Mamanyisha

▪ Mikanda ya kufila mu Luabanya: Dimanya didi difikisha ku muoyo wa kashidi. Nudienzeje bua kutuadija kulonga Bible ne bantu. Tshisanga ne Lumungulu: Tshibumba tshia Nsentedi ne Réveillez-vous! Bamanyishi badi mua kumanyisha bantu badibu bayukila nabu ne: badi mua kufila diabu dipa bua kuambuluisha mudimu wa diyisha pa buloba bujima bikalabu basue. Pikala muntu ujinga kumanya bia bungi nudi mua kufila broshire wa Utulomba ne tshipatshila tshia kutuadija dilonga Bible ne bantu. Kabalashipu: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Pikala muntu ukadi ne mikanda eyi, udi mua kufila broshire mukumbanyine udi mu stoke wa tshisumbu tshienu.

▪ Bamanyishi badi basue kuikala bampanda-njila bambuluishi mu ngondo muinayi badi mua kutuadija kudilongolola mpindieu ne kufila formilere yabu kumpala kua dîba. Nebiambuluishe bakulu bua kulongolola mudimu wa buambi ne kulombesha bibejibeji ne mikanda mikuabu bungi bukumbane. Nuikale numanyisha ku ngondo ku ngondo mêna a bonso badibu banyishile bua kuikala bampanda-njila bambuluishi mu tshisumbu.

▪ Tshivulukilu netshienzeke mu Dinayi dia matuku 28 ngondo muisatu tshidimu tshia 2002. Bikalabi ne: tshisumbu tshienu tshitu pa tshibidilu ne bisangilu mu Dinayi, nudi mua kubienza dituku dikuabu dia mu lumingu bikala Nzubu wa Bukalenge tshianana. Pikalaku kakuyi mushindu ne bikala Tshisangilu tshia Mudimu ne bitupa kampanda bidi ne mushinga wa bungi bua tshisumbu tshienu, nudi mua kuela bitupa ebi mu Tshisangilu tshia Mudimu tshikuabu.

▪ Biro bia filiale kabiena bitaba dilomba dia mikanda didienzela kudi muntu nkayende nansha. Mutangidi-muludiki udi ne bua kulongolola bua kuikalabu bamanyisha mu tshisumbu kumpala kua kutuminabu biro dilomba dia mikanda dia tshisumbu tshijima bua muntu yonso udi ujinga bua kupeta mikanda kampanda adianjile kumanyisha muanetu udi utangila malu a mikanda. Nuavuluka bintu bitubu batuma anu ku dilomba dia pa buadi.

▪ Ku ngondo yonso, padi mutangidi-muludiki upeta dibeji dia kudi biro didi dileja malu a mapa, udi mua kulongolola dimanyisha bua kumanyishabu bena mu tshisumbu bungi bua makuta onso aa adi atangila Mapa adi bantu bafila bua Nzubu ya Bukalenge ne bua kukuatshisha mudimu wa pa buloba bujima dîba dinuenza luapolo lua konte lua musangu udi ulonda.

▪ Nuadimuka bua bantu ba mayele mabi badi bendeshila ngumu ku Internet ne mu mikanda idibu bafunda bua kulomba bana betu makuta bamba mudibu baalomba bua kuambuluisha nawu bantu badi bipupu kampanda bikuate. Bikalabi bilomba kuenza komite wa diambuluishangana ne bintu bua Bantemu ba Yehowa badi mu lutatu, bana betu badi ne majitu mu tshisumbu ke badibu mua kusungula bua kuenza mudimu au.

▪ Imue misangu bakebuludi ba mianda batu bayukila ne bana betu babakonka malu adi atangila Bantemu ba Yehowa ne bulongolodi buetu. Bantu aba batu balomba bana betu bua kuujabu mabeji a nkonko idibu bele idi itangila malu atudi tuitaba ne atudi tulongesha. Padi bantu ba nunku balua bua kuyikila ne mumanyishi wa mu tshisumbu, mumanyishi eu udi ne bua kubatuma kudi mutangidi-muludiki. Nanku bakulu badi mua kutangila nkonko ayi ne kufila mandamuna makanyine, balonda anu tshidibu bambe mu mukanda mufundila tusumbu tuonso tua bakulu wa mu dia 25 ngondo muinayi 2001.

▪ Mikanda mipiamipia idiku:

Anglais, Mfualansa: Tukonkononayi Mifundu dituku dionso​—2002.

▪ Bande ya video mipiamipia idiku:

Muakulu wa tumama wa tshiena-Amerike: Muntu mutambe bunene wa katshia ne katshia​—volume 2.