Ndongamu wa Bisangilu bia Mudimu

Lumingu lua dia 11 Kabitende

Musambu 139

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Konkonona luapolo lua ngondo wa Tshisanga 2000 bua Congo-Brazzaville ne Congo-Kinshasa, ne tshiena-bualu: “Tudiku mua kulengeja kabidi anyi?”

Min. 15: “Dibenesha dia Yehowa didi dituvuija babanji.” Mbuelelu webe kapitshi pa munite mujima to, pashishe utungunuke mu nkonko ne mandamuna.​—Tangila Étude perspicace, Vol. 2, dib. 798, tshik. 12-13.

Min. 20: “Jula dijinga dia kumanya bivule ne mianda idi yenzeka.” Diyukidilangana ne bateleji ne manaya a tshilejilu. Tela malu a bungi adi apitakana muaba unudi adi makoke ntema ya bantu. Malu au mmajule tshinyi mu lungenyi lua bantu bua matuku atshilualua? Ku diambuluisha dia kakanda ka Mua kutuadija ne kutungunuka ne mayuki pa Bible dibeji 5-6 (rs-F dib. 10), fila imue ngenyi pa mushindu wa kulongolola mbuelelu wafikisha ku dibuela mu Bible. Enzayi manaya a tshilejilu abidi malongolola bimpe.

Musambu 224 ne disambila dia nkomenu.

Lumingu lua dia 18 Kabitende

Musambu 2

Min. 10: Mamanyisha a mu tshisumbu. Luapolo lua konte.

Min. 15: Ntshinyi tshituvua benze tshidimu tshishale? Muyuki kudi mutangidi wa mudimu. Konkonona malu manene a mu luapolo lua tshisumbu bua tshidimu tshia mudimu tshia 2000. Ela bena mu tshisumbu kalumbandi bua malu mimpe avuabu benze. Leja bitupa bia mudimu bidi mua kuikala bikengela kuakaja. Shindamena pa tshivua tshisumbu tshienze bua bidi bitangila dibuela mu bisangilu, dituadija malonga a Bible ne bantu ne dialombola, ne dipatuka pa tshibidilu mu buambi. Leja bipatshila biakanyine bia kukumbaja tshidimu tshidi tshilonda.

Min. 20: “Mioyo ya bantu idi mu njiwu!” Diyukidilangana ne bateleji. Umvuija mvese idibu batele mu tshiena-bualu etshi.

Musambu 30 ne disambila dia nkomenu.

Lumingu lua dia 25 Kabitende

Musambu 93

Min. 15: Mamanyisha a mu tshisumbu. Vuluija bamanyishi bonso bua bafile luapolo lua mudimu wa buambi lua ngondo wa Kabitende. Konkonona Mandamuna ku nkonko yenu.

Min. 15: “Udi mujingulule tshidiye umvuija anyi?” Diyukidilangana mu nkonko ne mandamuna dilombola kudi mutangidi wa mudimu. Ndia kuenza bilondeshile malu adi mu tshisumbu.

Min. 15: “Mushindu muakanyine wa kufila mikanda yetu.” Diyukidilangana pankatshi pa mutangidi-muludiki ne sekretere.

Musambu 115 ne disambila dia nkomenu.

Lumingu lua dia 2 Kasuamansense

Musambu 169

Min. 15: Mamanyisha a mu tshisumbu. Manyisha tshisumbu bua diabanya dia pa buadi dia Ngumu ya Bukalenge No. 36, diatuadija mu Dimue dia 16 Kasuamansense, ne neditungunuke too ne mu Ditanu dia 17 Kasuabanga. Kankamija bantu bonso, ne bana ne bapiabapia mu tshisumbu, bua bayishe bikole. Kubangila ku mpindieu, balombodi ba dilonga dia mukanda badi ne bua kutuadija kukankamija ne kumvuangana ne bena mu tusumbu tuabu bonso bua benze benzelamu mudimu ne lukunukunu. Buejamu malu adi akankamija bantu anuvua bamone dîba dinuvua nuabanya Ngumu ya Bukalenge musangu mushale.

Min. 15: “Ndi ne bua kumuangala anyi?” Muyuki kudi mukulu. Umvuija bua tshinyi bidi bikengela kuikala ne busunguluji kumpala kua kuangata dipangadika dia kumuangala bua kuya kusombela muaba mukuabu. Leja mushindu wa kutumikila mubelu mufila mu Nsumuinu 22:3. Buejamu ngenyi idi itulomba bua kuikala ne budimu idi mu Tshibumba tshia Nsentedi tshia dia 15 Tshimungu 1988, dib. 22 (Mfual.).

Min. 15: Malu mamonamona mu dituadija mayuki ne bantu. Mu ndongamu wa Tshisangilu tshia Mudimu tshia lumingu lua dia 11 Kabitende, bavua batulombe bua tuenze mudimu ne mbuelelu kabukabu pa mianda idi yenzeka pa buloba bua kukoka ntema ya bantu ne kutuadija nabu mayuki mu buambi. Lomba bateleji bua balonde bipeta bimpe bivuabu bapatule bualu bavua batumikile mibelu ayi.

Musambu 205 ne disambila dia nkomenu.