Mamanyisha

▪ Tshiongo: Nudi mua kufila mukanda wonso mupatula kumpala kua 1988 udi mu tshisumbu tshienu. Binuikala kanuyi nayi, ilombayi mu bisumbu bidi pabuipi nenu bidi nayi ya bungi. Bisumbu bidi kabiyi ne mikanda ya kale bidi mua kufila mukanda wa L’Humanité à la recherche de Dieu. Luishi: Approchez-vous de Jéhovah. Panuikala kanuyi ne mukanda eu, nudi mua kufila mukanda wa Création (mu bunene anyi mu bukese buawu) anyi wa Buakabuluibua​—Nkomenu. Luabanya: Dimanya didi difikisha ku muoyo wa kashidi. Nenuenze muenu muonso bua kutuadija kulonga Bible ne bantu. Bikala bantu bakadi ne mukanda eu, nudi mua kufila mukanda wa Prêtons attention à la prophétie de Daniel!

▪ Kubangila mu lumingu lua dia 15 Luabanya 2004, bisumbu bia muakulu wa Mfualansa, Tshisawudi ne Tshibemba nebilonge mukanda wa Approchez-vous de Jéhovah mu Dilonga dia Mukanda dia Tshisumbu. Bisumbu bia Monokutuba, Tshiluba tshia lolo ne Tshiena-Lunda bidi mua kuenza mudimu ne mikanda ya Mfualansa anyi ya Tshisawudi. Bisumbu bia Tshitetela nebilonge mukanda wa La prophétie de Daniel mu Dilonga dia Mukanda dia Tshisumbu. Bisumbu bia Tshiluba nebilonge Buakabuluibua​—Nkomenu wabu munene ukadi pabuipi! Bisumbu bia muakulu wa Mangala nebilonge mukanda wa Prophétie d’Isaïe 2. Kadi kumpala kua buobu kulonga mukanda eu, mu mbingu 5, kubangila mu lumingu lua dia 15 Luabanya, bisumbu ebi nebilonge broshire wa Njila wa muoyo: nshapita ibidi ku lumingu luonso, pa kumbusha nshapita 3 too ne ku 5 yalongabu umue ku lumingu.

▪ Kubangila mu ngondo muibidi, kabiyi kupita mu dia matuku 7 ngondo muisatu, muyuki wa patoke wa batangidi ba bijengu newikale ne tshiena-bualu ne: “Mmikenji ya nganyi iutu wanyisha?”

▪ Bisumbu nebidilongolole bua kuenza Tshivulukilu tshia tshidimu etshi mu Dia lumingu dia matuku 4 ngondo muinayi, panyima pa dibuela dia dîba. Nansha muyuki mua kutuadija kumpala kua dîba, dipitshisha dia bimanyinu kadiena ne bua kuenzeka kumpala kua dîba kadiyi dianji kubuela to. Mu bimue bimenga binene, dîba nedibuele patuikala 18:16 ku Pointe Noire; 18:09 ku Matadi; 18:03 ku Kinshasa ne Brazzaville; 17:54 Bandundu-ville; 17:48 ku Kikwit; 17:37 ku Bumba; 18:47 ku Gemena; 18:37 ku Kananga; 18:29 ku Mbuji-Mayi; 18:26 ku Kisangani; 18:20 ku Kolwezi; 18:15 ku Likasi; 18:11 ku Lubumbashi; 18:10 ku Bukavu ne 18:05 ku Bunia. Bua misoko mikuabu idi pabuipi ne bimenga binene ebi, nudi mua kutshinka dîba diabuela dîba pa kusakidila minute 5 ku dîba diabuela dîba mu bimenga binene mu kilometre 140 yonso kumbukila mu tshimenga tshinene etshi baye batangile ku Ouest kuatshi. Nansha muikala tshisangilu tshikuabu katshiyi mua kuenzeka dituku adi pa kumbusha tshisangilu tshia mudimu wa buambi, nudi mua kulongolola bua kuenza dilonga dia Tshibumba tshia Nsentedi dituku dikuabu. Batangidi ba bijengu nebakaje programe wabu wa bisangilu lumingu alu bilondeshile mudi nsombelu wa muaba udi tshisumbu tshidibu bakumbula. Nansha mudibi bikengela bua tshisumbu tshionso kuikalatshi ne watshi muaba wa kuenzela Tshivulukilu, imue misangu kabiakukumbana nanku to. Miaba idi bisumbu bia bungi bisangila Nzubu wa Bukalenge umue, pamu’apa nebikengele bua tshisumbu tshimue anyi bivule kukebabi miaba mikuabu ya kudisangishila dilolo adi. Pikalaku mushindu, tudi mua kushiya minite nansha 40 pankatshi pa programe ibidi bua bionso bienzeke biambuluishe bantu bonso. Kasumbu ka bakulu nekasungule tshidi tshimueneka tshimpe bua tshisumbu tshienu.