Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kash.

“Utu wela meji ne: batu banyoka bantu babi mu inferno anyi? [Lekela muntu andamune.] Bible udi uleja bimpe dinyoka didi muntu upeta bua mpekatu. [Bala Lomo 6:23a.] Inferno mmuaba udibu bakengeshila bantu mu kapia anyi? Nditapuluka patupu dia bantu ne Nzambi anyi? Tshibejibeji etshi tshidi tshifila mandamuna a mu Bible ku nkonko eyi.”

Réveillez-vous! 22 juillet

“Bantu ba bungi batu bamona manaya a mfranga bu kujikija lutetuku patupu kudi kakuyi kubi. Bakuabu pabu batu bamona ne: manaya aa atu misangu ya bungi akengeshisha bena mu mêku abu ne bantu bakuabu. Nimero wa Réveillez-vous! eu udi wakula bua manaya a mfranga bilondeshile makebulula adibu benze matuku aa. Udiku pebe mua kuitaba bua kubala mushindu udi mêyi a mu Bible akula bua bualu ebu anyi?” Tshilejilu, bala 1 Timote 6:10.

Tshibumba tshia Nsentedi 1 Tshim.

“Bantu ba bungi batu bamona ne: malu a bitabataba ne bilele bikuabu bidi anu mmalu a didisankisha nawu patupu adi kaayi ne bualu bubi nansha bumue. [Leja bualu bumue anyi abidi mu kazubu ka mu dibeji 5.] Ukadiku mudikonke tshidi mua kuikala tshisokome mu ngenyi eyi anyi? [Padi muntu wandamuna, ubale 2 Kolinto 11:14.] Tshibejibeji etshi tshidi tshiumvuija mushindu udi Bible yeye wangata malu a bitabataba.”

Réveillez-vous! 8 août

“Bantu ba bungi badi banyingalala bikole bua mudi tshinyangu ne dienzelangana malu a tshikisu bienda bivula. Pamuapa udi pebe witaba mêyi adi mu Muambi 8:9. [Bala ne lekela muntu andamune.] Nimero wa Réveillez-vous! eu udi wakula bua tshidi malu a kale atulongesha ne uleja kabidi mushindu wikala bimvundu bionso abi mua kujika mu katupa kîpi emu.”