Mamanyisha
▪ Mikanda ya kufila mu Kabalashipu: Ntshinyi tshidi Nzambi utulomba? Ukebe mushindu wa kutuadija kulonga Bible ne bantu. Kashipu ne Tshimungu: Broshire yonso wa mabeji 32 ku idi ilonda eyi: Bukalenge bualua kuasa Mparadizu, Dieu se soucie-t-il vraiment de nous?, Ikalayi ne muoyo wa kashidi ne disanka pa buloba!, Le nom divin qui demeure à jamais, Ntshinyi tshidi tshitufikila patudi tufua?, Padi muntu uudi munange ufua, Quel est le but de la vie? Comment le découvrir?, ne Tudi ne bua kuitabuja Busatu Bunsanto anyi? Pikalabi bikumbanyine nudi kabidi mua kufila broshire bu mudi: Connaîtrons-nous un jour un monde sans guerre?, Nos problèmes—Qui nous aidera à les résoudre?, Spiritu ya bafue—Idi mua kukuambuluisha anyi kukuenzela bibi? Ituku menemene anyi?, ne Un livre pour tous. Kabitende: La vie: comment est-elle apparue? Évolution ou Création?
▪ Tudi tulomba bisumbu bitangidi bia mikanda bua bikale misangu yonso bifunda pa dibeji diabi dia dilomba nadi mikanda (S-14) ne: ‘tshitangidi.’
▪ Bua mumanyishi yonso kupetaye tshiende tshibejibeji, tuvua batshintshikile bimpe bungi bua bibejibeji binuvua nupeta pa tshibidilu, ne muanda eu uvua ne bua kutuadija mu dia 1 Tshiongo 2000. Kadi, monayi mpindieu tudi tupeta mabeji a bungi a dibilomba nawu a kudi bisumbu bidi bijinga kuvudija bibejibeji bungi bupitshidile. Bimue bisumbu mbisue kuvudija misangu ibidi anyi isatu bungi bua bibejibeji biabi. Kadi tudi tunumanyisha ne: bidi bikengela kuya ne muanda eu ku kakese ku kakese. Padi bibejibeji binudi nulomba bimueneka bipitepite bungi, biro nebibikepeshe. Bikala tshisumbu kampanda ne dijinga dia bushuwa dia kuvudija bungi bua bibejibeji biditshi ne bua kupeta, mbimpe tshifundile Société mukanda.
▪ Tudi tunumanyisha ne: bua kupepeja malu ne kubenga kutudisha makuta a bungi, katuakuitaba kabidi abonema to, pa kumusha anu abonema wa bibejibeji mu muakulu udi bantu kabayi bakula mu teritware wetu. Bantu ba bungi batu bajinga kupeta bibejibeji bietu pa tshibidilu mbalongi ba Bible ne pamu’apa bakuabu batu babuela mu bisangilu bia tshisumbu. Bikala muntu ne dijinga dia kuikala upeta bibejibeji pa tshibidilu, anji tetayi bua kumanya bikalaye nabi dijinga menemene. Padibi nanku, pamu’apa nudi mua kupangadija bua kuteka muntu eu mu mulongo wa banutu nutuadila bibejibeji padibi bipatuka, nenku nebinuambuluishe bua kukolesha dijinga diende dia kumanya bia bungi. Ambilayi bamanyishi bonso bua bikala bangatshila bibejibeji biabu mu tshisumbu mudibu.