Longesha bantu Bible ne mukanda wa Tutendelelayi Nzambi

Mukanda wa Tutendelelayi Nzambi umuepele mulelela mmuenza bua kuambuluisha bapiabapia bua bamone mua kukola mu bulelela ne kunangabu bikole Yehowa ne bulongolodi buende. Udi mua kuikala bu mukanda muibidi wa kulongesha nawu balongi ba Bible. Mudimu wetu wa Bukalenge wa Kabalashipu 2000, mu dibeji 4, udi wamba ne: “Padibi bimueneka patoke ne: muntu udi wenda ukola mu nyuma, nansha bitulu bitulu, ne muikale uleja mudiye wanyisha malu adiye ulonga, nutungunuke ne dilonga dia Bible mu mukanda mukuabu panudi nujikija broshire wa Utulomba ne mukanda wa Dimanya. . . . Kadi, broshire wa Utulomba ne mukanda wa Dimanya ke bidi muntu yonso ne bua kulonga kumpala. Nudi ne bua kubala mu luapolo luenu dilonga dia Bible, misangu inudi nuya kamutangila ne mêba anudi nuangata bua kutungunuka ne kulonga ne muntu eu, nansha yeye mufike ku ditambula bangabanga ne kujikijaye mukanda muibidi.”

Mukanda wa Tutendelelayi Nzambi udi kabidi mua kuambuluisha muntu kayi? Tshiena-bualu atshi tshivua tshiamba kabidi ne: “Wewe mumanye bantu bavua balonge [broshire wa Utulomba ne] mukanda wa Dimanya kale kadi kabayi bafike ku didilambula ne ditambula, udi mua kuya kubatangila bua kumona bikalabu basue kutuadijilula dilonga dia Bible.” Tudienzejayi bikole menemene mu ngondo muisatu ne muinayi bua kutuadija kulonga ne bantu ba mushindu eu mu mukanda wa Tutendelelayi Nzambi.