Mamanyisha

▪ Mikanda ya kufila mu Tshimungu: Broshire yonso wa mabeji 32 ku idi ilonda eyi: Bukalenge bualu kuasa Mparadizu, Le nom divin qui demeure à jamais, “Monayi, ndi mvuija bintu bionso bipiabipia,” ne Quel est le but de la vie? Comment le découvrir? Pikalabi bikumbanyine nudi kabidi mua kufila broshire bu mudi: Connaîtrons-nous un jour un monde sans guerre?, Nos problèmes​—Qui nous aidera à les résoudre?, Spiritu ya bafue​—Idi mua kukuambuluisha anyi kukuenzela bibi? Ituku menemene anyi? ne Un livre pour tous. Kabitende: La vie: comment est-elle apparue? Évolution ou Création? Kasuamansense: Tshibumba tshia Nsentedi ne Réveillez-vous! Kasuabanga: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Bikala bantu bakadi ne mikanda eyi, nudi mua kufila mukanda wa L’humanité à la recherche de Dieu anyi mukanda mukuabu wa kale.

▪ Mutangidi-muludiki anyi muntu mukuabu wasungulaye udi ne bua kukonkonona konte ya tshisumbu mu dia 1 Kabitende anyi diakamue kunyima kua dituku edi. Panuikala bajikije, numanyishe tshisumbu kunyima kua dibala dia luapolo lua konte ludi lulonda.

▪ Bisumbu bidi mua kutuadija kulomba Calendrier des Témoins de Jéhovah 2002 pa dilomba diabi dia mikanda dienzabu mu Kabitende. Kalandriye eyi neyikaleku mu Anglais ne mu Mfualansa.

▪ Patudi tuyipeta, netutumine tshisumbu tshionso tshia mu Congo-Kinshasa formilere bungi bukumbane bua kuenza nayi mudimu mu tshidimu tshia mudimu tshia 2002 bilondeshile mukanda uvuabu batumine bisumbu wa FSA wa dia 14 Luabanya 2000. Enzayi mudimu ne formilere ayi ne meji. Nudi ne bua kuenza nayi anu tshidibu bayitumine.

▪ Emvantere wa ku tshidimu wa mikanda yonso ne bibejibeji bidi mu tshisumbu udi ne bua kuenzeka mu dia 31 Tshimungu 2001 pikalaku mushindu, anyi matuku makese panyima pa dituku edi. Nebenze Emvantere eu mushindu wa muomumue ne mutubu benza emvantere wa dibadika mikanda kudi mutangidi wa mikanda ngondo yonso ne pashishe afunde bungi bua mikanda yonso pa formilere wa Emvantere wa mikanda (S-18). Bungi bua bibejibeji bionso bitshidi mu tshisumbu neubupetele kudi bana betu badi basadila ku bibejibeji ba mu bisumbu bionso bidi bisangile stoke wa mikanda. Tshisumbu tshionso tshitangidi anyi tshidi mutangidi wa mikanda netshipete formilere isatu ya Emvantere wa mikanda (S-18). Anyishayi nuuje bimpe ne nupingajile Société formilere eu kumpala kua dia 6 Kabitende. Nulame mu dosié yenu dibeji dibidi dia formilere divua muinshi mua karbone dîba dinuvua numuuja. Dibeji disatu dia formilere eu nudi mua kudiangata bua kuenzelapu makumi bua nuamona mua kumuuja bimpe. Sekretere wa mu tshisumbu tshitangidi mudi kordinatere wa mikanda ke udi ne bua kulombola malu a emvantere eu bimpe. Sekretere ne mutangidi-muludiki wa mu tshisumbu tshitangidi ke badi ne bua kutua biala pa formilere eu.

▪ Tshibumba tshia Nsentedi tshia mu Tshisawudi netshikale tshipatuka ne maleta manene kutuadijila ku nimero wa dia 1 Kabitende 2001.

▪ Bikala mpanda-njila muambuluishi kayi mukumbaje bungi bua mêba malombibue bua malu kampanda mumvuike bimpe avua mamupumbishe kakuyi mushindu wa kuepuka, bua musangu eu nebamubale amu bu mpanda-njila muambuluishi ku ndekelu kua ngondo au. Bikala mumanyishi udi muikale mpanda-njila muambuluishi kukadi ngondo mulongo mumone se: mu ngondo idi kumpala kakukumbaja bungi bua mêba malombibue, udi ne bua kumanyisha bakulu bua kabamubadi kabidi mu mulongo wa bampanda-njila mu ngondo mine ayi to. Udi mua kulua kubangulula bumpanda-njila buambuluishi pikalaye mudilongolole bimpe bua kukumbaja mêba malomba bampanda-njila bambuluishi. Bua bualu ebu, mbimpe bua bena mu komite wa mudimu bikale bajadike se: mumanyishi udi ulomba bua kulua mpanda-njila muambuluishi mmudilongolole bimpe bua kukumbaja mêba 50 bangabanga ne kuujaye formilere. Biobi kabiyi nanku, mbimpe nuambuluishe mumanyishi au bua anji kudilongolola bimpe bua kukumbaja mêba malomba mpanda-njila muambuluishi bangabanga ne kuujaye formilere eu.

▪ Mikanda mipiamipia idiku:

Lomongo: Yehowa nnganyi? (T-23)

Mangala: Yezu Kristo nnganyi? (T-24)

Mfualansa: Index des publications 1999

Tshiluba: Yehowa nnganyi? (T-23); Yezu Kristo nnganyi? (T-24)