Mushindu wa kulama mikanda mu Nzubu ya Bukalenge

Bisumbu bionso bitu bisangila Nzubu wa Bukalenge umuepele bitu ne tshilaminu tshimuepele tshia mikanda. Mbuena kuamba ne: ku ngondo ku ngondo “tshisumbu tshitangidi” ke tshidi ne bua kutumina Société dibeji dia dilomba nadi mikanda buabi bionso pamutu pa tshisumbu tshionso kuikalatshi tshiditumina pa bule dilomba diatshi dia mikanda. Bikalaku anu tshisumbu tshimuepele mu Nzubu wa Bukalenge, ngenzelu eu ki mmutshitangile tshiotshi to.

Tshisumbu tshionso tshidi ne bujitu bua kuditangidila “Mapa bua mudimu wa pa buloba bujima wa Bantemu ba Yehowa​—Matayo 24:14”; ki mbujitu bua tshisumbu tshitangidi to. Kunyima kua bisangilu, tshisumbu tshionso tshidi ne bua kupatula ne kusangisha mapa onso ikala bantu bele mu tushete. Pashishe netshitumine Société mapa aa ku diambuluisha dia S-20 anu bu pa tshibidilu.

Mutangidi wa mikanda wende mudimu munene ng’wa kutangila bua ne: kuikale mikanda anyi bintu bungi bukumbane bua bisangilu ne bua mudimu wa buambi bilondeshile difila dia ngondo yonso. Udi ne bua kuenza muende muonso bua bintu bitubu banutumina anu panudi nuenza dilomba dia pa buadi kabinengi tshianana mu tshisumbu to. Neabadike bungi bua mikanda yonso ku ngondo ku diambuluisha dia formilere wa État mensuel du stock des publications (S-28). Diakamue padi minga mikanda ifika, muanetu eu mutangidi wa mikanda udi ne bua kuyisangisha kaba kamue ne mikuabu.

Tudi tupeta mikanda ya bungi batuebeja bua mushindu mupiamupia eu wa dilama dia mikanda ku Nzubu wa Bukalenge. Mutangidi wa mikanda ne tshindondi tshiende nebenze tshisangilu ne tusumbu tua mudimu tua bisumbu bitu bisangila Nzubu wa Bukalenge umuepele pamue ne basadidi batu batangila malu a mikanda ne bibejibeji ba mu bisumbu bionso ebi. Nebakonkonone mu tshisangilu etshi mêyi a kulonda adi maleja mu mukanda wa mu dia 1 Kashipu 1999, kabidi ne makuabu a kulonda bua dilomba dia mikanda ne bibejibeji aa: “Instructions pour la demande de publications et de périodiques” a mu Tshiongo 2000 (S(d)-15-F). Mêyi aa adi mua kunuambuluisha bua kupeta mandamuna a nkonko ya bungi inudi nuela biro bia filiale.