Ndongamu wa Bisangilu bia Mudimu

Lumingu lua dia 14 Tshimungu

Musambu 114

Min. 12: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Akula bua luapolo lua mudimu wa buambi lua ditunga dijima ne lua tshisumbu tshienu bua ngondo wa Luabanya. Nkushale matuku anu abidi a Disambombo ne abidi a Dia lumingu bua ngondo wa Tshimungu, nunku ukankamije muntu yonso bua kupatuka mu buambi kumpala kua ngondo kujikaye. Vuluija bamanyishi mêba malongolola bua kuenza bisangilu bia mudimu wa buambi mu Disambombo ne mu Dia lumingu.

Min. 15: “Uluangane mvita mimpe ya ditabuja.” Mbuelelu webe kapitshi pa munite mujima to, pashishe utungunuke mu nkonko ne mandamuna. Sakidila mumvuija makuabu audi mua kuangatshila mu mukanda wa Mudimu wetu, dibeji 44-45, mudibu baleja mushindu udi balombodi ba Dilonga dia Mukanda dia Tshisumbu ne bua kulongolola mudimu wa buambi ne tusumbu tuabu ne tshipatshila tshia kuambuluisha muena mu kasumbu yonso bua kuikalaye upatuka mu buambi ne ufila luapolo luende lua mudimu ngondo yonso.

Min. 18: Mushindu udi diya mu tulasa mua kukukuatshisha. Tatu udi uyikila ne bana bende bua bafike ku dianyisha mushinga wa dilonga kalasa. (Tangila Les jeunes s’interrogent, dibeji 133, 134-139.) Bansonga ba bungi badi bamona ne: kulonga tulasa pamue ne binabu bena tshimvundu ba lelu aba ndutatu lukole lua dikema. Badi kabidi bumvua bibatshiokesha bikole, bibafikisha too ne ku diamba ne: malu adibu balonga neikale anu ne dikuatshisha dikese. Tatu udi ukonkonona tshidi Bible wamba ne malu mimpe adi aleja bua tshinyi mbimpe kuikalaku mumanye ndambu wa mukanda. Udi ukankamija bana bende bua bikale balonga bimpe ne bateya ntema mu kalasa.

Musambu 127 ne disambila dia nkomenu.

Lumingu lua dia 21 Tshimungu

Musambu 143

Min. 12: Mamanyisha a mu tshisumbu. Luapolo lua konte. Enzayi dinaya dia tshilejilu diambulula bimpe didi dileja mushindu wa kuandamuna lukonko elu: “Bua tshinyi Nzambi wa dinanga udi mua kuanyisha bua makenga kutungunukawu mutantshi bule nunku?” (Comment raisonner, dibeji 376-377) Kankamija muntu yonso bua apatuke mu buambi ku ndekelu kua lumingu elu.

Min.  8: “Ndongamu mupiamupia wa mpuilu wa pa buende wa dituku dimue.” Muyuki. Manyisha dituku dienzeka mpuilu wa pa buende bikaladi dimanyike, ne ukankamije bantu bonso bua kuikalabu muomu dituku adi dijima. Ambila bamanyishi bua babikile bantu badi babange kunanga bulelela ne balongi ba Bible.

Min. 25: “Bituku bikuambuluisha anyi?” Mu nkonko ne mandamuna. Panudi nufika mu tshikoso tshia 14, nudi mua kuakula bua mukanda wa Bobumue mu tshitendelelu tshia Nzambi umue mulelela unudi nuenu nulonga mpindieu mu Dilonga dia Mukanda dia Tshisumbu.

Musambu 152 ne disambila dia nkomenu.

Lumingu lua dia 28 Tshimungu

Musambu 165

Min. 10: Mamanyisha a mu tshisumbu. Vuluija bamanyishi bonso bua bafile luapolo lua mudimu lua ngondo wa Tshimungu. Mulombodi yonso wa Dilonga dia Mukanda dia Tshisumbu udi ne bua kuenza muende muonso bua bonso badi mu kasumbu kende bafile luapolo luabu bua kuyitumabu yonso kumpala kua dia 6 Kabitende.

Min. 15: Majinga a tshisumbu.

Min. 20: “Bisangilu bidi biambuluisha bansonga.” Diyukidilangana mu nkonko ne mandamuna dilombola kudi mukulu. Panudi nufika ku tshikoso tshia 8, konkononayi amue malu mimpe atu ambuluisha bua kushindamija lungenyi kaba kamue ne kuteya ntema mu bisangilu. (Tangila Réveillez-vous! wa dia 22 Kabitende 1998, dibeji 19-20.) Kankamija baledi bua bikale ne dîsu dikole bua bana kuikalabu ne tshibidilu tshia kubuela mu bisangilu bionso.​—Tangila bualu bulonda mu Tshibumba tshia Nsentedi tshia dia 1 Kabitende 1997, dibeji 25.

Musambu 176 ne disambila dia nkomenu.

Lumingu lua dia 4 Kabitende

Musambu 196

Min. 15: Mamanyisha a mu tshisumbu. Umvuija bimpe malu a mu tshiena-bualu tshia ne: “Mushindu wa kulama mikanda mu Nzubu ya Bukalenge.”

Min. 10: Tshikondo tshietu etshi ntshia pa buatshi. Muyuki muenza kudi mukulu ne muashila pa ngenyi idi mu Tshibumba tshia Nsentedi tshia dia 15 Kasuabanga 1996, dibeji 22-23.

Min. 20: “Udi utantamana anyi?” Muyuki ne diyukidilangana ne bateleji. Kankamija bantu bonso bua kuela meji muikalabu mua kupeta masanka buobu batungunuke ne dienza mudimu wa bena Kristo. Bikala mateketa atukuata, bidi bikengela tudikoleshe mu nyuma. Buejamu mumvuija audi mua kuangatshila mu Tshibumba tshia Nsentedi tshia dia 1 Kasuamansense 1999, dibeji 20-21, tshikoso 17-21. Lomba bamanyishi babidi anyi basatu badi batantamane ne bashale ne lulamatu munkatshi mua bidimu bivule bua balonde tshitubu benza bua kunanukila.

Musambu 206 ne disambila dia nkomenu.