Ndongamu wa Bisangilu bia Mudimu

Lumingu lua dia 11 Tshisua-munene

Musambu 50

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Binuikala ne mikanda ya Muntu mutambe bunene peshi Mulongeshi munene mu stoke wenu, leja mushindu wa kulongesha nayi bantu mu buambi tshikondo tshidi balongi mu diikisha. Kankamija muntu yonso bua kudianjila kutangila bande wa video wa La Bible: Un récit historique exact, des prophéties dignes de foi ne kudilongolola bua tshiena-bualu tshialongabu mu Tshisangilu tshia Mudimu mu lumingu lua dia 25 Tshisua-munene. Badi ne bande eu badi mua kusombesha bakuabu badi kabayi nende, anyi badi pamu’apa mua kumutangila kaba kamue.

Min. 15: “Utshine Yehowa dîba dionso.”a Buejamu malu adi atangila ditshina dia Nzambi adibu bumvuije mu Réveillez-vous! wa dia 8 Tshiongo 1998 dibeji dia 26. Utambe kuakula bua mabenesha adi muntu upeta padiye utshina Yehowa.

Min. 20: “Bantu bakuabu ne mudimu webe wa kuyisha.” Muyuki ne diela nkonko. Lomba bantu bavua balunda babu babasaka ku meji mabi bua bumvuije tshiakenzabu bua kutungunuka ne mudimu wa buambi nansha muvuabu babatatshisha.

Musambu 78 ne disambila dia nkomenu.

Lumingu lua dia 18 Tshisua-munene

Musambu 94

Min. 15: Mamanyisha a mu tshisumbu. Luapolo lua konte. Manyisha bidibu balongolole bua mudimu wa buambi mu dia 25 Tshisua-munene ne dia 1 Tshiongo. Andamunayi lukonko elu: Kudiku bualu bubi muntu yeye mubuele mu misekelelu idi kayiyi ya Buena-Kristo padi bantu bikale bayenza kabiyi bua malu a Nzambi anyi?​—Tangila Comment raisonner, dib. 164-166.

Min. 12: “Kalasa ka Mudimu wa Teokrasi bua tshidimu tshia 2001.” Muyuki kudi mutangidi wa kalasa. Kankamija bantu bonso bua kutungunukabu ne dibala dia Bible dia ku lumingu ne kabidi bikale benza midimu ya mu kalasa aka ne tshisumi.

Min. 18: “Utu uyisha ne dikima anyi?”b Umvuija ngenyi idi mu mvese ya mu tshiena-bualu etshi. Leja ku diambuluisha dia mukanda wa Mudimu wetu mu dibeji dia 85-86, mua kupeta dikima dia bungi ne kuenza mudimu bikole mu buambi.

Musambu 124 ne disambila dia nkomenu.

Lumingu lua dia 25 Tshisua-munene

Musambu 126

Min. 10: Mamanyisha a mu tshisumbu. Lomba bateleji bua balonde malu adibu bapetangane nawu matuku adi panshi aa mu buambi. Manyisha mikanda ya kufila mu ngondo wa kumpala.

Min. 10: Majinga a tshisumbu.

Min. 25: “Bande wa video wa La Bible: Un récit historique exact, des prophéties dignes de foi udi utulongesha.” Diyukilangana ne bateleji. Fila ngenyi ya mushindu wa kuenza mudimu ne bande wa video eu bua kukoka ntema ya bantu bakuabu. (Annuaire 1999, dib. 51-52) Mu ngondo muibidi netutangile bande wa video muibidi ku eyi, yeye udi ne tshiena bualu ne: La Bible: Le livre le plus ancien toujours d’actualité.

Musambu 151 ne disambila dia nkomenu.

Lumingu lua dia 1 Tshiongo

Musambu 171

Min.  8: Mamanyisha a mu tshisumbu. Bikala tshisumbu tshienu ne bua kushintulula mêba a bisangilu mu tshidimu tshipiatshipia etshi, kankamija muntu yonso mu buimpe bua kutungunuka ne kulua pa tshibidilu mu bisangilu pa mêba mapiamapia. Manyishayi balongi ba Bible ne bakuabu balunda ba bulelela mêba mapiamapia adi bisangilu ne bua kuenzeka, ne nuenze nunku ne tubeji tudi tuleja programe mupiamupia eu. Fila luapolo lua mudimu lua ngondo wa Kabitende lua tshisumbu tshienu. Vuluija bamanyishi bua bafile luapolo lua mudimu lua ngondo wa dikumi ne muibidi.

Min. 17: Mushindu wa kudilongolola bua kupinganyina bantu. Tatu wa dîku udi uyikila ne bena mu dîku diende bakeba tshia kuenza bua kudifila bikole mu mudimu wabu. Udi ushindamena pa mvese idi ileja tshitudi ne bua kupinganyina muntu yonso utudi tumona ne: udi ujinga kumanya bulelela. Badi balonda ngenyi idi mu Tshibumba tshia Nsentedi tshia dia 1 Kashipu 1999 dibeji dia 22, tshikoso tshia 18 ne badilongolola bua kupinganyina bamue bantu. Bonso badi bajadika ne: bavua bapete bantu badibu ne bua kupinganyina. Yonso wa kudibu udi umvuija bivua muntu awu muambe musangu wa kumpala uvuabu bayikile, ne bakuabu bena mu dîku badi bafila pabu ngenyi ne mvese ya kubala padibu bapinganyina muntu. Badi bangata mu broshire wa Utulomba amue malu adi mua kubafikisha ku bipeta bimpe. Baledi badi balomba umue wa ku bana bua aleje kumpala kuabu malu ambilaye muntu pamupinganyinaye. Badi balongolola dîba kampanda mu lumingu lualonda bua kupinganyina bantu bavuabu bumvuangane nabu.

Min. 20: “‘Balongeshi ba Dîyi dia Nzambi’: Mpungilu wa Distrike wa Bantemu ba Yehowa bua tshidimu tshia 2001.” Sekretere udi ukonkonona mu nkonko ne mandamuna tshiena-bualu tshidi mu tshisakidila etshi. Leja mudibi ne mushinga bua kudianjila kulomba diikisha ku mudimu padiku mushindu, bua kumona mua kuikalaku matuku onso asatu a mpungilu. Ela bantu bonso kalumbandi bua mudibu batumikila bionso bidi Bulongolodi bulongolole.

Musambu 212 ne disambila dia nkomenu.

[Mêyi adi kuinshi]