Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Kabi.

“Bantu ba bungi batu bambulula mêyi aa mamanyike bikole mu masambila abu. [Bala Matayo 6:10.] Udi mumone ne: nsombelu wa bantu uvua mua kuikala mushindu kayi bu disua dia Nzambi mua kuenzeka pa buloba buonso? [Lekela muntu andamune.] Tshibejibeji etshi tshidi tshiumvuija katupa ne katupa kuonso ka mu Disambila dia Tatu wetu, too ne tshitupa tshituabadi nebe etshi.”

Réveillez-vous! 22 Kab.

“Kudi bualu budi buenda butangalaka munkatshi mua bansonga budi butonda bantu ba bungi: dikuatshika dia maluvu. Ukatuku mumvue bualu ebu anyi? [Lekela muntu andamune. Pashishe bala Nsumuinu 20:1.] Kunua kupitshisha kudi kuteka bansonga ba bungi mu njiwu. Tshiena-bualu etshi tshidi ne malu malenga adi mua kubambuluisha bua kukandamena dikuatshika dia maluvu.”

Tshibumba tshia Nsentedi 1 Kasu.

“Tuetu bonso tutu tujinga ne: dibunda bibawu, tshinyangu ne mvita bijike. Udiku wela meji ne: dituku dikuabu miaku eyi neyikumbane anyi? [Bala Musambu 37:11. Lekela muntu andamune.] Tshibejibeji etshi tshidi tshileja mudi dilaya edi dipetangana ne tshivua Nzambi mulongolole ku tshibangidilu bua kuenzela bantu ne tshidi tshileja kabidi mushindu utudi mua kumona mudidi dikumbana.”

Réveillez-vous! 8 Kasua.

“Kabituku bikubungamija bua kumona mudi bana ba bakaji miliyo mivule bimita mafu a panshi ku tshidimu tshionso anyi? [Lekela muntu andamune.] Tshibejibeji etshi tshidi tshiumvuija malu adibu mua kuenza bua kutantamena ntatu idi nayi bana ba bakaji badi ne bana. Tshidi kabidi tshileja mushindu udi baledi mua kuambuluisha bana babu bua kuepuka lutatu elu.” Bala 2 Timote 3:15.