TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 2/03 dib. 1
  • Udiku mua kufila Nzubu webe anyi?

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Udiku mua kufila Nzubu webe anyi?
  • Mudimu wetu wa Bukalenge—2003
  • Bintu bia muomumue
  • Mandamuna ku nkonko yenu
    Mudimu wetu wa Bukalenge—2001
  • Tudi dijinga ne Dilonga dia Mukanda dia Tshisumbu bua tshinyi?
    Mudimu wetu wa Bukalenge—2004
  • Mushindu udi Dilonga dia Mukanda dia Tshisumbu dituambuluisha
    Mudimu wetu wa Bukalenge—2007
  • Mudi kasumbu kenu ka buambi kakuambuluisha
    Mudimu wetu wa Bukalenge—2012
Tangila bikuabu
Mudimu wetu wa Bukalenge—2003
km 2/03 dib. 1

Udiku mua kufila Nzubu webe anyi?

1 Mu bidimu lukama bia kumpala, bena Kristo bavule bavua bafila nzubu yabu bua benzelamu bisangilu bia tshisumbu. (1 Kol. 16:19; Kolos. 4:15; Filem. 1, 2) Mu bimue bisumbu lelu, kakutu miaba ya bungi ya kutekela tusumbu tua Dilonga dia Mukanda dia Tshisumbu ne ya kuenzela bisangilu bia mudimu wa buambi to. Ebi bidi mua kufikisha tumue tusumbu tua dilonga dia mukanda ku dikala ne bantu 30 anyi bapite apu. Bungi ebu mbupite butubu balombe: bantu batue ku 15.

2 Diakalenga: Udiku muele meji bua kufila nzubu webe bua benzelamu Dilonga dia Mukanda dia Tshisumbu anyi? Nzubu wa bunene bukumbane, mulama ne mankenda, muikale ne muinda ne muaba udi kapepa kabuelela, mmuimpe bua muanda eu. Bu mudi dilonga dia mukanda dikale tshisangilu tshia tshisumbu ne tshimue tshia ku bintu bidi Yehowa mulongolole bua kulongesha bantu bende, dienzekela dia dilonga dia mukanda mu nzubu muebe ndiakalenga dinene. Bawetu ba bungi badi bamba ne: mbapete masanka a mu nyuma bua difila nzubu yabu mushindu’eu.

3 Wewe mumone ne: nzubu webe mmukumbane, enza muebe muonso bua kumanyisha bakulu. Badi mua kuikala benda bakeba miaba mikuabu. Bikalaku kakuyi mushindu wa kuenzela dilonga dia mukanda mu nzubu muebe, badiku mua kuenzelamu bisangilu bia mudimu wa buambi anyi? Nansha buobu kabayi bakeba nzubu wa kuenzela bisangilu ebi mpindieu, bakulu nebanyishe pa kuikala bamanye ne: nzubu webe udiku. Udi mua kupeta diakalenga edi mu matuku atshilualua.

4 Tuleje bukalanga: Padi tshisangilu tshienzekela mu nzubu wa muanetu kampanda, bonso badi badisangishilamu badi ne bua kunemeka bintu bia muena nzubu. Baledi badi ne bua kuikala bajadike bua se: bana babu badi anu muaba mulongolola bua dilonga, ne kabena benda bendakana miaba mikuabu mu nzubu wa bende nansha. Bidi bikengela kabidi kuleja kanemu bua bena mutumba, kuepuka dibatondesha nsombelu patupu.​—2 Kol. 6:3, 4; 1 Pet. 2:12.

5 Ebelu 13:16 udi utukankamija bua kubenga kupua muoyo bua “kuenzelangana bimpe ne bua kukuatshishangana; bua Nzambi udi usanka ne milambu ya nunku.” Difila nzubu webe bua benzelamu tshisangilu kampanda tshia tshisumbu mmushindu muimpe wa kukuatshishangana ne wa “kutumbisha Yehowa ne biuma biebe.”​—Nsu. 3:9.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu