Diambulula dia mu Kalasa ka Mudimu
Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 29 Tshisua-munene 2003. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 3 Kasuabanga too ne mu lua dia 29 Tshisua-munene 2003. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.—Tangila mukanda wa Kalasa ka mudimu, dib. 36-37.]
NGIKADILU YA BUNGAMBA-MALU
1. Bua tshinyi kuenza mudimu ne Bible kudi ne mushinga wa bungi mu mudimu wa buambi? [be dib. 145 tshik. 2, kazubu]
2. Mmunyi mudi malu adi anyunguluka mvese mua kuludika mbuejilu wa mvese? [be dib. 149]
3. Bua tshinyi bidi ne mushinga bua kushindika bimpe miaku idi miakanyine patudi tubala mvese, ne mmushindu kayi utudi mua kuyishindika? [be dib. 151 tshik. 3, kazubu]
4. Mmunyi mutudi mua kutumikila mubelu wa Paulo wa ‘kumanyisha muaku wa [Nzambi] mu bulelela’ patudi tulongesha bakuabu, ne bua tshinyi bidi ne mushinga? (2 Tim. 2:15, MMV) [be dib. 153 tshik. 2, kazubu]
5. Mmushindu kayi uvua Paulo ‘welangana meji pa Mikanda ya tshijila’? (Bien. 17:2, 3, MMV) [be dib. 155 tshik. 5–dib. 156 tshik. 1]
MUDIMU NO. 1
6. Patudi tuenza makebulula ne Bible (tshiamu tshia mudimu tshietu tshinene) bua kulongolola muyuki, bua tshinyi bidi bimpe bua (1) kutangila mvese idi pabuipi ne utudi tukeba, (2) kubala mvese ya kumufuanyikija nende, ne (3) kutangila tshikebelu tshia Bible? [be dib. 34 tshik. 3–dib. 35 tshik. 2]
7. Tudi mua kuleja lulamatu lulelela mushindu kayi ne kudi nganyi? [w01 1/10 dib. 22-23]
8. Ntshinyi tshidi tshileja ne: Yehowa mmunemeki mulelela wa dîba anyi tshikondo? (Dan. 11:35-40; Luka 21:24) [si-F dib. 284 tshik. 1]
9. Mmalu kayi atudi katuyi mua kupua muoyo patudi tukeba kukuata mudimu ne amue malu mu muyuki kunyima kua bamane kuenza makebulula? [be dib. 38]
10. Bua tshinyi tshiakamba Yezu bua “matuku a Noa” tshidi tshitangila nsombelu utudi nende lelu’eu? (Mat. 24:37) [w01 15/11 dib. 31 tshik. 3-4]
DIBALA DIA BIBLE DIA KU LUMINGU LUONSO
11. Mmushindu kayi udi mukanda wa Paulo mutumina Filemona uleja ne: mudimu udibu bapeshe bena Kristo ngua kuambuluisha bantu bua kuluabu bena Kristo, kadi ki ngua kubavuija bantomboji? (Filem. 12)
12. Ndishilangana kayi didi pankatshi pa ‘kupambuka,’ ‘kumuka,’ ne ‘kulekela’? (Eb. 2:1; 3:12, MML; 6:6) [w99 15/7 dib. 19 tshik. 12; w86-F 1/6 dib. 14 tshik. 16-17; w80-F 1/12 dib. 23 tshik. 8]
13. Mmushindu kayi utudi mua kuepuka divuija ngakuilu wa ne: “Biasua Mukalenge [Yehowa]” bu ngakuilu wa patupu udi kayi ne mushinga? (Yak. 4:15) [cj-F dib. 171 tshik. 1-2]
14. ‘Kutekemena ne kuendesha lukasa dilua dia dituku dia Nzambi’ kudi kumvuija tshinyi, ne mmunyi mutudi mua kuenza nanku? (2 Pet. 3:12) [w97 1/9 dib. 19-20]
15. Mmubelu kayi wa mushinga udi bena Kristo ba lelu bapeta mu mikenji mitumina bisumbu muanda-mutekete idibu bafunde mu Buakabuluibua, nshapita 2 ne 3? (Buak. 2:4, 5, 10, 14, 20; 3:3, 10, 11, 17, 19)