Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshim.

“Buebe wewe, ntshinyi tshiudi mumone ne: ke mushindu mutambe buimpe wa lulamatu? [Lekela muntu andamune.] Tshiena-bualu etshi tshidi tshiakula bua dilamata Nzambi mulelela. [Leja mu dibeji 5, ne bala 2 Samuele 22:26.] Utuku mumanye ne: muntu yeye muikale mulamate Nzambi, lulamatu elu ludi mua kumukanda bua kafiki ku dienzela bakuabu malu adi kaayi aleja dinanga anyi? Ndi mujadike ne: tshiena-bualu etshi netshikusankishe bua kutshibala.”

Réveillez-vous! 22 août

“Kutuku muanji kumvua bikuenza buôwa paudi umvua ne: mbikole bua kujikija tshilumbu tshia dinyanguka dia kapepe ne mâyi anyi? [Lekela muntu andamune.] Tshiledi tshinene tshia dinyanguka dia kapepe ne mâyi mbintu bidibu bimansha tshianana tshianana. Yezu wakalongesha bayidi bende bua kubenga kuikala kunyanga bintu. [Bala Yone 6:12.] Tshibejibeji etshi tshidi tshileja mudi ditumikila dia mêyi a mu Bible mua kuambuluisha mêku bua kubenga kuikala ne tshilele tshia kunyangakaja bintu.”

Tshibumba tshia Nsentedi 1 Kabi.

“Ukadiku mutentekele ne mumone ne: mu miaba ya bungi bena mutumba ki mbamanyangane muvuabi kumpala anyi? [Lekela muntu andamune.] Yezu wakamba dîyi dia mushinga wa bungi didi muntu yonso ne bua kulonda bua kuikala muena mutumba muimpe. [Bala Matayo 7:12.] Biena-bualu ebi bidi bileja mushindu utudi mua kuikala bena mutumba balenga, ne kukankamija bakuabu bua kuenza pabu bia muomumue.”

Réveillez-vous! 8 sept.

“Bua bantu ba bungi lelu’eu, nsombelu wabu udi ne malu tente avuabu kabayi nansha batekemena. [Bala Muambi 9:11.] Nkuepi kutudi mua kukudimukila bua kupeta buludiki buimpe? [Lekela muntu andamune.] Bamue badi bakeba diambuluisha mu majimbu adibu babikila mu Mfualansa ne: nimeroloji. Eu ke mushindu wa kumanya nsombelu wenu wa matuku atshilualua anyi? Nkuepi kuudi mua kupetela malu audi mua kueyemena adi atangila matuku adi kumpala? Réveillez-vous! eu udi ufila mandamuna.”