Diambulula dia mu Kalasa ka Mudimu wa Teokrasi

Nkonko idi ilonda eyi nya kukonkonona mukana mu Kalasa ka Mudimu wa Teokrasi mu lumingu luatuadija mu dia 24 Luishi 2003. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 6 Tshiongo too ne mu lua dia 24 Luishi 2003. [Dimanyisha: Padibu kabayi baleje kunyima kua lukonko miaba iudi mua kupetela diandamuna, bidi bikengela wewe kudikebuluila bua kupeta mandamuna.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Bulelela anyi Dishima: Bua kubala malu mbadilu mujalame bidi bikengela mubadi muine kumvuaye ne: bidiye ubala mbimpe ku matshi, nansha biobi bikale bishilanganaku kakese ne malu adibu bafunde. Umvuija. [be dib. 83]

2. Kumbajayi miaba idi mishale patupu eyi: Bua muntu kufikaye ku dibala dijalame, udi ne bua ․․․․․․․․, ․․․․․․․․, ․․․․․․․․ ubala ne dîyi dikole. [be dib. 85]

3. Bua tshinyi mbimpe bua miaku yumvuike biakane patudi tuakula? (1 Kol. 14:8, 9) [be dib. 86]

4. Mbimue bintu kayi bidi mua kupangisha malu atudi tuakula bua kumvuikawu bimpe, ne ntshinyi tshitudi mua kuenza bua kuakula biumvuike bimpe menemene? [be dib. 87-88]

5. Ng’imue miaku kayi ivua mipatuke mu Kalasa ka Mudimu wa Teokrasi mu ngondo ibidi yashadi eyi iudi mumone se: udi ne bua kudibidija bua kupepeja mua kuyishindumuna bijalame? [be dib. 92]

MUDIMU NO. 1

6. Bulelela anyi Dishima: Mêsu adi mua kutuambuluisha bua tuetu kuteleja. Umvuija. [be dib. 14]

7. Kumbajayi miaba idi mishale patupu eyi: ․․․․․․․․, ․․․․․․․․, ne ․․․․․․․․ bidi bionso bintu bidi Nzambi mufile bua kutuambuluisha bua kubala bikondo. [si-F dib. 279 tshik. 7]

8. Kumbajayi miaba idi mishale patupu eyi: Mu Bible, muaku “dituku” udi mua kuleja lupolo lua mêba ․․․․․․․․ mêba ․․․․․․․․, bidimu ․․․․․․․․, peshi ․․․․․․․․, bilondeshile diumvuija dia malu a muaba udibu bakule bua dituku edi mu Bible. [si-F dib. 279 tshik. 8]

9. Mmunyi mudi tshilejilu tshia Hana, tshia Mâko, ne tshia Eliya mua kutuambuluisha bua kutantamena diteketa mu maboko? Mmunyi mutudi mua kuangata bilejilu ebi bua kuambuluisha bantu bakuabu? [w01 1/2 dib. 20-23]

10. Mmushindu kayi udi diumvua dia tshivua manaya a kale a ditembangana diambuluisha bua kujingulula imue mvese ya mu Bible bimpe? Mmunyi mudi malu aa ne bua kuikala ne buenzeji mu nsombelu wetu? [w01 1/1 dib. 28-31]

DIBALA DIA BIBLE DIA KU LUMINGU LUONSO

11. Bulelela anyi Dishima: Bu mudi Bukalenge bua Nzambi bumane kujadikibua mu diulu katshia mu tshidimu tshia 1914, kabitshiena kabidi biakanyine bua kusambila ne: ‘Bukalenge buebe bulue’ to. (Mat. 6:10) Umvuija. [be dib. 279; w96 1/6 dib. 31]

12. Bulelela anyi Dishima: Mêyi a Yezu adi mu Matayo 11:24 adi umvuija se: bantu bavua Yehowa mubutule ne kapia mu Sodoma ne Amola nebabishibue. Umvuija.

13. Sungulayi tshiambilu tshidi tshijalame: Mupika wa lulamatu ne wa budimu udibu batele kudi Yezu mu Matayo 24:45-47 (NW) (a) n’Kasumbu Kaludiki ka Bantemu ba Yehowa; (b) mbena Kristo bela manyi bonso mu tshibungi bavua mua kuikala pa buloba mu tshikondo kampanda anyi kansanga; (c) n’Yezu Kristo muine nkayende. Mupika eu udi ufila biakudia bia mu nyuma pa dîba dikumbane kudi ‘bena mudimu’ ba Mfumu badi tshimfuanyi tshia (a) bela manyi babala muntu ne muntu pa nkayende; (b) mikoko mikuabu; (c) babadi bonso ba mikanda ya Bantemu. Mfumu wakateka mupika eu ku mutu kua bintu biende bionso mu tshidimu tshia (a) 1914; (b) 33 B.B.; (c) 1919.

14. Sungulayi tshiambilu tshidi tshijalame: Mu kapamba (bukondo) kavua Yezu mutele mu mufuanu wende udi mu Matayo 13:47-50 mudi tshisumbu tshia bena Kristo bela manyi pamue ne (a) Bukalenge bua Nzambi bulombola kudi Masiya; (b) balunda babu ba mikoko mikuabu; (c) Bukua-Buena-Kristo.

15. Bilondeshile mêyi a Yezu adi mu Matayo 5:24, tshiudi ne bua kuenza ntshinyi biwadiumvua ne: udi muenzele muena Kristo nebe tshilema? [g96-F 8/2 dib. 26-27]