Mamanyisha

▪ Mikanda ya kufila mu Kabitende: La vie: comment est-elle apparue? Évolution ou Création? Kasuamansense: Tshibumba tshia Nsentedi ne Réveillez-vous! Mu matuku a ku ndekelu kua ngondo eu, nenutuadije kuabanya Ngumu ya Bukalenge No. 36. Kasuabanga: Tungunukayi ne diabanya dia Ngumu ya Bukalenge No. 36. Bisumbu bikale bimana kuabanya Ngumu ya Bukalenge No. 36 kudi muntu ne muntu wa mu teritware wabi, bidi mua kutungunuka ne kufila broshire wa Utulomba anyi mukanda wa Dimanya. Bikala bantu bamane kuikala ne mikanda eyi, nudi mua kufila nansha mukanda wa Muoyo wa kashidi anyi wa Création. Tshisua-munene: Dimanya didi difikisha ku muoyo wa kashidi ne Traduction du monde nouveau.

▪ Tudi tuvuluija bakulu bua kulondabu mêyi adi mu Tshibumba tshia Nsentedi tshia dia 15 Tshisanga 1991, dibeji dia 21-23, adi aleja tshia kuenza bua muntu yonso udibu bipate mu tshisumbu anyi mudipatukile ku budisuile kadi udi ujinga mpindieu bua kupinganamu.

▪ Société kêna wanyisha dilomba dia mikanda didienzela kudi muntu nkayende to. Mutangidi-muludiki udi ne bua kulongolola bua benze dimanyisha ku ngondo ku ngondo bangabanga ne kutuminabu Société dilomba dia mikanda dia ku ngondo dia tshisumbu, bua ne: muntu yonso udi ujinga kupeta mikanda adianjile kumanyisha muanetu udi utangila malu a mikanda. Nuavulukayi bintu bidibu batuma anu ku dilomba dia pa buadi.

▪ Mutangidi-muludiki anyi muntu wasungulaye, udi ne bua kukonkonona konte ya tshisumbu mu dia 1 Kabitende anyi diakamue kunyima kua dituku edi. Padiku kujika, numanyishe tshisumbu kunyima kua dibala dia luapolo lua konte lunuenza musangu walonda.

▪ Bu muikala bimue biena-bualu biapatuka mu bibejibeji matuku adi kumpala eku mua kukoka ntema ya bantu pa malu makuabu, nebasakidile ku dilomba dia tshisumbu tshionso bibejibeji bia pa mutu 20 pa lukama bua nimero ya Tshibumba tshia Nsentedi tshia dia 1 ne dia 15 Kasuamansense 2000 ne Réveillez-vous! wa dia 22 Kasuamansense 2000.

▪ Betele udi ne dijinga dikole dia bana betu badi bamanye mua kulongolola mashinyi, badi bamanye malu a nzembu, a milonda ya mâyi, bendeshi ba mashinyi, nangananga ba tuminyo tunene (ta remorke). Tudi tukankamija bonso badi bamanye midimu eyi bua kuluabu kututuisha maboko ku budisuile. Komite wa mudimu wa tshisumbu ke udi ne tshia kutuma mêna a bana betu aba.​—Mus. 110:3; Yesh. 6:8.

▪ Mikanda idiku:

Mangala, Monokutuba, Tshiluba, Tshiluba tshia lolo ne Tshimpende: Ntshinyi tshidi Nzambi utulomba?

▪ Mikanda mipiamipia idiku:

Kituba ne Lomongo: Ikalayi ne muoyo wa kashidi ne disanka pa buloba!

Kinande ne Kituba: Nsombelu wa ditalala mu bulongolodi bupiapia (T-15) ne Nditekemena kayi ditudi nadi bua bananga betu bakadi bafue? (T-16)

Mfualansa: Jéhovah: qui est-il? (T-23)