Mamanyisha

▪ Mikanda ya kufila mu Kabalashipu: Ntshinyi tshidi Nzambi utulomba? anyi Dimanya didi difikisha ku muoyo wa kashidi. Pikala muntu ukadi ne mikanda eyi, udi mua kufila broshire mukuabu udi muakanyine udi mu stoke wa tshisumbu tshienu. Kashipu ne Tshimungu: Broshire yonso wa mabeji 32 ku idi ilonda eyi: Bukalenge bualu kuasa Mparadizu, Ikalayi ne muoyo wa kashidi ne disanka pa buloba, Le nom divin qui demeure à jamais, “Monayi, ndi mvuija bintu bionso bipiabipia,” Ntshinyi tshidi tshitufikila patudi tufua?, Nzambi utuku uditatshisha bua bualu buetu anyi?, Padi muntu uudi munange ufua, Tudi ne bua kuitabuja busatu bunsanto anyi?, ne Quel est le but de la vie? Comment le découvrir? Pikalabi bikumbanyine nudi kabidi mua kufila broshire bu mudi: Connaîtrons-nous un jour un monde sans guerre?, Nos problèmes​—qui nous aidera à les résoudre?, Spiritu ya bafue​—Idi mua kukuambuluisha anyi kukuenzela bibi? Ituku menemene anyi? ne Un livre pour tous.

▪ Badi batumanyisha ne: bawetu bonso badi basue kumanyisha biro bia filiale malu, mbimpe babimanyishawu mu mikanda. Kabiena bitamba buimpe bua kumanyishila biro malu ku foni to, anu pikalaku bua malu a lukasa lukasa adi akengela mandamuna mpindieu mpindieu anyi akengela dîyi dia biro. Nansha bua malu a lukasa lukasa aa, tudi tunulomba bua kuela foni bua malu au anu mu Dimue. Nanku nebitupeteshe mushindu wa kuakaja malu bilondeshile programe wa mudimu wetu. Pikalabi bikengela ne: malu aa mukuabu muntu kaamanyi, mbimpe kuambila muena ku foni bua kututuadila mukenji mufunda pa dibeji. Mukenji wa dibikila ku foni (avis d’appel) badi ne bua kuutuma mu dîna dia Association “Les Témoins de Jéhovah” pamutu pa kuutuma mu dîna dia muntu kampanda. Bidi kabidi bikengela kuleja Tshibambalu tshiudi ujinga bua kuyikila natshi, tshilejilu: Service d’Assemblée, Comptabilité, Bureau de Service, Service d’Expédition, ne bikuabu.

▪ Badi batumanyisha ne: mu imue miaba ya mu teritware wetu bamue bana betu bavua badie ntete ya mutshi wa mudiantondo (Ricin) e kubalungayi bikole. Mafuta a mutshi wa mudiantondo batu baanua bua kusulakaja tshifu tshikutakane, kadi ntete yawu idi ne lulengu lua dikema kakuyi mushindu wa kuyidia. Yehowa mmutupeshe mitshi ne bimuma bia kudia bungi tshianana. Badi batulomba bua kuanji kukonkonona bimpe bangabanga ne kuangata mitshi anyi bimuma kampanda bitudi katuyi bamanye bu biakudia bua dîku dietu. Kadi padiku dielakana, mbia meji bua kuebeja bantu badi bayimanye bimpe ne bakavuaku bayidie. Mu malu a nunku, tshibejibeji tshietu tshia Réveillez-vous! tshidi tshitupetesha mamanyisha adi mua kutuambuluisha.

▪ Réveillez-vous! wa dia 22 Kashipu 2002 neikale ne tshiena-bualu tshia ne: “Manaya a makuta, mmanaya a patupu adi kaayi mua kuenzela muntu bibi anyi?” Pa kumona mushinga wikala nawu tshiena-bualu etshi, tshisumbu tshionso netshipete bibejibeji bikuabu bia pa mutu 20 pa lukama bua nimero eu.

▪ Mikanda mipiamipia idiku:

Anglais: La prophétie d’Isaïe, lumière pour tous les humains II (Mu maleta manene); Reliye wa Tshibumba tshia Nsentedi tshia 2001.

Mfualansa: Annuaire des Témoins de Jéhovah 2002.

Tshiluba tshia lolo: Yezu Kristo nnganyi?

▪ Mikanda idiku kabidi:

Mangala: Bantemu ba Yehowa mbanganyi? Mmalu kayi atubu balongesha?; Ntshinyi tshidi Nzambi utulomba?

Tshiena-Lunda: Ntshinyi tshidi Nzambi utulomba?; Udi mua kulua mulunda wa Nzambi!