Ndongamu wa Bisangilu bia Mudimu
Lumingu lua dia 14 Kabalashipu
Musambu 168
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji 4 (bu bikalabi biakanyine mu teritware wenu), enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kabalashipu ne Réveillez-vous! wa dia 22 Kabalashipu.a Mu dinaya dimue, nuleje mushindu udi mumanyishi uyisha muaba udibu bapanyishila bintu. Uleje mishindu mikuabu miakanyine ya kufila nayi bibejibeji.
Min. 20: “Yehowa udi wambuluisha bantu badi bamueyemena.”b Panudi nufika mu tshikoso 4, usakidilamu malu mangatshila mu Mudimu wetu wa Bukalenge wa Tshisua-munene 1999, dibeji 4, tshikoso tshia 9-10 ne makuabu a mu mukanda wa Kalasa ka mudimu, mu dibeji dia 67, tshikoso 2.
Min. 15: Bua tshinyi tudi ne bua kuepuka dinua dia bintu bia lulengu? Diyukidilangana ne bateleji dimanyine pa mukanda wa Comment raisonner, dibeji dia 112-118. Lelu kunua manga adi akuata bua “kuanji kupua malu muoyo” nkusakuke bu buowa. Bantu ba bungi badi baleja ne: dinua dia bintu ebi ki ndibi to; ne bakuabu badi bakeba bua mbulamatadi ela mikenji idi yanyisha dibinua. Nuyikile pa mushindu wa kuambuluisha bantu badi ne ngelelu wa meji wa mushindu eu. Sakidila ngenyi idi mu kazubu kadi mu dibeji dia 10 mu Réveillez-vous! wa dia 8 Kasuabanga 1999.
Musambu 179 ne disambila dia nkomenu.
Lumingu lua dia 21 Kabalashipu
Musambu 29
Min. 10: Mamanyisha a mu tshisumbu.
Min. 15: “Banjelu badi batuambuluisha.”c Lomba bateleji bua kuakula pa mvese idibu batele mu tshikoso pikalaku dîba.
Min. 20: Meji a kuulu mmatshintshikidi. (Yak. 3:17, NW) Muyuki ne diyukidilangana ne bateleji bimanyine pa mukanda wa Kalasa ka mudimu, dibeji dia 251-252. Kuikala mutshintshikidi wa malu ntshinyi? Bua tshinyi kudi ne mushinga mu mudimu wetu wa diyisha? Ntshinyi tshitudi mua kulongela ku tshilejilu tshia mupostolo Paulo? Mmunyi mudi bamanyishi mua kuikala bakula bilondeshile malu a bena mu teritware wabu? Mmunyi mutudi mua kuambuluisha mulongi wa Bible bua kuikala pende ne butshintshikidi? Udianjile kulongolola bua muntu umue anyi babidi balonde malu mamona adi aleja bulenga bua kuikala ne butshintshikidi mu diyikila ne bantu.
Musambu 53 ne disambila dia nkomenu.
Lumingu lua dia 28 Kabalashipu
Musambu 139
Min. 12: Mamanyisha a mu tshisumbu. Luapolo lua konte. Vuluija bamanyishi bua kufila luapolo luabu lua mudimu bua ngondo muisambombo. Ku diambuluisha dia ngenyi idi mu dibeji 4 (bu bikalabi biakanyine mu teritware wenu), enzayi manaya a tshilejilu abidi pa mushindu wa kufila Tshibumba tshia Nsentedi tshia dia 1 Kashipu ne Réveillez-vous! wa dia 8 Kashipu.d Mu dinaya dionso, mumanyishi atuadije dinaya ne mêyi makese mimpe. Leja mudi kuenza nunku mua kuambuluisha muntu uudi uyikila nende bua kudiumvua mudilekelele.
Min. 15: Majinga a tshisumbu.
Min. 18: “Tudi dijinga ne Dilonga dia Mukanda dia Tshisumbu bua tshinyi?”e Wenza mudimu ne konko idi mifunda kuinshi kua bikoso. Usakidilamu imue ngenyi iudi mua kuangatshila mu tshiena-bualu tshia: “Ambuluishayi Mutangidi wenu wa Dilonga dia Mukanda dia Tshisumbu,” tshidi mu dibeji dia 1 dia Mudimu wetu wa Bukalenge wa Kasuabanga 2002.
Musambu 20 ne disambila dia nkomenu.
Lumingu lua dia 5 Kashipu
Musambu 3
Min. 10: Mamanyisha a mu tshisumbu.
Min. 15: Newambe tshinyi? Muyuki ne diyukidilangana ne bateleji. Mu ngondo wa muanda-mutekete ne wa muanda-mukulu netufile broshire. Mbroshire kayi idi bamanyishi bamone mikale miakanyine mu teritware wenu? Nuenze mudimu ne ngenyi idi mu Mudimu wetu wa Bukalenge wa Tshimungu 1998 dibeji dia 8 anyi mu Mudimu wetu wa Bukalenge mukuabu wa kale. Mu dileja dionso muikale (1) lukonko, (2) mvese, ne (3) muanda kampanda wa kuleja udi mu broshire. Ulongolole dinaya dimue anyi abidi pa mishindu ya kufila broshire. Kankamija bantu bonso bua kuenza mudimu ne Bible padibu bayisha.
Min. 20: Tshidi bana natshi dijinga kudi baledi babu. Muyuki ne diyukidilangana ne bateleji dimanyine pa mukanda wa Longa malu kudi Mulongeshi Munene, dibeji 6-7. Mbia mushinga bua bana kulonga mêyi a mu Bible adi atangila ntendelelu mulelela ne kumanya mudimu udi nawu baledi mu dibalongesha edi. Leja ngenyi idibu bafile pa mushindu wa kulonga mukanda eu. Lomba baledi bua balonde tshikadibu benze ne mukanda eu. Ela bana babidi anyi basatu nkonko bua baleje tshidibu banyishila mukanda eu.
Musambu 65 ne disambila dia nkomenu.
[Mêyi adi kuinshi]
a Enzayi mudimu ne ngenyi ya mushindu wa kufila bibejibeji bia ndekelu binudi nabi.
b Mbuelelu webe kapitshi pa munite mujima to, pashishe utungunuke mu nkonko ne mandamuna.
c Mbuelelu webe kapitshi pa munite mujima to, pashishe utungunuke mu nkonko ne mandamuna.
d Enzayi mudimu ne ngenyi ya mushindu wa kufila bibejibeji bia ndekelu binudi nabi.
e Mbuelelu webe kapitshi pa munite mujima to, pashishe utungunuke mu nkonko ne mandamuna.