Bisangilu bia Mudimu bua Luabanya

Lumingu lua dia 1 Luabanya

Musambu 33

Min.  8: Mamanyisha. Mamanyisha makumbanyine a mu Mudimu wetu wa Bukalenge.

Min. 17: “Divuluka lufu lua Kristo pa buloba bujima.” Mu nkonko ne mandamuna. Buejamu mumvuija mangatshila mu Tshibumba tshia Nsentedi tshia dia 1 Luishi 1997, mabeji 11-12, bikoso 10-14. Ela kashonyi pa mushindu udi dinanga dinene dia Yehowa dimusake bua kufila tshia-bupikudi bua bualu buetu.

Min. 20: Tubingila tudi tutusaka bua kuenza bumpanda-njila buambuluishi mu Tshisanga ne Lumungulu. Muyuki ne diyukidilangana ne bateleji dilombola kudi mutangidi wa mudimu, udi ukankamija bonso bua bele meji bikole pa mudimu wa bumpanda-njila buambuluishi. Ambulula dishintulula dia bungi bua mêba malomba bua bampanda-njila ba pa tshibidilu ne bambuluishi dileja mu Mudimu wetu wa Bukalenge wa Tshiongo 1999, dibeji dia 7. Dishintuluka edi didi ne bua kupetesha bantu bavule bakuabu mushindu wa kuenza mudimu wa ku dîba ne ku dîba. Umvuija mushindu udi dianyisha dietu bua mulambu wa Kristo dituenzeja bua kuyisha bakuabu. (2 Kol. 5:14, 15) Tshidimu etshi Tshivulukilu netshikale mu dituku dia kumpala dia Tshisanga. Mmuanda kayipu mulenga udi usaka bamanyishi bonso ba Bukalenge bua kudifilabu ngondo mujima bikole mu mudimu! Ambulula malu manene masungula mu bisakidila bia Mudimu wetu wa Bukalenge wa Luabanya 1997 ne Tshisanga 1998 pa mudimu wa bumpanda-njila buambuluishi. Konkonona mishindu ya kuakaja bilejilu bia ndongamu bivua bifila bilondeshile nsombelu wa muntu ne muntu. Akula bua malongolola a mudimu wa buambi a mu tshisumbu, adi apetesha bamanyishi mpunga ya bungi ya kupatuka ne bakuabu mu buambi. Kankamija bamanyishi bua balombe formilere ya bumpanda-njila buambuluishi kunyima kua tshisangilu.

Musambu 44 ne disambila dia nkomenu.

Lumingu lua dia 8 Luabanya

Musambu 52

Min. 10: Mamanyisha. Luapolo lua konte.

Min. 20: “Babikilayi.” Mu nkonko ne mandamuna. Shindika mushinga wa kubikila misangu yonso bantu bapiabapia badi basankidila bulelela mu bisangilu bia tshisumbu. Enzayi dinaya dia tshilejilu pa diyukidilangana ne muntu udi usankidila bulelela, ne nulonde malu adi mu mukanda wa Dimanya, dibeji dia 159, tshikoso tshia 20, ne mabeji 161-163, bikoso 5-8. Kankamija muntu yonso bua kudienzeja mu mushindu wa pa buawu bua kuambuluisha balongi ba Bible ne bakuabu badi basankidila bulelela bua balue kubuela mu Tshivulukilu mu dia 1 Tshisanga. Leja kabeji kamue ka dibikila bantu mu bisangilu ne umvuija mushindu wa kuenza naku mudimu bimpe. Bonso badi ne bua kutuadija kuabanya lumingu elu tubeji tua dibikila bantu mu Tshivulukilu.

Min. 15: “Mudi bena dîku bambuluishangana menemene​—Mu bisangilu bia tshisumbu.” Bena dîku badi bayikila. Badi bakula pa malu manene a tshiena-bualu ne bayikila pa mushindu udi dîku dijima mua kudilongolola bua bisangilu. Badi bayikila pa mishindu idibu mua kuambuluishangana bua kufila mandamuna ne tshidibu ne bua kuenza bua bena dîku bikale bafika mu bisangilu pa dîba.

Musambu 62 ne disambila dia nkomenu.

Lumingu lua dia 15 Luabanya

Musambu 56

Min. 10: Mamanyisha. Konkonona tshiena-bualu “Nenubuelemu anyi?”

Min. 15: “Basadidi ba mudimu badi benza mudimu wa mushinga.” Muyuki kudi musadidi wa mudimu mukumbane. Ambulula malu manene adi mu mukanda wa Mudimu wetu, mabeji 57-59. Umvuija mudi basadidi ba mudimu ba mu tshisumbu tshienu benza mudimu bua kuambuluisha tshisumbu.

Min. 20: Tusankidilayi Annuaire 1999. Diyukidilangana pankatshi pa mulume ne mukajende. Mulume udi umvuija ne: Annuaire uvua mupatula musangu wa kumpala bu mukanda mu 1927 ne kukadi bidimu bipite pa 70, utu uleja luapolo lua buloba bujima lua Bantemu ba Yehowa. Badi bakonkonona malu manene a pa tshiena-bualu etshi: “Totaux pour 1998,” (Bungi busanga bua 1998) mu dibeji dia 31. Pashishe badi bayikila pa “Une lettre du Collège central,” (Mukanda wa kudi Kasumbu Kaludiki) mu mabeji 3-5, ne bafila mumvuija pa mushindu walondabu dikankamija difila.

Musambu 68 ne disambila dia nkomenu.

Lumingu lua dia 22 Luabanya

Musambu 162

Min. 10: Mamanyisha. Manyisha mêna a badi bangate bumpanda-njila buambuluishi bua Tshisanga. Umvuija ne: tshikondo ki ntshianji kupita bua kuuja dibeji dia dilomba to. Manyisha ndongamu mujima wa bisangilu bia mudimu wa buambi mulongolola bua Tshisanga. Kankamija bantu bonso bua balonde ndongamu wa dibala dia Bible bua Tshivulukilu kutuadijila mu dia 27 Luabanya too ne dia 1 Tshisanga, mushindu udiye mu Tukonkononayi Mifundu dituku dionso​—1999 ne mu Calendrier 1999.

Min. 15: Tudilongolole bua Tshivulukilu. Muyuki. Bantu bonso badi ne bua kulongolola bua kuambuluisha balongi ba Bible ne basankididi bakuabu ba bulelela bua kubuela mu Tshivulukilu. Bapiabapia badi babuelamu badi mua kupanga kujingulula bua kumanya badi ne bukenji bua kudia diampa ne kunua mvinyo anyi diumvuija dia disekelela edi. Ambulula malu maleja mu Tshibumba tshia Nsentedi tshia dia 1 Tshisanga 1996, mabeji 6-8, ne leja mutudi mua kuambuluisha musankididi mupiamupia wa bulelela bua kujingulula diumvuija ne tshipatshila tshia disekelela edi. Komesha mu dikonkonona “Mavuluija bua Tshivulukilu” ne mu dimanyisha malongolola a mu tshisumbu tshienu bua Tshivulukilu.

Min. 20: Ntshinyi tshidi tshitufikila patudi tufua? Mukulu udi uyikila ne bamanyishi bakumbane babidi anyi basatu pa mushinga wa broshire eu ne mushindu wa kukuata nende mudimu. Tuvua balue kuibidilangana bimpe ne broshire eu patuvua bamulonge mu Dilonga dia Mukanda dia Tshisumbu. Tudiku tuenza nende mudimu bimpe mu buambi anyi? Bamanyishi aba badi bayukidilangana pa nkonko idi ilonda eyi: Bua tshinyi bantu ba bungi badi ne dijinga dia kumanya bivule pa bualu ebu? Bishilangane ne malongesha a dishima a bitendelelu, broshire eu udi uleja ditekemena kayi? Mmunyi mutudi mua kukuata mudimu ne nkonko idi pa dibeji dia ndekelu bua kujula dijinga dia kumanya? Mmu nsombelu kayi itudi mua kufila broshire eu? Enzayi dinaya dia tshilejilu dishindamene pa mvese idi mu tshikoso tshia 14 mu dibeji dia 27. Kankamija bantu bonso bua badiakaje bua kuenza mudimu bimpe ne broshire eu.

Musambu 92 ne disambila dia nkomenu.

Lumingu lua dia 29 Luabanya

Musambu 111

Min. 12: Mamanyisha. Vuluija bonso bua kufila luapolo lua mudimu lua Luabanya. Netufile Tshibumba tshia Nsentedi ne Réveillez-vous! mu Tshisanga. Leja nimero mipiamipia ya bibejibeji, tela biena-bualu binudi mua kujula nabi ntema, ne amue malu masunguluke adi mua kusankisha bantu. Bonso badi ne bua kuambula broshire wa Utulomba bua kutuadija nende malonga a Bible ne bantu badi baleja dijinga dia kumanya bivule.

Min. 15: Bidi tshisumbu tshikengela.

Min. 18: Mmunyi mutudi ne bua kuandamuna ku mibelu? Muyuki kudi mukulu. Buonso buetu tutu tupeta mibelu pa malu adi atangila ngikadilu wetu, bikadilu, malunda anyi didifila dietu mu midimu ya mu tshisumbu. Imue misangu tutu ne muoyo wa kubenga mibelu anyi kufiika munda. Dianyisha ku budisuile bua kuteleja mibelu ne kuyitumikila didi mua kuikala ne mushinga mukole bua diakalenga dietu dia mu nyuma. Konkonona malu a mushinga adi ashindika tubingila tutudi ne bua kuitabila mibelu ne kuyanyisha.​—Tangila Tshibumba tshia Nsentedi tshia dia 1 Tshisanga 1987, mabeji 27-30 (Mfual.).

Musambu 118 ne disambila dia nkomenu.