Tshitudi banangile nsangilu mujima wa bana betu

Mmunyi mutudi mua kulama dinanga ditudi banange nsangilu mujima wa bana betu ba mu nyuma ditungunuka ne kutema anu kutema lelu’eu mu bukua-bantu ebu budi bubule dinanga? (1 Pet. 2:17) Mmunyi mutudi mua kuleja bakuabu ne: buena-muntu buetu bulelela budiku menemene? (Mat. 23:8) Nku diambuluisha dia bande wa video wa Our Whole Association of Brothers (Toute la communauté de nos frères). Bande eu udi uleja bua tshinyi tudi banangangane. Tangilabi ni udi mua kuandamuna nkonko eyi:

(1) Mmidimu kayi ya mishindu isatu itutu tuenza pamue ne bana betu bonso ba pa buloba bujima? (2) Mmushindu kayi udi bana betu baleja dipangadika diabu dia kuyisha (a) mu tshipela tshia Alaska, (b) mu bitudilu bia mazuwa a mâyi binene bia ku Mputu ne (c) mu mêtu manene a mu ditunga dia Perou? (3) Ntshiamu kayi tshinene tshidibu benza natshi mudimu tshidi tshiambuluisha bua kupatula bipeta bimpe? (4) Bua tshinyi katuena ne bua kumona ne: diyisha mmudimu anu bu midimu yonso eyi? (5) Fila bilejilu bia mushindu udi Bantemu ba Yehowa basambangane ne bakuatshishangane mu bikondo bia makenga bu mudi: padi bikumina bituta, mpepele mikole ne mvita bijuka. (Tangila tshivua Takao mumvuije mu Réveillez-vous! wa dia 22 Tshimungu 1995, dibeji dia 23 ne tshivua Kotoyo muambe mu Réveillez-vous! wa dia 22 Kasuamansense 1996, dibeji dia 20) (6) Mmu mishindu kayi miakanyine itudi tuetu bonso mua kuleja tshimanyinu tshinene tshia buena-muntu buetu bua bena Kristo? (Yone 13:35) (7) Bisangilu bietu bia mu tshisumbu tudi ne bua kubiangata ne mushinga kayi? (8) Mmunyi mudi kuikala ne Nzubu wa Bukalenge wa kudisangishilamu kuambuluisha aba bavua kabayi nende kumpala? (9) Mmunyi muvua bana betu ba ku Mputu wa ku Est ne ba mu ditunga dia Russie bashale ne bukole bua mu nyuma pavuabu bakandike midimu yetu mu matunga aa? (10) Nansha mpindieu, mmushindu kayi wa pa buawu udi Bantemu ba bungi badienzeje bua kubuela mu mpungilu, ne mbua tshinyi? Mmunyi mudi bualu ebu bukoleshe mutshima webe? (11) Bua tshinyi tudi bapangadije bua kutendelela mu buobumue, kuambuluisha bakuabu mu bikondo bidibu dijinga ne diambuluisha ne kuyisha ne lulamatu muetu muonso dîba dionso ditudi ne mushindu? (12) Bua tshinyi bidi mua kuikala bimpe bua muntu kuikalaye ne wende bande wa video eu ne kumutangila ne bantu ba bungi badi basankidila bulelela?