Ndongamu wa Bisangilu bia Mudimu

Lumingu lua dia 10 Luishi

Musambu 4

Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Luishi ne Réveillez-vous! wa dia 22 Luishi. Mu dinaya ne dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshibejibeji tshimuepele.

Min. 35: “Bayishayi ne nubamanyishe malu bimpe menemene.”a Tshitupa tshienzabu kudi mutangidi wa mudimu. Kankamija bonso badi ne mushindu wa kulua bampanda-njila bambuluishi bua benze mudimu eu mu ngondo muisatu ne muinayi. Lomba bavua benze bumpanda-njila tshidimu tshishale mu tshikondo tshia Tshivulukilu bua bumvuije muvua mudimu eu. Mmushindu kayi uvuabu badilongolole bua kumona mua kuenza bumpanda-njila? Bivua bikengela kuenza bukole bua mushindu kayi ne kuakaja malu kayi? Mmasanka ne mabenesha kayi bivuabu bapete? Konkononayi bilejilu bia programe mifila mu kazubu kadi mu dibeji 4. Manyisha ne: formilere ya kuwuja idiku bua badi basue kulua bampanda-njila bambuluishi, nebayifile panyima pa tshisangilu etshi.

Musambu 30 ne disambila dia nkomenu.

Lumingu lua dia 17 Luishi

Musambu 48

Min. 10: Mamanyisha a mu tshisumbu. Luapolo lua konte. Akulayi bua mukanda wa kufila mu ngondo muisatu. Fila lungenyi lumue ta ibidi pa mushindu wa kufila mukanda wa Dimanya, wenze nanku ne diambuluisha dia ngenyi idi mu tshisakidila tshia Mudimu wetu wa Bukalenge wa Tshiongo 2002. Shindika bualu butudi tuipatshila: kutuadija kulonga Bible ne bantu.

Min. 15: “Udiku mua kufila nzubu webe anyi?” Muyuki kudi mutangidi wa dilonga dia mukanda. Buejamu mumvuija a mu Mandamuna ku nkonko yenu a mu Mudimu wetu wa Bukalenge wa Tshisanga 2001 ne Kabitende 1990. Leja bungi bua tusumbu tua dilonga dia mukanda tua mu tshisumbu tshienu ne muayene wa bantu batu babuelamu. Lomba mumanyishi umue anyi babidi bua balonde mushindu udi dilonga dia mukanda didi dienzekela ku nzubu yabu dibambuluishe buobu ne mêku abu. Muntu yonso wanyisha bua kufila nzubu wende bua dilonga edi neayikile ne mutangidi-muludiki.

Min. 20: “Ntshinyi tshitu pa muaba wa kumpala mu malu ebe onso?”b Dianjila kulongolola bua mumanyishi umue ta babidi bumvuije mushindu uvuabu bafike ku diakaja midimu yabu bua kumona mua kudifila bikole mu mudimu wa buambi.

Musambu 57 ne disambila dia nkomenu.

Lumingu lua dia 24 Luishi

Musambu 74

Min. 10: Mamanyisha a mu tshisumbu. Vuluija bamanyishi bua kufilabu luapolo luabu lua mudimu lua ngondo muibidi. Ku diambuluisha dia ngenyi mifila mu dibeji dia 8, enzayi manaya a tshilejilu abidi mashilangane pa mushindu wa kufila Tshibumba tshia Nsentedi tshia dia 1 Luabanya ne Réveillez-vous! wa dia 8 Luabanya. Mu dinaya ne dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshibejibeji tshimuepele.

Min. 15: “Diambuluisha mu tshikondo tshiakanyine.” Muyuki kudi mukulu. Umvuija ne: bukole bua pa buabu buenza bua kuambuluisha aba badi kabatshiyi bayisha budi buleja dinanga didi nadi Yehowa kudi bantu bende.

Min. 20: Mmunyi mudi mukanda wa Annuaire mua kukuambuluisha? Muyuki ne diyukidilangana ne bateleji. Kumpala, ubale ne umvuije ngenyi minene ya mu “Mukanda wa kudi Kasumbu Kaludiki.” Pashishe, ulombe bateleji bua balonde bua luapolo ne malu mamonamona a mu Annuaire 2002 adibu bajadike ne: adi abakankamija ne abakolesha mu ditabuja. Kankamija bantu bonso bua babale Annuaire 2003 bamujikije padibu bamupeta, ne bakuate nende mudimu bua kuambuluisha balongi ba Bible bua kuibidilanganabu ne bulongolodi bua Yehowa.

Musambu 56 ne disambila dia nkomenu.

Lumingu lua dia 3 Luabanya

Musambu 14

Min. 10: Mamanyisha a mu tshisumbu. Yukidilanganayi mu tshikoso pa tshiena-bualu tshia: “Mapangadika mapiamapia bua bilaminu bia mikanda bia ku Nzubu wa Bukalenge.” Manyisha dîna dia muntu wikala mutangidi wa tshilaminu tshia mikanda tshia ku Nzubu wa Bukalenge.

Min. 15: Majinga a mu tshisumbu.

Min. 20: “Ikalayi ne meji makane bu mukadi nshikidilu musemene pabuipi.”c Panuafika mu tshikoso 3 ne 4, ulombe bamanyishi bua bambe bipatshila bia mu nyuma bidibu badienzeja bua kukumbaja. Sakidilamu mumvuija a mu mukanda wa Tutendelelayi Nzambi mu dibeji dia 176.

Musambu 127 ne disambila dia nkomenu.

[Mêyi adi kuinshi]