Tudiku mua kufila mukanda wa Créateur anyi?

Tshidimu tshishale tuvua bonso basanke mutuvua bapete mukanda wa Y a-t-il un Créateur qui se soucie de vous? Mmukanda udi mufunda nangananga bua bantu badi mua kuikala kabayi bitabuja Nzambi nansha bikale balonge tulasa tua bungi. Mukanda eu udi ukumbaja dijinga didi didiunda anu kudiunda.

Mu mushindu muakanyine difila dia ku ngondo ditu dia mikanda idi ikoka ntema ya bantu ba bungi pa tshibidilu. Mbuena kuamba ne: tudi ne bua kubenga kufila mukanda wa Créateur anyi? Kabiena nanku nansha! Tudi mua kufila mukanda eu mu tshikondo kayi tshionso tshia tshidimu kudi bantu badi kabayi bitabuja Nzambi ne badi mua kupetelamu dikuatshisha. Tudi kabidi mua kuufila kudi bantu badi bitabuja Nzambi kadi kabayi ne lungenyi lujalame lua tshidiye, peshi kabayi bamanye ngikadilu yende ne malongolola ende to. Nunku udi mukankamijibue bua kuela mukanda eu mu tshibuta tshiebe tshia mudimu wa buambi ne kudiakaja bua kuufila kudi muntu yonso uudi mumone se: neasankidile mukanda eu paubalaye.