Ndongamu wa Bisangilu bia Mudimu

Lumingu lua dia 8 Tshiongo

Musambu 29

Min.  7: Mamanyisha a mu tshisumbu ne makuabu makanyine a mu Mudimu wetu wa Bukalenge.

Min. 15: “Butoke buenu bukenke.”a Elamu mumvuija a mu Tshibumba tshia Nsentedi tshia dia 1 Kabalashipu 1997, dib. 15, tshik. 12-13. Ambila bantu bonso bua bikale bayisha dîba dionso didi mushindu umueneka.

Min. 23: Udi mua kujikija lutetuku mu mushindu muakane. Bena mu dîku badi bakonkonona mibelu idi mu Réveillez-vous! wa dia 22  umungulu 1997. Bidi bena mu dîku benza bua kujikija lutetuku mbitonde tatu wa dîku. Kunyima kua buobu bamane kukonkonona mu tshikoso tshiena-bualu tshia: “Que sont devenus les divertissements?” (Dijikija lutetuku didi mushindu kayi mpindiewu?) (dib. 4-7), badi bimanyina pa mishindu mimpe ya dijikija nayi lutetuku (dib. 8-10). Umvuija bujitu budi nabu baledi mu muanda eu bua kudikuatshila malu mu bianza ne tshidi bena dîku bonso ne bua kuenza bua malu kuendawu bimpe mu nzubu.

Musambu 1 ne disambila dia nkomenu.

Lumingu lua dia 15 Tshiongo

Musambu 51

Min. 10: Mamanyisha a mu tshisumbu. Luapolo lua konte.

Min. 15: Mafesto mimpe a mabaka adi atumbisha Yehowa (tangila Tshibumba tshia Nsentedi 1 Lumungulu 2000, dib. 19-22). Muyuki wenza mukulu. Umvuija bualu bua se: kulongolola difesto dia dibaka ntshilumbu tshidi tshitangila muntu nkayende. Bikala bena dibaka babidi aba bamone se: mbiakane babenzele anu muyuki wa dibaka patupu kakuyi bia mafesto abi, bakuabu kabena ne bua kubajana nansha; abu mbualu budi bubatangila anu buobu. Mbia muomumue kabidi bua mijiki yelabu ne bua maja ne maluvu. Vuluija bua tshinyi ki mbimpe kubikila bantu badibu bipate mu tshisumbu peshi kuya kuenzela mafesto a nunku ku nzubu yabu. Bua malu kubengawu kunyanguka, nusungule muaba muakanyine wa kuenzela difesto; nuikale ne meji bua bantu banudi nubikila; nubikile bantu bungi bukumbanyine. Nutuadije ne nujikije difesto edi pa dîba diakanyine dinuvua bambe. Bena dibaka abu badi ne bua kuikala bajadike se: kudi bantu ba kueyemena bikala mua kushala kutangila malu bilenga bua bualu bubi kabushadi kuenzeka padibu bumbuka muaba udi difesto dienzekela kumpala kua kujikadi. Amba ushindike ne: kabiena biakane bua muntu kuyaye muaba udibu benzela difesto padibu kabayi bamubikile to. Ambuluisha bana betu bua bamanye ne: kakuena mushindu wa kubikila tshisumbu tshijima to. Ngamba-malu neasakidile amue malu atu enzeka muaba unudi bua kumvuija bidiye wamba, kadi adimuke bua keledi bantu mikenji to. Bua kujikija, ngamba-malu neandamune nkonko ya diambulula.

Min. 20: Nutu nukonkonona Mifundu dituku dionso anyi? Muyuki ne diela bamue bantu nkonko. Angata Tshibumba tshia Nsentedi tshia dia 15 Tshisua-munene 1996, dib. 17-18, tshik. 12-14, umvuije bimpe ne: kukonkonona mvese kampanda wa mu Bible mu dîku mbualu bua meji. Elaku bamue bena mu dîku nkonko bua muntu ne muntu aleje tshidiye uvuluka pa bivuabu bayikile matuku mashale aa pa mvese wa ku dituku uvua mumuambuluishe bikole, ne ubalombe baleje bua tshidibu bambila nanku. Umvuija ne: ngenzelu eu udi ne bua kubuela mu programe wa dilonga utu nende dîku pa tshibidilu bua kukankamija benamu ne kubambuluisha bua kuikalabu ne lukunukunu mu buambi.

Musambu 67 ne disambila dia nkomenu.

Lumingu lua dia 22 Tshiongo

Musambu 90

Min.  7: Mamanyisha a mu tshisumbu.

Min. 18: Mushindu wa kulongolola mbuelelu. Muyuki ne manaya a tshilejilu. Konkonona ngenyi minene idi mu kakanda ka Mua kutuadija ne kutungunuka dib. 2 (anyi Comment raisonner dib. 9). Leja mushindu utudi mua kusungula mbuelelu idi miakanangane bimpe ne mushindu utudi basue kuyisha, ne bumuntu buetu kabidi ne teritware wetu. Konkonona imue mbuelelu idi mikumbane bua kuenza nayi mudimu bua kufila broshire wa Utulomba ne nuenze dinaya dia tshilejilu dimue anyi abidi bilondeshile mbuelelu ayi. (Tangila Mudimu wetu wa Bukalenge wa Lumungulu 1997 dib. 8.) Kankamija muntu yonso ikale wenza mudimu ne ngenyi idi mu broshire wa Mua kutuadija ne kutungunuka ne mu Mudimu wetu wa Bukalenge dîba didiye mu buambi.

Min. 20: “Umanye mua kuteleja bimpe.” Muyuki ne diyukilangana ne bateleji. Konkonona ngenyi idi mu mukanda wa Manuel pour l’École, dib. 27, tshik. 15-17. Mushindu muimpe menemene wa kujadika ni tutu tuteleja bimpe ngua kumanya bungi bua malu atutu tuvuluka. Lomba bateleji bua bambe imue ngenyi minene ya mu midimu mienza kudi badi bapite mu Kalasa ka Mudimu wa Teokrasi lelu’eu.

Musambu 96 ne disambila dia nkomenu.

Lumingu lua dia 29 Tshiongo

Musambu 139

Min. 10: Mamanyisha a mu tshisumbu. Vuluija bamanyishi bua bafile luapolo lua mudimu lua ngondo wa kumpala. Manyisha mukanda utuafila mu ngondo muibidi, umanyishe mikanda idi mu stoke wa tshisumbu.

Min. 15: Longa mua kumanya Mufuki webe bimpe. Muyuki muashila pa Tshibumba tshia Nsentedi tshia dia 15 Kabalashipu 1999, dib. 25-26, bua kudianjila kujula bantu dijinga dia kulonga mukanda wa Y a-t-il un Créateur qui se soucie de vous? Kankamija bansonga bua bikala bandamuna mu dilonga dia mukanda lumingu luonso. Bidi bikengela ne: bantu bonso babuele mu tshisangilu etshi lumingu luonso, bikale ne dijinga dikole dia kumanya malu a bungi adi atangila Mufuki wetu Munene.

Min. 20: “Baledi, longeshayi bana bibidilu bimpe.” Muyuki ne diela baledi badi ne bana benda bakola bimpe mu nyuma nkonko. Baledi badi belangana meji bua malu mimpe adibu benze bua kukoka bana mu mudimu wa buambi. Pikalaku dîba, udi mua kupatula ngenyi ya mu mukanda wa Disanka mu dîku, dib. 55-59.

Musambu 149 ne disambila dia nkomenu.

Lumingu lua dia 5 Luishi

Musambu 168

Min.  5: Mamanyisha a mu tshisumbu.

Min. 15: “Enza mudimu ne disanka.”b Leja bualu butu butuvudijila disanka mu mudimu wa Nzambi anu mudibu baleje mu mukanda wa Étude perspicace, vol. 2, dib. 46, tshik. 3-5.

Min. 25: Bintu bilongolola ne dinanga bua makanda etu a mubidi. Muyuki wenza mukulu mupiluke, muashila pa mukanda wa kudi Société wa mu dia 1 Tshisua-munene 2000. Uleje patoke ne: bua mikenji kutukubayi, ne kabidi bua kabalu kutuela mashi kabiyi ku disua dietu, mbimpe tuuje tuarte tuetu tua “Instructions médicales prévisionnelles/​Décharge.” Nebapeshe bamanyishi batambule tuarte etu padi bisangilu bijika, kadi KABENA ne bua kutuuja dilolo adi to. Ditua dia biala ne difunda dituku dia ngondo pa tuarte tuonso nebienzeke kunyima kua Dilonga dia Mukanda dia Tshisumbu dialonda. Mulombodi wa dilonga dia mukanda udi mua kunuambuluisha. Balombodi ba dilonga dia mukanda badi ne bua kuleja muanetu yonso wa mu tusumbu tuabu mushindu wa kuuja karte ka “Instructions médicales prévisionnelles/​Décharge.” Bua bana, nekuikale Document d’identité médical yapeshabu baledi kunyima kua tshisangilu etshi. Bamanyishi badi kabayi banji kutambula badi mua kudifundila wabu mukanda wa mêyi buabu buobu ne bua bana babu, bateta kuidikija mêyi adi pa karte bilondeshile nsombelu wabu ne malu adibu bitabuja.

Musambu 190 ne disambila dia nkomenu.

[Mêyi adi kuinshi]