Ndongamu wa Bisangilu bia Mudimu

Lumingu lua dia 12 Kabalashipu

Musambu 136

Min.  8: Mamanyisha a mu tshisumbu ne makuabu makumbanyine a mu Mudimu wetu wa Bukalenge.

Min. 15: “Mudimu wenu mukole kawena patupu.” Mbuelelu webe kapitshi pa munite mujima to, pashishe utungunuke mu nkonko ne mandamuna. Ubuejemu ngenyi idi mu bualu budibu balonde mu Tshibumba tshia Nsentedi tshia dia 15 Kabalashipu 1996, dibeji 32.

Min. 22: Mua kutuadija kulonga ne bantu broshire wa Utulomba. Muyuki udi wambulula tshiena-bualu tshidi mu Mudimu wetu wa Bukalenge wa Tshiongo 1999, dibeji 6. Enzayi dinaya pa dileja didi mu tshikoso 6. Lomba mumanyishi umue anyi babidi bua balonde mu mêyi makese bipeta bimpe bidibu bapatule mu dituadija kulonga ne bantu, baleje mushindu uvuabu batuadije ne tshivuabu benze bua kutungunuka ne dilonga lumingu luonso.

Musambu 209 ne disambila dia nkomenu.

Lumingu lua dia 19 Kabalashipu

Musambu 14

Min. 12: Mamanyisha a mu tshisumbu. Luapolo lua konte. Binuikala ne mikanda ya Les jeunes s’interrogent anyi ya Votre jeunesse mu tshisumbu, lejayi mu dinaya mushindu wa kuyifila bimpe mu buambi padi balongi mu dikisha, dîba ditudi mua kusangana bansonga ba bungi ku nzubu.

Min.  8: Mandamuna ku nkonko yenu. Muyuki kudi mukulu.

Min. 25: “Ndi mua . . . munyi, bikala muntu kayi mundeje?” Diyukilangana mu nkonko ne mandamuna dilombola kudi mutangidi wa mudimu. Nubale bikoso bionso ne dîyi dikole, nubale kabidi mvese idi mu tshikoso 3, 4 ne tshia 7. Panudi nufika ku tshikoso 6, umvuije malu adi mutangidi wa mudimu ne bua kukonkonona bua kushisha kupangadija bikalabi bikengela anyi kabiyi bikengela kutuadijilula kulonga Bible ne bantu bakadi batambule.​—Tangila tshiena-bualu tshia Mandamuna ku nkonko yenu mu Mudimu wetu wa Bukalenge wa Kasuabanga 1998.

Musambu 89 ne disambila dia nkomenu.

Lumingu lua dia 26 Kabalashipu

Musambu 39

Min. 10: Mamanyisha a mu tshisumbu. Vuluija bamanyishi bua bafile luapolo lua mudimu bua ngondo wa Kabalashipu. Konkononayi mikanda ya kufila mu Kashipu. Lejayi broshire ya kale idiku mu tshisumbu ne umvuijayi mu mêyi makese tshipatshila tshia broshire yonso. Enzayi dinaya dia tshilejilu dilongolola bimpe didi dileja mushindu wa kufila umue wa ku broshire eyi mu buambi.

Min. 17: “Tupeshangane bintu ne tuikale badilongolole bua kubiabanyangana.” Mu nkonko ne mandamuna. Buejamu malu anayi adi aleja “Bua tshinyi tudi tufila,” adi mu Tshibumba tshia Nsentedi tshia dia 1 Kasuabanga 1996, mabeji 29-30.

Min. 18: Manya mua kuandamuna. (Kolos. 4:6) Muyuki ne diyukilangana ne bateleji. Ntshinyi tshiutu wenza paudi upetangana ne muntu udi wela lukonko ludi kaluyi lutangila malu a mu Bible? Mukanda wa Comment raisonner utu misangu mivule ne ngenyi miakanyine pa mushindu wa kuandamuna ne bukalanga. Tshilejilu, nansha mutudi tumona lufu bu muluishi watshimunabu ku diambuluisha dia tshia-bupikudi tshia Kristo, bakuabu mbajadike ne: kakuena tshintu tshialujikija to, bafika too ne ku ditabuja lungenyi lua dishima lua se: padi muntu ufua udi ubuela mu mubidi mukuabu. Konkononayi mandamuna mafila mu Comment raisonner pa ka-tshiena-bualu kadi kamba ne: “Si quelqu’un vous dit​—” mu mabeji 258-259 ne 309. Kankamija muntu yonso bua kuikala upatuka ne mukanda eu mu buambi.

Musambu 44 ne disambila dia nkomenu.

Lumingu lua dia 3 Kashipu

Musambu 213

Min. 10: Mamanyisha a mu tshisumbu. Ebeja bamanyishi badi babange kulonga ne bantu broshire wa Utulomba baleje tshivuabu benze.

Min. 15: “Mmushindu kayi udibu ne bua kulombola bisangilu bia mudimu wa buambi?” Mutangidi wa mudimu udi uyikila ne mulombodi kampanda wa dilonga dia mukanda. Mbitambe buimpe kuangata eu udi musadidi wa mudimu mukumbane. Mutangidi wa mudimu neikale mua kubueja mu diyiki diabu edi ngenyi miakanyine ya mu Mudimu wetu wa Bukalenge wa Kasuabanga 1994, dibeji 3. Neumvuije mudibi biakanyine bua kuambulula ngenyi ya mu Tshisangilu tshia Mudimu tshishale ne nealeje mushindu wa kuenza nayi mudimu dituku adi. Dinaya dia tshilejilu dîpi ne dipepele dilongoluela pa tshiena-bualu tshia mu Bible nedituambuluishe bua kusangisha ngenyi yetu ne kuyifila. Padiye wabanya bantu, mulombodi udi ne bua kubatuma babidi babidi anu bu muakenza Yezu. Nebasungule mukulu anyi musadidi wa mudimu mukumbane bua kulombolaye tshisangilu etshi tshia mudimu wa buambi bua tshikale tshimpe ne tshiambuluisha bamanyishi bua kuenzabu bimpe mudimu eu.

Min. 20: Kutumikila mêyi a mu Bible kudi kulengeja nsombelu wa mu dîku. Diyuki pankatshi pa bana betu ba balume babidi, diashila pa malu muanda-mukulu adi mu mukanda wa Comment raisonner, mabeji 229-230. Umvuijayi mushinga wa kuambuluisha balongi ba Bible bua bamanye ne: bua kuikala ne disanka mu dîku bidi bikengela kumvua ne kutumikila mêyi adi mu Dîyi dia Nzambi. Enzayi dinaya dia tshilejilu pa dilongesha dia 8 mu broshire wa Utulomba bua kuleja mudi disanka mua kupeteka mu dîku. Bena mêku badi batumikila mibelu ya mu Bible badi banangangana bikole, bapeta disanka divule ne bashala mu buobumue. Londayi bualu budi mu mukanda wa Disanka mu dîku, nshapita wa 13, bikoso 1, 21-22.

Musambu 51 ne disambila dia nkomenu.