Ndongamu wa Bisangilu bia Mudimu
Lumingu lua dia 14 Kasuamansense
Musambu 103
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Lombayi bantu bonso bua batangile bande wa video wa Les jeunes s’interrogent . . . Comment me faire de vrais amis? bua kudilongolola ku diyukidilangana dienzeka mu Tshisangilu tshia Mudimu tshia lumingu lua dia 28 Kasuamansense. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kasuamansense ne Réveillez-vous! wa dia 22 Kasuamansense. Nuleje mu dinaya dionso mushindu mushilangane ne mukuabu wa kuandamuna ku mêyi atu bantu bamba bua kukosesha diyuki a ne: “Nkadi mumanye mudimu wenu bimpe.”—Tangila kakanda ka Mua kutuadija ne kutungunuka ne mayuki pa Bible dibeji dia 12 anyi mukanda wa Comment raisonner dibeji dia 20.
Min. 15: Majinga a mu tshisumbu.
Min. 20: “Mushindu udi Batangidi ba Dilonga dia Mukanda dia Tshisumbu baleja mudibu batabalela muntu ne muntu.” Diyukidilangana mu nkonko ne mandamuna dienzabu kudi mutangidi wa Dilonga dia Mukanda dia Tshisumbu. Mu mêyi ebe a mbangilu, umvuija mu tshikoso mushindu uvua ndongoluelu eu wa dilonga dia mukanda mutuadije. (jv-F dib. 237 tshik. 4) Dianjila kulongolola bua bamanyishi babidi ta basatu bumvuije muvua dibatabalela divuabu babatabalela mu Dilonga dia Mukanda dia Tshisumbu dibambuluishe.
Musambu 65 ne disambila dia nkomenu.
Lumingu lua dia 21 Kasuamansense
Musambu 206
Min. 10: Mamanyisha a mu tshisumbu. Luapolo lua konte.
Min. 35: “Tuenzayi bua Mpungilu wa Distrike wa ‘Bamanyishi ba Bukalenge ba tshisumi’ atukuatshishe bikole.” Tshienzabu kudi mulombodi wa dilonga dia Tshibumba tshia Nsentedi. Kunyima kua mbuelelu wa munite umue, ulombole diyukidilangana ne bateleji dia programe wa mpungilu wa distrike ku diambuluisha dia nkonko idibu bafile mu tshiena-bualu etshi. Tapulula bimpe dîba dikupesha. Udi mua kumvuija kakese amue malu bua kuvuluija bateleji ngenyi minene ya mpungilu eu. Padibi biakanyine, udi mua kuela bateleji nkonko pa mushindu udibu batumikila malu avuabu balonge ne dikuatshisha didibu bapete mu dienza nanku.
Musambu 194 ne disambila dia nkomenu.
Lumingu lua dia 28 Kasuamansense
Musambu 110
Min. 8: Mamanyisha a mu tshisumbu. Lomba bantu bonso bua kubalululabu note ivuabu bangate mu mpuilu wa pa buende wa dituku dimue mushale, bua kumona mua kulongolola diyukidilangana dienzeka lumingu ludi lulonda mu Tshisangilu tshia Mudimu. Vuluija bamanyishi bua kufilabu luapolo lua mudimu lua ngondo wa dikumi. Ku diambuluisha dia ngenyi idi mu dibeji dia 8, longololayi bua muanetu wa bakaji umue enze dinaya dia tshilejilu pa mushindu wa kufila Tshibumba tshia Nsentedi tshia dia 1 Kasuabanga ne muanetu wa balume mukuabu aleje mua kufila Réveillez-vous! wa dia 8 Kasuabanga. Kunyima kua dinaya dionso, leja mu mêyi makese bitupa bidibu benze bimpe mu manaya aa.
Min. 12: Malu mamona muaba unudi. Lomba bena mu tshisumbu bua balonde malu avuabu bamone mu diya ne dialukila ku mpungilu wa distrike, avuabu bamone pavuabu muaba muine uvua mpungilu wenzekela anyi pavuabu bayisha mu mpukapuka ku mudimu, mu kalasa, pavuabu mu disumba dia bintu ne miaba mikuabu.
Min. 25: “Mêyi malenga mamba bua kuleja dianyisha.” Mumvuija ebe a mbangilu kaapitshi pa munite mujima to. Mu tshikoso tshia 1, ulekele bantu basakidile imue ngenyi idibu nayi bua bidi bitangila bande wa video wa Les jeunes s’interrogent . . . Comment me faire de vrais amis? Pashishe nutuadije musangu umue diyukidilangana ne bateleji pa lukonko luonso ludibu bele mu tshikoso 2-7.
Musambu 41 ne disambila dia nkomenu.
Lumingu lua dia 4 Kasuabanga
Musambu 66
Min. 10: Mamanyisha a mu tshisumbu. Konkononayi ngenyi mikese idi mu tshisakidila tshia Mudimu wetu wa Bukalenge wa Tshiongo 2002 pa mushindu wa kufila broshire wa Utulomba ne mukanda wa Dimanya. Enzayi dinaya dia tshilejilu dimue bua kuleja mua kufila broshire anyi mukanda eu.
Min. 13: Katuikadi ne bundu bua lumu luimpe. (Lomo 1:16) Nsonga umue udi ukuatshila tatuende bualu. Nsonga eu utu utshina bua kabamumanyi ne: udi Ntemu wa Yehowa bualu badi mua kulua kumuseka kudi bansonga nende. Tatu udi umuela tuasakidila bua mudiye mumukuatshile bualu ebu ne muoyo umue. Udi umulondela bualu buvua Petelo muenze musangu mukuabu anu bua bantu bavua nende. (Mat. 26:69-74) Tatu udi umuambila ne: Katuena ne bua kumvua bundu bualu tudi bena Kristo to. (Mâko 8:38) Mbimpe bakumanye mu kalasa ne: udi Ntemu. Padi balongeshi benu ba bungi bamanya nanku, badi banemeka malu audi wewe witabuja ne kabidi kabena bakubueja mu malu audi umona kaayi apetangana ne ditaba diebe. Pamuapa bansonga badi kabayi banemeka mikenji kabakuteta bua kukusaka ku bienzedi bibi to. Balongi nebe bakuabu nebumvue tshiudi ubengela kuseselangana ne bana ba bakaji, kubuelakana mu manaya a pambelu pa tulasa anyi malu makuabu pa mêba adi kaayi a kalasa. Pikalaku dîba, tatu ne nsonga eu badi mua kukonkonona malu adi muinshi mua ka-tshiena-bualu ka ne: “Faites la déclaration publique de votre amitié avec Dieu” mu mukanda wa Les jeunes s’interrogent, dibeji dia 315-318. Nsonga eu udi uleja dianyisha bua mibelu mimpe eyi.
Min. 22: Nukokele Nzambi; nukandamene Diabolo. (Yak. 4:7) Ku diambuluisha dia nkonko idibu bafile mu tshitupa etshi, mukulu umue alombole diyukidilangana dia musangelu ne bateleji pa mpuilu wa pa buende wa dituku dimue uvua muenzeke mu tshidimu tshia mudimu tshishale. Lomba bena mu tshisumbu bua kuambabu mushindu udibu batumikila malu avuabu balonge. (Nudi mua kudianjila kuabanyina bantu bitupa bia kuakuilapu) Umvuija bitupa ebi bia mu programe au: (1) “Kukokela Nzambi mu bulongolodi ebu budi mu bupika.” Bua tshinyi tudi ne bua kuikala ne budimu bua kuepuka mateyi a panu? (2) “Tulejayi ne: tudi tutumikila mikenji ya Nzambi mu dîku.” Bua tshinyi bidi bikengela ne lukasa menemene kukolesha malanda a mu dîku mu bulongolodi bua Yehowa? Mmunyi mutudi mua kuenza nanku? (3) “Tuambuluishayi bayidi bapiabapia bua kushalabu bashindame ku luseke lua Yehowa.” Mmunyi mutudi mua kuambuluisha bapiabapia bua kutshimunabu malu adi ateta ditabuja diabu? (4) “Kukandamena Diabolo ntshinyi?” Ntshinyi tshidi menemene tshiambuluisha bua kukandamena Diabolo? Mmunyi mudi bia mvita bia mu nyuma bidibu batele mu Efeso 6:11-18 mua kutukuba? (w92-F 15/5 21-23) (5) “Bansonga badi bakandamena Mubi kakuyi lutatu” ne “Bansonga badi dikokela didi diumvuangana ne disua dia Nzambi diambuluisha.” Ng’amue mayele kayi a Satana adi bansonga ne bua kukandamena? Mmasanka kayi adi bansonga bapeta padibu bakokela Yehowa? (w90-F 1/8 13-14, tshik. 15-17) (6) “Dikokela didi diumvuangana ne disua dia Nzambi didi dituambuluisha.” Umvuija mudi bena Kristo baleja dikokela diabu kudi bamfumu ba Mbulamatadi, bamfumu ba mudimu, mu mêku ne mu tshisumbu. Nngikadilu kayi yatuambuluisha bua kuleja dianyisha nanku?
Musambu 185 ne disambila dia nkomenu.