Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 7 Lumungulu too ne lua dia 20 Tshimungu 2001.

[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Disambila didibu batele mu Nehemiya 2:4 divua dileja dipanga dia ditekemena too ne mu minite ya ndekelu. [Dibala dia Bible dia ku lumingu luonso; tangila w86-F 15/2 dib. 25 tshik. 8.]

2. Muaku “tshisumbu” mmukudimuina ku muaku wa tshiena-Greke ek·kle·siʹa, muaku udi kabidi ne lungenyi lua kudienza tshintu tshimue ne kukuatshishangana. [w99 15/5 dib. 25 tshik. 4]

3. Nansha mudi basadidi ba Yehowa babenga bua kulonda bilele bionso bidi bibengangana ne Bible bidi bantu benza tshikondo tshidi muntu ufua, kabena babenga ebi bionso bidi bitangila bafue nansha. (Yone 19:40) [rs-F dib. 257 tshik. 4]

4. Mu tshikondo tshivua Yobo ne muoyo, yeye uvua muntu umuepele uvua ne lulamatu kudi Yehowa. (Yobo 1:8) [Dibala dia Bible dia ku lumingu luonso; tangila w92-F 1/8 dib. 31 tshik. 3-4.]

5. Padibu bamba ne: Shaula (anyi Paulo) uvua udikuatshisha ne mudimu wa dienza dia ntenta, bidi bileja ne: uvua mukolele mu muaba wa bantu bapuekele. (Bienzedi 18:2, 3) [w99 15/5 dib. 30 tshik. 2-dib. 31 tshik. 1]

6. Nansha muakenza Davidi mpekatu munene, Yehowa uvua mua kuamba ne: ‘wakandonda ne mutshima wende wonso’ bualu Davidi wakanyingalala bua mpekatu ne uvua ne ngikadilu mimpe. (1 Bak. 14:8) [w99 15/6 dib. 11 tshik. 4]

7. Amba amu bitudi tulaya biobi kabiyi biumvuangana ne Dîyi dia Nzambi, tshianana tudi ne bua kuenza muetu muonso bua kukumbaja bitudi tulaya nansha tuetu balue kumona pashishe ne: mbikole bua kubikumbaja. (Mus. 15:4) [Dibala dia Bible dia ku lumingu luonso; tangila w89-F 15/9 dib. 28 tshik. 5.]

8. Musambu 22:1 udi uleja ne: pavua Davidi mu dikenga, wakajimijaku ditabuja diende bua tshitupa tshikese. [Dibala dia Bible dia ku lumingu luonso; tangila w86-F 15/8 dib. 20 tshik. 19.]

9. Muena-Kristo udi mua ‘kukuluka’ mu mushindu wa upeta buôwa, uteketa mu maboko, peshi utata bua dishintuluka dia mikenji ne dinyanguka dia malu a mfranga, kadi ne diambuluisha dia nyuma wa Nzambi ne dia batendeledi bende ba dinanga, mu ngakuilu wa mu nyuma “kena ushala panshi” kashidi to. (Mus. 37:23, 24, MMM) [Dibala dia Bible dia ku lumingu luonso; tangila w86-F 1/11 dib. 30 tshik. 14.]

10. Genese nshapita wa 1 udi utulongesha ne: Nzambi wakafuka bintu bionso pa buloba mu matuku asambombo a mêba 24 ku dituku. [rs-F dib. 148 tshik. 4]

Andamunayi ku nkonko idi ilonda eyi:

11. Mmu mushindu kayi uvua Ezela ne benji ba mudimu nende ‘bajingulule biakane’ Mikenji? (Neh. 8:8) [Dibala dia Bible dia ku lumingu luonso; tangila w86-F 15/2 dib. 26 tshik. 4.]

12. “Disanka dia Yehowa” didi difumina ku tshinyi? (Neh. 8:10) [Dibala dia Bible dia ku lumingu luonso; tangila w86-F 15/2 dib. 26 tshik. 9.]

13. Bua tshinyi bakabenesha ‘bantu bakadi ne disua dia kushikama mu Yelushalema’? (Neh. 11:2) [Dibala dia Bible dia ku lumingu luonso; tangila w86-F 15/2 dib. 26 tshik. 12.]

14. Bua tshinyi Esetê wakapitshisha mutantshi mule bangabanga ne kuambilaye mukalenge tshivua dijinga diende menemene? (Esetê 5:6-8) [Dibala dia Bible dia ku lumingu luonso; tangila w86-F 15/3 dib. 24 tshik. 18.]

15. Nnkonko kayi ibidi ya mushinga idi mukanda wa Yobo wandamuna? [si-F dib. 95 tshik. 1]

16. Bua tshinyi mibelu ya Elifaza yakabungamija Yobo ne kupangaye mua kumukankamija? (Yobo 21:34; 22:2,3) [Dibala dia Bible dia ku lumingu luonso; tangila w95 15/2 dib. 27 tshik. 5-6.]

17. Psaume (peshi Musambu) ntshinyi? [si-F dib. 101 tshik. 2]

18. ‘Mmalu a patupu’ kayi adi bantu ba bisamba ‘bajukila kulu,’ (MMM) mudibu balonde mu Musambu 2:1? [Dibala dia Bible dia ku lumingu luonso; tangila w86-F 15/8 dib. 20 tshik. 5.]

19. Ndilongesha kayi dia mushinga pa bidi bitangila dibenga kusungulula bantu ditudi tupetela ku mudimu wa diyisha wakenza Filipo mu bena Samalea ne kudi kamanda ka basalayi ba bena Etiopia? (Bienzedi 8:6-13, 26-39) [w99 15/7 dib. 25 tshik. 2]

20. Mmunyi muakumvuija Yobo ditekemena diende dia se: Nzambi udi mua kumubisha mu lukita, muaba uvuaye umona bu muaba wa kusokomena bua kunyema ntatu ivuaye nayi? (Yobo 14:7, 13-15) [Dibala dia Bible dia ku lumingu luonso; tangila w00 15/5 dib. 27 tshik. 7-dib. 28 tshik. 1.]

Kumbajayi miaba idi mishale patupu mu biambilu bidi bilonda ebi:

21. Esetê 8:17 udi wakula bua bantu “bakandamuka bu Bena Yuda”; bia muomumue lelu’eu, “․․․․․․․․” wa “mikoko mikuabo” udi ulamata ku luseke lua ․․․․․․․․. (Buak. 7:9; Yone 10:16; Zek. 8:23) [Dibala dia Bible dia ku lumingu luonso; tangila w86-F 15/3 dib. 25 tshik. 14.]

22. Anu bu mudi Bienzedi 1:7 uleja, nansha mudi Yehowa muikale mumanyi wa ․․․․․․․․, dituku diende dia kumubadila malu nedilue anu bu ․․․․․․․․, dîba didi bantu kabayi baditekemena nansha. (2 Pet. 3:10) [w99 1/6 dib. 5 tshik. 1-2]

23. Mu 2 Petelo 3:7, 10, miaku “diulu” ne “buloba” mmiangata mu ngumvuilu wa ․․․․․․․․ anu bu mudi mvese idi kumpala ne kunyima kuayi ileja, “buloba” budi bumvuija ․․․․․․․․. [rs-F dib. 405 tshik. 2-4]

24. Mulume ne mukaji buobu beyemenangana ne bikale babuikidilangana bilema, badi mua kufika ku diyukidilangana bilenga. Ngikadilu eyi idi imueneka padi mulume ne mukaji bangata dibaka bu malanda adi ․․․․․․․․ ne badi ․․․․․․․․ ne muoyo mujima bua dibaka diabu dikale dimpe. [w99 15/7 dib. 21 tshik. 3]

25. Balunda bimpe badi mua kutuambuluisha bua ․․․․․․․․ mêyi a nsombelu mulenga ne malu-malomba a mu nyuma, nunku bitupesha mushindu wa kusadila Yehowa ne ․․․․․․․․. [w99 1/8 dib. 24 tshik. 3]

Sungulayi diandamuna dijalame mu tshionso tshia ku biambilu bibi bilonda ebi:

26. Môdekai ‘wakadi mushikame ku tshibi tshia mukalenge’ bualu uvua (musalayi mulami wa mukalenge; umue wa ku bena mudimu ba Mukalenge Ahashawelosha; muindile bua bamubueje kumpala kua mukalenge bua kuyikila nende). (Esetê 2:19, 20) [Dibala dia Bible dia ku lumingu luonso; tangila w86-F 15/3 dib. 24 tshik. 9.]

27. Anu bu mudibi bilonda mu Yobo 19:25-27, Yobo udi wamba ne: uvua mua ‘kumona Nzambi’ mu mushindu wa se: (uvua mua kupeta tshikena kumona; uvua mua kubishibua bua kuya mu diulu; mêsu a tshiumvuidi tshiende avua mua kunzuludibua bua kumvua bulelela budi butangila Yehowa). [Dibala dia Bible dia ku lumingu luonso; tangila w94 15/11 dib. 19 tshik. 17.]

28. Batu bavuluka Yobo bikole bua (dinanga diende; buimpe buende; ditantamana diende). (Yak. 5:11) [si-F dib. 100 tshik. 41]

29. Difunda dia mukanda wa Misambu divua diangate bidimu bitue ku (nkama isatu, nkama itanu, tshinunu) [si-F dib. 102 tshik. 4]

30. Bidi bimueneka se: (Davidi, Asafa, Ezela) [si-F dib. 102 tshik. 6]

Suikakajayi mvese idi ilonda eyi ku biambilu bidi kuinshi eku:

Neh. 3:5; Mus. 12:2; 19:7; 2 Tim. 3:16,17; Yak. 5:14-16

31. Tudi ne bua kudifila muetu muonso bua kuenza mudimu ne kubenga kuwenza bua diditambisha, kumona mudimu mukole bu udi utupuekeshisha milongo to. [Dibala dia Bible dia ku lumingu luonso; tangila w86-F 15/2 dib. 25 tshik. 12, 19.]

32. Muena Kristo udi muenze mpekatu munene udi ne bua kumonangana ne bakulu bua kutonda mpekatu wende. [rs-F dib. 71 tshik. 9]

33. Nansha muvua Nzambi wenza mudimu ne bilota bua kudimuija bantu, kubapesha mibelu ne milayi mu tshikondo tshia kale, udi utupetesha mpindieu lupandu ku butuangaji bua Dîyi diende difundisha ku spiritu. [rs-F dib. 334 tshik. 6.]

34. Tuetu basue kudia bulunda ne Nzambi, tudi ne bua kuikala bena malu malelela mu bionso, katuyi bena lubombo to. [Dibala dia Bible dia ku lumingu luonso; tangila w89-F 15/9 dib. 26 tshik. 7.]

35. Ditumikila mikenji ya Nzambi didi difululula anyima wa muntu ne dimuvuija ne disanka. [Dibala dia Bible dia ku lumingu luonso; tangila w00 1/10 dib. 13 tshik. 4.]