Ndongamu wa Bisangilu bia Mudimu
Lumingu lua dia 13 Kasuabanga
Musambu 4
Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge.
Min. 13: Mandamuna ku nkonko yenu. Muyuki wenzabu kudi mukulu.
Min. 22: “Tukoleshayi dijinga dia bantu dijula kudi Ngumu ya Bukalenge No. 36.” Mu nkonko ne mandamuna, tshikoso tshia 1-5. Manyisha munudi balongolole bua kufika miaba yonso inudi kanuyi banji kuabanya Trakte mu teritware. Konkonona ngenyi idi mu tshikoso tshia 7 ne tshia 8 idi ileja tshiudi mua kuamba paudi upinganyina bantu, ne wenzeje manaya abidi a tshilejilu pa bikoso ebi. Leja ne ushindike mudi kupinganyina yonso uvua ne dijinga dia kumanya, ne kabidi kudienzeja bua kubanga kulonga nende Bible kuikale ne mushinga. Jikija ne dikonkonona dia tshikoso tshia 9 ne mvese idimu.
Musambu 63 ne disambila dia nkomenu.
Lumingu lua dia 20 Kasuabanga
Musambu 111
Min. 10: Mamanyisha a mu tshisumbu. Luapolo lua konte.
Min. 15: Malu mamona mu diabanya dia Ngumu ya Bukalenge No. 36. Manyisha bipeta bimpe bidi bipeteke bua difila trakte eu mu teritware mujima. Kudiku muntu mu tshisumbu tshienu udi mupatuke wende musangu wa kumpala mu buambi anyi? Telayiku mêyi mimpe manupatuila kudi bantu banuvua bayishe. Kuvuaku bamanyishi bavua babange malonga a Bible anyi? Bikalabi nanku, balomba bumvuije peshi bambulule mu dinaya dia tshilejilu bua kuleja mushindu uvuabu babange malonga aa. Vuluija bantu bonso bua bapinganyine bantu bua kukolesha dijinga dia kumanya divuabu bamone kudibu.
Min. 20: “Tungunukayi ne kuyisha!” Muyuki ne diela bamue bantu nkonko. Kudi bantu badi babuele mu bulongolodi bua Yehowa ne bananukile mu mudimu wa buambi matuku abu onso a muoyo. Bavua bapete disanka mu mudimu wabu bualu bavua ne mmuenenu muimpe. (Tangila Dimanya, dib. 179, tshik. 20, ne Tshibumba tshia Nsentedi 1 Lumungulu 1992, dib. 21-22, tshik. 14-15 (Mfual.)) Lomba mumanyishi ukadi ne bidimu bia bungi mu mudimu kayi uulekela bua alonde bua tshinyi mmusuminyine mu mudimu wa buambi.
Musambu 141 ne disambila dia nkomenu.
Lumingu lua dia 27 Kasuabanga
Musambu 153
Min. 10: Mamanyisha a mu tshisumbu. Vuluija bamanyishi bua bafile luapolo lua mudimu wa buambi lua ngondo wa Kasuabanga. Mu ngondo wa Tshisua-munene netufile mukanda wa Dimanya ne Bible wa Traduction du monde nouveau. Umvuija mudi Bantemu ba Yehowa benze mudimu munene bua kupatula Bible mu miakulu ya bungi.—Tangila Tshibumba tshia Nsentedi 15 Kasuamansense 1997, dib. 11-12.
Min. 20: Tukuate mudimu bimpe ne mukanda wa Comment raisonner. Diyukidilangana mu nkonko ne mandamuna mu dibeji dia 7-8. Umvuija mudibu benze mukanda eu bua kutuambuluisha bua kuyisha bilenga. Umvuija mushindu wa kudikuatshisha nawu patudi tuyisha muntu ku telefone. Enzeja dinaya dia tshilejilu didi dileja mushindu wa kupeta malu adi ambuluisha bua kuandamuna lukonko kampanda. Kankamija bantu bonso bua bibidilangane ne malu adi mu mukanda eu, bikale nawu dîba dionso mu bibuta biabu ne benza nawu mudimu mu buambi misangu yonso.
Min. 15: Mmushindu kayi undi mua kukepesha ditangila TV? Mukulu umue udi uyikila ne muanetu utshidi nsongalume utu upitshisha dîba dia bungi bua kutangila TV dituku dionso. Muanetu eu udi wanji wamba ne: kakuena bualu bubi padiye utangila TV mushindu’eu to. Udi uleja ne: eu mmushindu wa kuanjiku kudiolola tshianana ne kabiena binyanga lungenyi luende to. Mukulu udi ukonkononla nende ngenyi minene idi mu mukanda wa Les jeunes s’interrogent mu nshapita wa 36, umumvuija ne: ditamba kutangila TV didi dijimijilangana dîba dia mushinga didi muntu nansha mua kudilongela, kuya mu buambi peshi kuenza midimu ya mu tshisumbu. Nsonga eu udi witaba mibelu eyi, wamba ne: bua kushala ne makanda a kuenza malu mu nyuma, udi ne tshia kukepesha bungi bua mêba atuye utangila TV.
Musambu 175 ne disambila dia nkomenu.
Lumingu lua dia 4 Tshisua-munene
Musambu 189
Min. 10: Mamanyisha a mu tshisumbu.
Min. 15: Majinga a tshisumbu.
Min. 20: “Dîyi diamba mu tshikondo tshiakane.” Diyukidilangana ne bateleji ne manaya a tshilejilu. Ba bungi batu badiumvua kabayi mua kukokesha bua kutuadija diyuki ne muntu, bela meji ne: bidi bikengela dimanya dia pa buadi bua kushishabu kuyisha bimpe. Kadi ki mmuomu to. Umvuija mushindu utudi tuetu bonso (ne bamanyishi bapiabapia ne bansonga) mua kufika ku dituadija mayiki ne bantu katuyi tuditatshisha bipitshidile. Konkonona ngenyi idi milejamu, leja mudiyi mipepele, pashishe bamanyishi babidi peshi basatu benze manaya a tshilejilu bilondeshile ngenyi eyi. Tangila Mudimu wetu wa Bukalenge wa Tshisanga 1998 dibeji dia 8, bua kupeta ngenyi mikuabu idi mua kuambuluisha muntu padiye ufila mukanda wa Dimanya. Kankamija bantu bonso bua bikale ne mmuenenu muimpe ke kushishabu kuenza mudimu wabu ne disanka.
Musambu 218 ne disambila dia nkomenu.