mbutupeshe biamu bidi mua kutuambuluisha bua kulenga mitshima ya aba badi “badiakaje bimpe bua muoyo wa kashidi.” (Bien. 13:48, NW) Tumonayi mutudi mua kutumika ne broshire kabukabu mu Tshimungu ne Kabitende bua kukumbaja bidi bantu netu bakengela mu nyuma.
2 Broshire ya kufila: Neupete kuinshi eku ngenyi-mifila idi mua kuambuluisha paudi uleja imue broshire. Lungenyi luonso ludi ne (1) lukonko ludi luelesha meji bua kutuadija diyuki, (2) muaba uudi mua kupeta malu mayukila mu broshire, ne (3) mvese muakanyine uudi mua kubala munkatshi mua diyuki. Udi mua kutungunuka mu miaku yebe nkayebe ne tshitupa tshidi tshishale tshia diyuki, bilondeshile muandamuna muntu. Bua broshire mivule, mbatele nimero kampanda mumana kupatula wa Mudimu wetu wa Bukalenge muudi mua kupeta diyuki diumvuija bimpe bua broshire.
Dieu se soucie-t-il vraiment de nous?
Nditekemena kayi diudi muele meji ne: didi mua kuambuluisha bantu badibu bakengeshe?—Mab. 27-28, bik. 23-27; Yesh. 65:17, 18; km 8/97 dib. 8.
Quel est le but de la vie? Comment le découvrir?
Bua tshinyi lelu’eu bantu ba bungi badi bamueneka kabayi basanka bua nsombelu udibu nende?—Mab. 29-30, bik. 2, 25-26; Mus. 145:16; km 8/96 dib. 8.
Ikalayi ne muoyo wa kashidi ne disanka pa buloba!
Ukadiku mudiebeje tshidi Yezu wenza mpindieu anyi?—Bimfuanyi 41-42; Buak. 11:15; km 9/96 dib. 4.
Bukalenge bualua kuasa Mparadizu.
Newanyishe bua kumanya Bukalenge buakatulongesha Yezu bua kusambila anyi?—Dib. 3; Mat. 6:9, 10; km 9/96 dib. 4.
Padi muntu uudi munange ufua.
Ukadiku mudiebeje muudi mua kusamba muntu udi mufuishe munangibue wende kampanda anyi?—Dib. 26, bik. 2-5; Yone 5:28, 29; km 8/97 dib. 8.
Tudi ne bua kuitabuja Busatu Bunsanto anyi?
Dijingulula dietu dia tshidi Nzambi muikale bulelela didiku ne mushinga bua matuku etu atshilualua anyi?—Dib. 3, bik. 3, 7-8; Yone 17:3.
3 Broshire mikuabu: Tshisakidila tshia Mudimu wetu wa Bukalenge wa Luabanya 1998 tshidi tshitela mikanda mikuabu ne broshire mienza nangananga bua kutumika nayi mu difila bumanyishi kudi bena Buddha, bena Hindu, bena Yuda ne ba-Mizilman. Muaba udibi biakanyine, tudi mua kuleja bantu batudi tupeta broshire eyi. Udi mua kubalulula ngenyi-mifila mu mabeji 4-6 a mu tshisakidila atshi, kabidi ne mu mabeji 21-24 mu mukanda wa Comment raisonner, ne kulongolola maleja a mu tshikoso adi mua kujula dijinga dia bantu aba dia kumanya bivule.
4 Broshire mukuabu mmulongolola bua kuambuluisha bantu badi mua kuikala ne dimanya dia mukanda dibandile kadi bamanye anu bikese pa Bible. Mmuenza bua kubasaka bua kukonkononabu Dîyi dia Nzambi. Muaba udibi biakanyine, udi mua kusungula bua kuleja broshire eu:
Un livre pour tous.
Udiku wela meji ne: kuikala ne dimanya dia mukanda dibandile kudi kukonga dimanya kampanda dia malu adi mu Bible anyi?—Dib. 3, bik. 1-3 ne dib. 30, tshik. 2; Muam. 12:9, 10.
5 Broshire bua dilonga dia Bible: Tshipatshila tshietu mu buambi tshidi ne bua kuikala misangu yonso tshia kutuadija dilonga dia Bible, mu dimonangana dia kumpala anyi mu dikumbulula. Bua nanku, tudi ne broshire eu mupepele bua kutumika nende mu dituadija ne dilombola malonga a Bible a ku nzubu:
Ntshinyi tshidi Nzambi utulomba?
Utuku mumanye ne: mu minute 30 anyi 40 tshianana ku lumingu mu mbingu 16, udi mua kupeta dijingulula dia nshindamenu dia Bible anyi?—Dilongesha 2, tshik. 6; 2 Tim. 3:16, 17; km 5/97 dib. 8.
6 Mu mufuanu wa muena Samariya wa muoyo muimpe, Yezu wakaleja patoke ne: muntu netu wa bushuwa ng’eu udi uleja dinanga ne bulenga bua kuambuluisha mukuende udi mu dikenga. (Luka 10:27-37) Bantu netu badi mu dikenga dia mu nyuma. Badi ne dijinga dia kumvua lumu luimpe. Tukumbajayi bujitu buetu bua kubamanyisha lumu luimpe, pa kudileja tuetu bine mushindu eu bu bayidi balelela ba Yezu Kristo.—Mat. 24:14; Gal. 5:14.