Bisangilu bia Mudimu bua Lumungulu

DIMANYISHA: Mudimu wetu wa Bukalenge newikale ne ndongamu wa Tshisangilu tshia Mudimu bua lumingu luonso mu tshikondo tshia mpungilu ya distrike. Bisumbu nebishintulule ndongamu eu padibi bikengedibua bua dibuela mu Mpungilu wa: “Dîyi dia mulayi dia Nzambi” ne nebienze diambulula mu minite 30 dia malu manene a ndongamu wa mpungilu mu Tshisangilu tshia Mudimu tshienzeka mu lumingu ludi lulonda. Diambulula edi dia dituku ne dituku dia mpungilu nebadianjile kudipesha bana betu basatu bapiluke bikala mua kuzangika ngenyi ya nshindamenu. Pikaladi dilongolola bimpe, nediambuluishe bena mu tshisumbu bua kuvulukabu ngenyi ya mushinga, bua kumonabu mua kuyitumikila mu nsombelu wabu ne kukuata nayi mudimu mu buambi. Nseka ya bateleji ne malu mamona adibu mua kulonda ikale mu tshikoso ne masunguluke.

Lumingu lua dia 3 Lumungulu

Musambu 7

Min.  8: Mamanyisha. Mamanyisha makumbanyine a mu Mudimu wetu wa Bukalenge. Mapiamapia a Teokrasi.

Min. 17: “Longeshayi bakuabu bua bapete diakalenga.” Mbuelelu webe kafiki ku munite mujima to, pashishe utungunuke mu nkonko ne mandamuna. Leja ku diambuluisha dia nshapita wa 13 mu mukanda wa Dimanya mushindu udi bantu bapetela dikuatshisha diakanyine ku dilonga, diumvua ne ditumikila mêyi-maludiki a mu Bible.

Min. 20: “Mishindu ya kualabaja mudimu webe.” Bakulu babidi badi bayukidilangana pa tshiena-bualu bua kuandamuna ku nkonko miela kudi bantu bashilashilangane mu bateleji. Bamanyishi babidi batshidi mipiankunde, bena dibaka babidi, ne muanetu wa balume ukadi mupete pansio ku mudimu badi bela bakulu nkonko pa mishindu idibu mua kualabaja mudimu wabu. Badi babapesha mibelu miakanyine miangatshila mu tshiena-bualu ne mu nshapita wa 9 wa mukanda wa Mudimu wetu, mu dishindamena pa ka-tshiena-bualu: “Udi ne bipatshila kayi bia mu nyuma?,” mu mabeji 116-118. Bamanyishi aba badi baleja dianyisha diabu bua mamanyisha adi ambuluisha adi Société ufila, ne adi aleja mushindu wa kudilongolola bua kualabaja mudimu mu matuku adi alonda.

Musambu 11 ne disambila dia nkomenu.

Lumingu lua dia 10 Lumungulu

Musambu 15

Min. 10: Mamanyisha. Luapolo lua konte.

Min. 15: Udi muenze malongolola kayi bua tshikondo tshia mpungilu? Bena mu dîku badi bakonkonona malu adibu balongolole bua kubuela mu mpungilu, kuenza bumpanda-njila buambuluishi, ne bua diikisha ne didiolola. Badi bayukila pa mushindu wa kudilongolola ne kuenza buambi bua mu mpukapuka, ne badi baleja mua kutuadija diyuki ne muntu. Shindika mushinga wa kusuminyina ne dilonga dia Bible dia muntu pa nkayende ne dia mu dîku, wa kubuela mu bisangilu padi muntu uya ku luendu, ne kutuma luapolo lua mudimu mu tshisumbu tshienu. Bena mu dîku badi bavuluka malu mimpe akamonabu pakabuelabu mu bisumbu bikuabu ne disanka diakumvuabu. Badi bela meji pa mishindu idibu mua kuleja diakidilangana kudi muenyi yonso udi ubuela mu tshisumbu tshiabu.

Min. 20: “Mpungilu ya Distrike ya: ‘Dîyi dia mulayi dia Nzambi’ bua 1999.” (Bikoso 1-12) Mu nkonko ne mandamuna. Bala bikoso 6, 7, ne 12. Umvuija bua tshinyi tudi ne bua kubuela mu mpungilu mujima, kubangila mu Ditanu. Ela kashonyi pa mushinga wa kulonda mubelu wa Société wa kutuala biakudia bietu nkayetu dituku dionso dia mpungilu.

Musambu 19 ne disambila dia nkomenu.

Lumingu lua dia 17 Lumungulu

Musambu 27

Min.  8: Mamanyisha.

Min. 12: “Dianjila kulongolola malu!” Muyuki udi uvuluija midimu yonso ya teokrasi milongolola bua tshisumbu mu ngondo idi kumpala. Kankamija bantu bonso bua bafunde pa tulandriye tuabu matuku a ngondo malongolola bua malu aa ne kabalekedi malu makuabu alua kubapumbisha to.

Min. 25: “Mpungilu ya Distrike ya: ‘Dîyi dia mulayi dia Nzambi’ bua 1999.” (Bikoso 13-19) Mu nkonko ne mandamuna. Bala bikoso 14-16. Ku diambuluisha dia mvese miambulula mu bikoso ne mikuabu mitela, ela kashonyi bua tshinyi tudi ne bua kutamba kutabalela mvuadilu wetu, mmuenekelu ne bikadilu bietu.

Musambu 29 ne disambila dia nkomenu.

Lumingu lua dia 24 Lumungulu

Musambu 41

Min. 10: Mamanyisha. Manyisha malongolola a pa buawu menza bua mudimu wa buambi.

Min. 15: Mandamuna ku nkonko yenu. Muyuki kudi mukulu.

Min. 20: Tudi tuenza mudimu wa ditapulula anyi? Muyuki udi ukoka ntema muenza kudi mutangidi wa mudimu, muashila pa Tshibumba tshia Nsentedi tshia dia 1 Kashipu 1997, mabeji 30-31.

Musambu 32 ne disambila dia nkomenu.

Lumingu lua dia 31 Lumungulu

Musambu 43

Min. 15: Mamanyisha. Vuluija bonso bua kufilabu luapolo lua mudimu bua Lumungulu. Akula bua mikanda ya kufila mu Kabalashipu. Patudi tufila mukanda wa Dimanya, tudi mua kusakidila mukanda wa mabeji 192 ku idi miûle mu stoke wa tshisumbu. Enzayi dinaya dia tshilejilu didi dileja mushindu wa kumanyisha bantu bualu bua mapa atudi tulomba bua mikanda.

Min. 15: Bidi tshisumbu tshikengela.

Min. 15: Tshitendelelu tshianyi ntshibi ku tshinyi? Diyukidilangana pankatshi pa basadidi ba mudimu babidi. Tutu tupetangana ne bantu ba bungi badi bitaba bulelela ne banyisha Bantemu ba Yehowa. Kadi, malanda adibu nawu mu nzambi yabu atu abakanda. Badi bamona bualu bukole bua kuitaba ne: tuetu ke badi mu tshitendelelu tshimuepele tshilelela ne se: tshitendelelu tshiabu ntshia dishima. Bualu ebu butu tshipumbishi tshinene bua dilubuluka diabu dia mu nyuma. Bana betu aba badi bakonkonona malu asambombo adi mu mukanda wa Comment raisonner, dibeji dia 398, mudibu baleje patoke bua tshinyi bitendelelu bikuabu kabiena bilonda Bible. Kankamijayi bateleji bua bakuate mudimu ne malu aa mu bukalanga bua kuambuluisha badi ne muoyo wa kumanya malu bua bakonkoloje mitabuja a mu bitendelelu biabu.

Musambu 50 ne disambila dia nkomenu.