Mavuluija bua Tshivulukilu

Disekelela Tshivulukilu tshidimu etshi nedikale mu Dinayi dia 1 Tshisanga. Bakulu badi ne bua kutabalela malu adi alonda aa:

▪ Panualongolola dîba dia tshisangilu etshi, nujadike ne: bimanyishilu kabiakupita kumpala kua dîba kadiyi dianji kubuela.

▪ Muntu yonso, ne ngamba-malu pende, udi ne bua kuikala mumanye dîba dijalame ne muaba wenzekela disekelela edi.

▪ Mampa makanyine ne mvinyo bidi ne bua kuikala bimana kulongolola ne bikale pabuipi.​—Tangila Tshibumba tshia Nsentedi tshia dia 15 Luishi 1985, dibeji dia 17 (Mfual.).

▪ Malongo, vere ne mesa makumbanyine ne tshilamba tshia pa mesa bidi ne bua kuikala bimana kutuala ne bilonga kumpala kua dîba.

▪ Badi ne bua kusukula bimpe Nzubu wa Bukalenge anyi muaba mukuabu wenzekela tshisangilu etshi.

▪ Badi ne bua kudianjila kusungula bakididianganyi ne bapitshishi ba bimanyishilu ne kubamanyisha midimu yabu ne mushindu wayenzabu.

▪ Badi ne bua kulongolola bua kutuadila muela manyi yonso udi mulema peshi kayi ne mushindu wa kulua bimanyishilu.

▪ Padiku bisumbu bia bungi bua Nzubu wa Bukalenge umuepele, bidi ne bua kumvuangana bimpe bua kuepuka diunguila dia patupu mu mushiku wa mbelu, ku luseke lua njila ne pa muaba wa diimanyikila mashinyi.