Ndongamu wa Bisangilu bia Mudimu
Lumingu lua dia 12 Tshiongo
Musambu 224
Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Ku diambuluisha dia ngenyi idi mu dibeji 6, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Tshiongo ne Réveillez-vous! wa dia 22 Tshiongo.a Mu dinaya dionso, nufila bibejibeji ebi bionso bibidi, nansha nuenu nuakuila pa malu adi mu tshimue patupu. Panyima pa dileja dionso, uleje malu avua menza bimpe.
Min. 15: “Meji a kudi Nzambi mmalenga matambe.”b Dîba diodi dikaleku, ulombe bateleji bua bele nseke pa mvese idibu bele mu tshiena-bualu etshi.
Min. 20: Mikanda mipiamipia ituvua basankidile patuvua bayipete! Diyukidilangana ne bateleji. Tuvua ne disanka bua dipatuka dia mikanda mipiamipia ibidi mu Mpungilu wa Distrike wa “Tutumbishayi Nzambi.” Broshire wa “Voyez le bon pays” mmukanda mushilangane ne mikuabu itudi nayi? Paudi ubulula dibeji dionso dia broshire eu, udi umona Buloba Bulaya buikale mushindu mukuabu. Umvuija bimue bintu bidi bileja mu tuarte tushilashilangane tudi mu broshire eu. Leja mushindu muimpe utudi mua kukuata mudimu ne broshire eu. Mukanda wa Longa malu kudi Mulongeshi Munene neukoleshe makanda a mu nyuma a bana betu batekete. Leja bimue biena-bualu bia mu mukanda eu bidi bifike anu pa dîba diabi menemene, ne uleje kabidi mudibi mua kuambuluisha baledi ne bana. Lomba bateleji bua baleje mushindu udibu benza mudimu ne mikanda eyi ibidi. Bua ba bungi ba munkatshi muetu, Bible wa Les Saintes Écritures—Traduction du Monde Nouveau mu Tshisawudi ntshiamu tshipiatshipia tshia mudimu tshinene bua didilongela, bua mudimu wa budimi ne bua bisangilu bia tshisumbu. Nkudimuinu wa Bible eu ke wenzabu nende mudimu bikole mu bisumbu bia Tshisawudi. Vuluija bantu amue malu a mushinga adi mu Traduction du monde nouveau.
Musambu 186 ne disambila dia nkomenu.
Lumingu lua dia 19 Tshiongo
Musambu 95
Min. 5: Mamanyisha a mu tshisumbu.
Min. 10: Mandamuna ku nkonko yenu. Muyuki kudi mukulu.
Min. 15: Mishindu isambombo ya kulama makanda ebe a mubidi. Muyuki ne diyukidilangana ne bateleji bimanyine pa tshiena-bualu tshidi mu Réveillez-vous! wa dia 22 Kabitende 2003, dibeji dia 11-13. Lomba bateleji bua baleje tshidi yonso wa kudibu ne bua kuenza bua kutumikila mibelu eyi. Kankamija bamfumu ba mêku bua kulama tshiena-bualu etshi ne kuikala kutshibalulula misangu ne misangu.
Min. 15: “Mmunyi mutudi mua kuambuluisha bena dibaka badi kabayi Bantemu?”c Ela muntu umue anyi babidi badi balue basadidi ba Yehowa anu bua ngikadilu mulenga wa muena dibaka nende uvua muitabe bulelela nkonko.
Musambu 73 ne disambila dia nkomenu.
Lumingu lua dia 26 Tshiongo
Musambu 158
Min. 12: Mamanyisha a mu tshisumbu. Luapolo lua konte. Vuluija bamanyishi bua kufilabu luapolo lua mudimu wa budimi lua ngondo wa kumpala. Ku diambuluisha dia ngenyi idi mu dibeji 6, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Luishi ne Réveillez-vous! wa dia 8 Luishi.d Mu dinaya dionso, nufila bibejibeji ebi bionso bibidi, nansha nuenu nuakuila pa malu adi mu tshimue patupu. Mu dimue dia ku manaya a tshilejilu aa, leja mushindu uudi mua kufila bibejibeji kudi muena mutumba.
Min. 15: Tumikila Dîyi dia Nzambi dituku dionso. Muyuki ne diyukidilangana ne bateleji. Kankamija bantu bonso bua kuenza mudimu bimpe ne broshire wa Tukonkononayi Mifundu dituku dionso—2004. Nuyukidilangane pa mêyi a mbangilu a broshire eu adi mu dibeji 3-4. Lomba bateleji bua baleje tshikondo tshidibu bamone tshilenga bua buobu kukonkonona mvese wa ku dituku. Nuyukidilangane pa mvese wa dituku adi ne mumvuija ende pamue ne tshisumbu. Lomba bateleji bua baleje mushindu mukumbane utudi mua kutumikila malu aa mu nsombelu wetu. Kankamija bantu bonso bua kuikalabu bela meji pa mushindu wa kutumikila malu adibu bakonkonona mu mvese wa ku dituku dionso.
Min. 18: Tudiayi bulunda ne bena Kristo netu. (Nsu. 18:24; 27:9) Muyuki ne diyukidilangana ne bateleji bishindamene pa Tshibumba tshia Nsentedi tshia dia 1 Tshisua-munene 2000, dibeji dia 22-23. Dimue dibenesha dia mu ntendelelu mulelela ndia kupeta mushindu wa kukeba balunda ba pa muoyo. Didisangisha dietu mu bisangilu, mu mudimu wa budimi ne mu nsombelu mikuabu kabidi didi ditukolesha bikole. Mmunyi mutudi mua kudia bulunda ne bakuabu munda mua tshisumbu? Akula bua malu adi mu kazubu ka “Bidia bisambombo bua bulunda bua kashidi,” ne lomba bateleji bua baleje mushindu udibu mua kutumikila tshidia ne tshidia tshionso mu nsombelu wabu ne bana betu bena Kristo.
Musambu 177 ne disambila dia nkomenu.
Lumingu lua dia 2 Luishi
Musambu 204
Min. 10: Mamanyisha a mu tshisumbu. Manyisha mikanda ya kufila mu ngondo muibidi. Leja mishindu ya kufila mukanda wa Approchez-vous de Jéhovah ne ngenyi idi mu Mudimu wetu wa Bukalenge wa Tshiongo 2003, dibeji 3.
Min. 20: “Udimuke bua mushindu uudi wenza mudimu ne dîba diebe.”e Lomba bateleji bua baleje mushindu udibu benza bua malu a patupu kaanyangi bipatshila biabu bia mu nyuma.
Min. 15: Tuidikije Paulo bu muvuaye widikija Kristo. (1 Kol. 11:1) Diyukidilangana ne bateleji. Anu bu Yezu, Paulo uvua wangata bikondo bionso bivua bimueneka bua kuyisha ‘bantu bavua bafika muaba awu.’ (Bien. 17:17, MMM) Mmpunga kayi idi imueneka mu teritware wetu bua kumona mua kuenza nunku? Mbanganyi badi ‘muaba ewu’ patudi mu disumba dia bintu, patudi ku mudimu anyi mu kalasa, peshi patudi tuangata taksi anyi bise? Mbanganyi batudi mua kuyukila nabu patudi ku nzubu? Lomba bateleji bua baleje malu avuabu bamone mu diyisha bantu bavuabu bapetangana nabu mu midimu yabu ya matuku onso.
Musambu 151 ne disambila dia nkomenu.
[Mêyi adi kuinshi]
a Enzayi mudimu ne ngenyi ya mushindu wa kufila bibejibeji bia ndekelu binudi nabi.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Enzayi mudimu ne ngenyi ya mushindu wa kufila bibejibeji bia ndekelu binudi nabi.
e Mbuelelu webe kapitshi pa munite mujima to, pashishe utungunuke mu nkonko ne mandamuna.