Ndongamu wa Bisangilu bia Mudimu

Lumingu lua dia 11 Kasuabanga

Musambu 183

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kasuabanga ne Réveillez-vous! wa dia 22 Kasuabanga. Mu dimue dia ku manaya aa, numvuije kudi makuta a kuambuluisha nawu mudimu wetu wa pa buloba bujima afumina.​—Tangila Tshibumba tshia Nsentedi, mu dibeji 2, anyi Réveillez-vous! mu dibeji 5.

Min. 15: Bantu badi bambuluishe ntendelelu mulelela kale ne lelu. Muyuki muashila pa Tshibumba tshia Nsentedi tshia dia 1 Kasuabanga 2002, dibeji dia 26-30.

Min. 20: “Ambuluishayi Mutangidi wenu wa Dilonga dia Mukanda dia Tshisumbu.”a Tshienzabu kudi mukulu udi muikale mutangidi wa Dilonga dia Mukanda dia Tshisumbu. Panudi nufika ku tshikoso 3, ubuejemu mumvuija a mu mukanda wa Kalasa ka Mudimu wa Nzambi kadi kakuambuluisha dibeji dia 70. Ela bena mu tshisumbu kalumbandi bua mishindu mimueneke idibu badifila bua dilonga dia mukanda, pashishe ukoke mu buimpe ntema yabu ku malu adi akengela kuakaja.

Musambu 114 ne disambila dia nkomenu.

Lumingu lua dia 18 Kasuabanga

Musambu 78

Min. 10: Mamanyisha a mu tshisumbu. Luapolo lua konte. Konkononayi kazubu ka: “Malu mimpe be a kubala!”

Min. 10: Mandamuna ku nkonko yenu. Muyuki wenzabu kudi mukulu mukumbane.

Min. 25: “Bamfumu ba mêku, ikalayi nulonda ndongamu muimpe wa malu a mu nyuma.” Kunyima kua mêyi a mbuelelu makese pa tshikoso tshia 1-3, ulombole diyukidilangana ne bateleji ku tshikoso 4-13. Pikalaku dîba, nubale tshikoso tshia 7, 8, 11, ne tshia 12. Wele muledi umue anyi babidi nkonko. Ntshinyi tshidi tshiambuluishe bena mu mêku abu bua kuikala ne ndongamu muakaja bimpe wa malu a mu nyuma? Bivua bibalombe tshinyi? Mmunyi mudibi bibambuluishe? Jikija ne mêyi makese mangatshila mu tshikoso tshia 14.

Musambu 31 ne disambila dia nkomenu.

Lumingu lua dia 25 Kasuabanga

Musambu 16

Min. 10: Mamanyisha a mu tshisumbu. Mulume kampanda ne mukajende badi mu mudimu wa buambi badi baleja mushindu wa kukuata mudimu ne ngenyi ya mu dibeji dia 8 bua kufila tshibejibeji tshia dia 1 Tshisua-munene ne tshia dia 8 Tshisua-munene. Mulume udi ufila Tshibumba tshia Nsentedi, ne mukaji ufila yeye Réveillez-vous!

Min. 15: “Tumanyishayi bulelela pa bidi bitangila Yezu.”b Ubuejemu mumvuija a mu mukanda wa Kalasa ka Mudimu, dibeji dia 278. Ambila bateleji bua balue ne mukanda eu lumingu ludi lulonda mu Tshisangilu tshia Mudimu bua kukonkonona tshitupa tshia: “Kalasa kadi katuakaja bua kuenza mudimu udi mutambe yonso.”

Min. 20: “Tulejayi ‘bana ba nshiya’ dinanga.” Tuadija ne muyuki wa minite isatu pa mmuenenu udi nende Yehowa bua bana ba nshiya, muashila pa tshikoso tshia 1 ne mu mukanda wa Étude perspicace, volime 2, dibeji dia 459. Pashishe nukonkonone mu nkonko ne mandamuna bikoso bidi bishala. Leja mishindu miakanyine idi bakuabu pabu mua kuambuluisha ne kukankamija bana ba nshiya. Panudi nufika ku tshikoso 3-4, ubuejemu mumvuija makese mangatshila mu Réveillez-vous! wa dia 8 Kasuamansense 1995, dibeji dia 8-9.

Musambu 142 ne disambila dia nkomenu.

Lumingu lua dia 2 Tshisua-munene

Musambu 213

Min.  8: Mamanyisha a mu tshisumbu. Vuluija bamanyishi bua kufilabu luapolo luabu lua mudimu bua ngondo wa Kasuabanga. Ambululayi mu minite mikese ngenyi bua dileja ditudi mua kukuata nadi mudimu patudi tufila mukanda wa Muntu mutambe bunene.​—Tangila Mudimu wetu wa Bukalenge wa Kashipu 1998 dibeji dia 8.

Min. 12: Majinga a mu tshisumbu.

Min. 25: “Kalasa kadi katuakaja bua kuenza mudimu udi mutambe yonso.” Diyukidilangana ne bateleji dienzabu kudi mutangidi wa kalasa. Enza bua bantu bafike ku disankidila programe mupiamupia watuadija mu ngondo wa kumpala. Koka ntema ya bantu pa malu adi mu “Programe wa Kalasa ka Mudimu wa Teokrasi bua tshidimu tshia 2003,” udi mu tshisakidila tshia Mudimu wetu wa Bukalenge wa Kasuamansense 2002. Umvuija mu tshikoso malu malombibue bua kudifundisha mu kalasa aka adibu baleje mu mukanda wa Kalasa ka Mudimu, mu dibeji dia 282, ne wambile badi kabayi banji kudifundisha bua badifundishemu bikalabu bamane kukumbaja malu malomba.

Musambu 127 ne disambila dia nkomenu.

[Mêyi adi kuinshi]