Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabit.

“Lelu’eu bamue badi bela meji ne: badi mu mabaka mudi kamuyi dinanga. Kadi nkuepi kudi bantu ba mushindu’eu mua kukeba diambuluisha? [Lekela muntu andamune.] Bible udi utujadikila ne: mikenji ya Nzambi idi mua kutuambuluisha. [Bala Yeshaya 48:17, 18.] Nimero wa Tshibumba tshia Nsentedi eu udi wakula bua mikenji ya mu Bible idi mua kulengeja dibaka dia muntu.”

Réveillez-vous! 22 Kabit.

“Bidi bitukemesha bikole bua mushindu udi nyama yumvuangana munkatshi muayi. Kadi udiku mumanye ne: mushindu udi bantu buobu bayukila munkatshi muabu ng’wa pa buawu anyi? [Lekela muntu andamune. Pashishe bala Musambu 65:2.] Bishilangane ne nyama, tuetu bantu tutu ne dijinga dia kuyukila ne Nzambi. Tshibejibeji etshi tshidi tshileja mushindu muimpe udi bantu mua kuyukila ne Nzambi.”

Tshibumba tshia Nsentedi 1 Kasuam.

“Dimue dituku ukadiku mudiebeje ne: ‘Bikala Nzambi muikale ne dinanga ne kabidi muikale wa-bukole-buonso, bua tshinyi mmushale mulekele kayi wambuluisha bantu badi bakenga?’ [Lekela muntu andamune.] Mu katupa kîpi emu, neajikije ntatu yonso. [Bala Yeshaya 65:17.] Tshibejibeji etshi tshidi tshileja ne: too ne patuafika tshikondo atshi, Nzambi ki mmushale muvunge maboko katshia watangila tutungunuka ne kukenga kayi ubutuka to.”

Réveillez-vous! 8 Kasuam.

“Tshiena mumanye ni ukadiku mumvue bamba ne: mpindieu ba bidime badi ne ntatu mivule ya mua kutungunuka ne kudima bua kupeta bia kudikuatshisha nabi? [Lekela muntu andamune.] Nimero wa Réveillez-vous! eu udi ukonkonona tshilumbu etshi, wakula kabidi ne bua dilaya didi Bible mulaye bua tshikondo tshilenga tshidi tshituindile kumpala eku. [Bala Musambu 72:16.] Pangalukila musangu walonda, nenkumvuije mushindu wajikija Nzambi bualu ebu.”