Malu a kuvuluka bua Tshivulukilu

Tshidimu etshi Tshivulukilu netshienzeke mu Dinayi dia matuku 28 a ngondo muisatu. Bakulu badi ne bua kuangata malu adi alonda aa ne mushinga:

▪ Panualongolola dîba didi tshisangilu etshi ne bua kuenzeka, nuadimukayi bua bimanyishilu kabipitshi kumpala kua dîba kadiyi dianji kubuela.

▪ Muntu yonso, ne ngamba-malu muine, udi ne bua kumanya dîba dijalame ne muaba wenzekela Tshivulukilu.

▪ Nudi ne bua kukeba ne kuteka pabuipi mampa ne mvinyo bidi biakanyine bua Tshivulukilu.​—Tangila Tshibumba tshia Nsentedi tshia dia 15 Luishi 1985, dib. 17 (Mfual.).

▪ Malongo, vere, mesa ne tshilamba tshia kuadijapu bikale bimana kulua nabi ne biteka pa muaba wabi kumpala kua dîba.

▪ Nudi ne bua kukomba kumpala kua dîba anyi kusukula muaba wenzekela tshisangilu etshi.

▪ Nudi ne bua kudianjila kusungula bakididianganyi ne bapitshishi ba bimanyishilu ne kubaleja midimu yabu ne mushindu wayenzabu; kanupu muoyo bua mvuadilu ne nkoseshilu wa nsuki udi mukumbanyine.

▪ Nudi ne bua kulongolola bua kutuadila muela manyi yonso udi mulema anyi udi kayi ne mushindu wa kufika mu tshisangilu etshi bimanyishilu.

▪ Bisumbu bidi bisangile Nzubu wa Bukalenge umue bidi ne bua kumvuangana bimpe bua kuepuka diunguila patupu mu mushiku wa mbelu, ku luseke lua njila ne pa muaba wa dimanyikila makalu, mioto anyi mashinyi.