Ndongamu wa Bisangilu bia Mudimu
Lumingu lua dia 10 Luabanya
Musambu 5
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Luabanya ne Réveillez-vous! wa dia 22 Luabanya. Mu dinaya dionso, nebaleje muntu bibejibeji bionso bibidi, kadi nebamumvuije anu bualu bua tshimue patupu.
Min. 15: “Bulelela pa bidi bitangila majimbu, mupongo ne bumpaka-manga.” (Tshitupa tshia 1)a Enza mudimu ne broshire wa Ukadi mu njila wa muoyo wa tshiendelele anyi? mu dibeji dia 15 ne dia 16 (Tshikoso tshia 1-9). Tshitupa tshienzabu kudi mukulu mumonemone mianda. Numanyishe mu tshisangilu tshia mudimu tshia lumingu lushale dimanyisha edi: bateleji badilongolole ne balue ne broshire lumingu elu ne lumingu lua dia 24 Luabanya. Bala tshikoso 6-9. Ela kashonyi pa mushinga wa kubenga kulekela mashimi adi Satana utangalaja bua kutukuatawu ku bupika. Enza bua ne: bantu bumvue malu onso bimpe; kabidi ne: mandamuna adi kaayi malelela kaakonyangaji ngumvuilu wa bantu to. Mêyi a ndekelu neikale a dilomba nawu bateleji bua kulongololabu Tshitupa 2, tshinualua kukonkonona lumingu lua dia 24 Luabanya.
Min. 20: “Ikala ne lukunukunu bua malu mimpe!”b (Tshikoso 1-12) Panyima pa dikonkonona dia tshikoso 6, nuenze dinaya dia tshilejilu dîpi dileja mumanyishi ubikila mulela wende, muena mutumba, mulongi nende anyi muena mudimu nende ku diambuluisha dia kabeji ka dibikila bua kuluaye mu Tshivulukilu. Pikala tubeji etu katuyi tuanji kuabanyina bamanyishi, nudi ne bua kutuabanya diakamue panyima pa bisangilu.
Musambu 19 ne disambila dia nkomenu.
Lumingu lua dia 17 Luabanya
Musambu 34
Min. 10: Mamanyisha a mu tshisumbu. Luapolo lua konte.
Min. 15: Ikala ne meji mu disungula dia balunda bebe. Muyuki wenzabu kudi mukulu muangatshile mu Réveillez-vous! wa dia 22 Luishi 1997 dibeji dia 13 ne malu adi muinshi mua mutu wa bualu wa ne: “Les mauvaises compagnies” (Balunda babi) mu mukanda wa Comment raisonner dibeji dia 192. Leja mushindu udi ngenyi idimu ikumbanyina bantu bonso: bakulumpe ne bansonga. Shindika ne: disungula balunda mu bantu badi banange Yehowa ne badi baleja ku nsombelu wabu mudibu baditatshisha bua kulamata mikenji yende didi ne mushinga.
Min. 20: “Ikala ne lukunukunu bua malu mimpe!”c (Tshikoso 13-26) Tshienzabu kudi mutangidi muludiki. Panudi nukonkonona tshikoso tshia 14, nuenze dinaya dia tshilejilu: mukulu udi uya kukolesha muanetu wa balume kampanda udi disama ditekeshe mubidi anyi mulema, umumvuija ne bulenga mushindu udiye pende mua kudifilaku mu mudimu wa tshisumbu wikala ne bua kudiunda mu tshikondo etshi tshia Tshivulukilu.
Musambu 53 ne disambila dia nkomenu.
Lumingu lua dia 24 Luabanya
Musambu 72
Min. 10: Mamanyisha a mu tshisumbu. Ku diambuluisha dia ngenyi idi mu dibeji dia 8, lejayi mu dinaya dia tshilejilu mushindu wa kufila Tshibumba tshia Nsentedi tshia dia 1 Tshisanga ne Réveillez-vous! wa dia 8 Tshisanga.
Min. 15: “Bulelela pa bidi bitangila majimbu, mupongo ne bumpaka-manga.” (Tshitupa 2)d Enza mudimu ne broshire wa Ukadi mu njila wa muoyo wa tshiendelele anyi? mu dibeji dia 16-18 (Tshikoso tshia 10-17 ne kazubu ka ‘Bena mupongo badi mua kuikala ne bukokeshi pa nkuba anyi?’ dibeji dia 18). Tshienzabu kudi mukulu ukadi mumonemone mianda. Bala tshikoso tshia 10-14. Mu mêyi a ntuadijilu, akula bua malu a dishima abidi avuabu baleje mu Tshitupa tshia 1 adi Satana musue bua bantu bitabe. Mukulu eu neenze bua ne: bantu bumvue malu onso bimpe, ne kabidi mandamuna adi kaayi malelela kaakonyangaji ngumvuilu wa bantu to. Leja mushinga wa disadila Nzambi mulelela ne mudiye utukuba bualu tudi tumukokela.
Min. 20: Bantemu ba Yehowa badi ne buenzeji bulenga mu bantu. Muyuki ne diyukidilangana ne bateleji. Misangu mikuabu tutu tupeta mushindu wa kuleja mudi mudimu wetu wa buambi ne tshikadilu tshietu biambuluisha bantu. Lomba bateleji bakuile pa malu adi alonda aa: (1) Tudi tulongesha bantu bua kutumikila mêyi a mu Bible mu malu a bikadilu bilenga. (2) Tudi tulongesha bua kuikala kuamba malu malelela ne kunemeka bamfumu. (3) Tudi tulongesha diumvuangana pankatshi pa bantu ba makoba onso, matunga onso ne ba nsombelu yonso. (4) Tudi tuambuluisha bakuabu bua kulengeja nsombelu wa mu dîku diabu pa kubakankamija bua kutumikilabu mibelu ya mu Bible. (5) Tudi balongeshe bantu binunu mua kubala ne kufunda. (6) Tudi tuditatshisha bua kuambuluisha bakuabu mu bikondo bia bipupu. (7) Tudi benze mudimu munene mu dikeba budikadidi bua bitendelelu budi bonso banyisha lelu.—Tangila mukanda wa Prédicateurs, dibeji dia 699.
Musambu 121 ne disambila dia nkomenu.
Lumingu lua dia 31 Luabanya
Musambu 130
Min. 12: Mamanyisha a mu tshisumbu. Vuluija bamanyishi bonso bua kufila luapolo lua mudimu lua ngondo muisatu. Manyisha mikanda ituafila mu ngondo muinayi. Konkononayi tshiena-bualu etshi: “Longesha bantu Bible ne mukanda wa Tutendelelayi Nzambi.” Nuyukidile pa ngenyi minene idi mu ka-tshiena-bualu ka: “Mavuluija bua Tshivulukilu.”
Min. 13: Malu mamonamona a mu tshisumbu. Lomba bena mu tshisumbu bua balonde malu malenga mamona tshikondo tshia divudija mudimu uvua muenzeke mu ngondo muisatu. Ubele kalumbandi bua bionso bidibu benza, kankamija bantu bonso bua badifile bikole bilondeshile nsombelu wikalabu nende mu ngondo muinayi.
Min. 20: “Yehowa ng’wa kutumbisha bikole menemene.”e Leja ne dishindika dionso mushinga wa Tshivulukilu. Leja mushindu udi muntu yonso mua kuambuluisha bakuabu bua babuelemu. Leja tshidi mua kuenjibua bua kuambuluisha bantu bakadi balekele kuyisha bua kupetululabu kabidi dijinga dia kuyisha. Lomba bateleji bua balonde amue malu mamonamona adi akolesha ku muoyo avua menzeke mu Tshivulukilu tshia tshidimu tshishale.
Musambu 173 ne disambila dia nkomenu.
Lumingu lua dia 7 Tshisanga
Musambu 191
Min. 10: Mamanyisha a mu tshisumbu.
Min. 15: Mushindu wa kuelela meji pa Mifundu. Diyukidilangana ne bateleji. Mmunyi mutudi mua kukolesha dimanya kuelangana meji ne bantu mu buambi? (1) Upete dimanya dia Mifundu dijalame pa kudilongela ne kubuela mu bisangilu. (2) Welele meji pa biudi ulonga bua kusokolola bulelela mu mishindu mishilangane. (3) Kukebi anu mumvuija a mvese patupu to; kadi ukebe tubingila tua mu Bible tudibu baafidile. (4) Ela meji pa mushindu uudi mua kumvuija bantu ba mishindu yonso mvese. (5) Nana kabidi lungenyi bua mushindu uudi mua kufila tshilejilu pa amue malu.
Min. 20: “Mushindu udi bulelela butupikula.”f Sakidila ngenyi idi mu kazubu kadi mu dibeji 6 dia Tshibumba tshia Nsentedi tshia dia 1 Kasuamansense 1998. Lomba bateleji bambe mushindu udi bulelela bua Dîyi dia Nzambi bubapeteshe budishikaminyi.
Musambu 217 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke mu nkonko ne mandamuna.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Mbuelelu webe kapitshi pa munite mujima to, pashishe utungunuke mu nkonko ne mandamuna.
e Mbuelelu webe kapitshi pa munite mujima to, pashishe utungunuke mu nkonko ne mandamuna.
f Mbuelelu webe kapitshi pa munite mujima to, pashishe utungunuke mu nkonko ne mandamuna.