Malu mimpe be a kubala!

Kuakuitabaku pebe ne: biena-bualu bidi bilonda ebi bia mu nimero ya kale ya Tshibumba tshia Nsentedi bidi bimueneka bikale ne malu mimpe be a kubala anyi?

“Nzambi mmumanye bantu bende ne udi ubakuba”

“Tumanyayi mua kukanda ludimi”

“Padi bantu balonda Buena-Kristo mu musokoko”

“Kuyisha menemene kua ku nzubu ne ku nzubu”

“Diandamuna lukonko lua se: Udi mupandishibue anyi?”

Biena-bualu ebi ne bia bungi bikuabu bivua bipatuke mu Tshibumba tshia Nsentedi mu tshidimu tshia 1951 ne tshia 1952. Tudi mua kuamba ne: bikadi bia kale menemene ne kabiena mua kutuambuluisha lelu anyi? Nansha kakese! Nudi anu mua kupeta kabidi volime ya mu Mfualanse ya Tshibumba tshia Nsentedi tshia mu 1951 ne 1952. (Imue volime ya reliye ya mu Mfualanse ya tshidimu tshia 1953 too ne 1959 idiku kabidi.) Bamanyishi badi bajinga kupeta volime eyi ya reliye ya Tshibumba tshia Nsentedi badi mua kuyilombesha kudi musadidi wa ku mikanda mu tshisumbu.

Mutangidi wa Kalasa ka Mudimu wa Teokrasi neatangile bua kujadika bikala mu tshitekelu tshia mikanda tshia ku Nzubu wa Bukalenge mmupangike imue volime reliye bua kumona mua kuyilomba.