Mushindu wa kufila bibejibeji

(Nuangate bia Mfualansa bikala bia Tshiluba kabiyiku)

Tshibumba tshia Nsentedi 15 Tshisu.

“Matuku atudi a mu tshidimu aa, bantu ba bungi badi bela meji bua diledibua dia Yezu. Utuku ukadi muele meji bua kumanya muvua dîku divuaye mukolele anyi? [Lekela muntu andamune. Pashishe ubale Luka 2:51, 52.] Tshibumba tshia Nsentedi etshi tshidi tshituleja malu malenga adibu bafunde mu Bible atudi mua kumanya pa bidi bitangila dikola dia Yezu.”

Réveillez-vous! 22 déc.

“Muledi yonso utu musue kumona bana bende ne disanka ne bikala ne nsombelu mulenga. Kadi udi mumone ne: ntshinyi tshidi bana natshi dijinga menemene bua kumanya mua kupita bimpe ne ntatu ya matuku aa? [Lekela muntu andamune. Pashishe ubale Nsumuinu 22:6.] Nimero wa Réveillez-vous! eu udi uleja tshidi bana natshi dijinga ne mudi baledi mua kukumbaja dijinga edi.”

Tshibumba tshia Nsentedi 1 Tshi.

“Bantu ba bungi badi bajinga bua ditalala dikale pa buloba. Kadi wewe udiku wela meji ne: bualu ebu nebukumbaneku dimue dituku anyi? [Bala Musambu 46:9. Pashishe lekela muntu andamune.] Nimero wa Tshibumba tshia Nsentedi eu udi umvuija mushindu wakumbana bualu ebu ne bua tshinyi tudi mua kutekemena katuyi tuelakana dikumbana dia mulayi wa Nzambi wa se: mvita kayakuikala kabidi pa buloba to.”

Réveillez-vous! 8 janv.

“Pa buloba bujima, bantu miliyo mivule badi ne masama a mu lungenyi ne tunyinganyinga tukole. Mufuki wetu udi uditatshisha bikole bua bantu badi ne bubedi bua nunku. [Bala Musambu 34:18.] Réveillez-vous! eu udi uleja mushindu wa kuambuluisha bantu badi ne masama a mushindu eu. Udi kabidi wakula bua dilaya dia mu Bible dia ne: masama onso neajike matuku makese kumpala eku.”