Mamanyisha

▪ Mikanda ya kufila mu Tshiongo: Mukanda kayi wonso wa mabeji 192 mupatula kumpala kua 1986 udi mu stoke mu tshisumbu. Bisumbu bidi kabiyi ne mikanda eyi nebifile mukanda wa La vie: comment est-elle apparue? Évolution ou création? anyi wa Udi mua kuikala ne muoyo wa kashidi pa buloba bukudimuna mparadizu. Luishi: Nsapi wa disanka mu dîku.

▪ Mu Tshiongo ne mu Luishi bisumbu bia ku Katanga nebifile broshire ya Spiritu ya bafue ne Bantemu ba Yehowa ba tshikondo tshietu etshi. Badi mua kuyilomba ku depo wa Lubumbashi.

▪ Ba-sekretere badi ne bua kuikala bafunda mu Mfualansa mikanda yonso idibu batumina Biro. Kadi bikalaku kakuyi mukulu nansha umue udi mumanye mua kufunda mu Mfualansa, apu badi mua kuyifunda mu muakulu wa tshisumbu.

▪ Nupeshe bamanyishi bonso batambule bikalaku mu Tshisangilu tshia Mudimu mu lumingu lua dia 10 Tshiongo karte ka “Instructions médicales/​Pas de sang” ne Karte ka bumuntu bua bana babu.

▪ Biangatshile mu Luishi ne kabayi bapitshisha dia 5 Luabanya, batangidi ba bijengu nebatuadije kuenza muyuki wa patoke mupiamupia udi ne tshiena-bualu etshi: “Armagedone wa bushuwa​—Bua tshinyi ne ndîba kayi dienzekaye?”

▪ Bisumbu bidi ne bua kudilongolola bimpe bua Tshivulukilu tshienzeka tshidimu etshi mu Disatu dia 19 Tshisanga, panyima pa dîba dimane kubuela. Nansha mudi muyuki mua kutuadija kumpala, dipitshisha dia bimanyishilu bia Tshivulukilu kadiena ne bua kutuadija padi dîba kadiyi dianji kubuela to. Nutangile tshikondo tshidi dîba dibuela mu tshimenga tshienu. Nansha mutudi tujinga bua tshisumbu ne tshisumbu kuikalatshi ne watshi muaba wa kusekelela Tshivulukilu, muanda eu ki mmukenji mushile to. Nenku miaba itu bisumbu bivule bienzela bisangilu mu Nzubu wa Bukalenge umuepele, pamu’apa tshimue anyi bivule bia kudibi nebidisangishile mikuabu miaba dilolo adi. Padiku mushindu, nekupite minite nansha 40 bangabanga ne tshisumbu tshikuabu kutuadijatshi bua ne: bena tshia kumpala bapete dîba dia kuela benyi muoyo, kukankamija bapiabapia, ne bua kupeta mushindu wa kusanka bua tshikondo etshi.

▪ Muyuki wa patoke wa pa buawu bua tshikondo tshia Tshivulukilu tshia mu 2000 newenzeke mu Dia lumingu dia 16 Tshisanga. Newikale ne tshiena-bualu etshi: “Bua tshinyi bantu badi dijinga ne tshia-bupikudi.” Netunutumine plan eu. Bisumbu bikala ne dikumbula dia mutangidi wa tshijengu, anyi mu mpuilu wa tshijengu peshi wa pa buende lumingu alu nebiteleje muyuki wa pa buawu au lumingu ludi lulonda. Tshisumbu nansha tshimue katshienji muyuki eu kumpala kua dia 16 Tshisanga 2000 to.