Ndongamu wa Bisangilu bia Mudimu

Lumingu lua dia 8 Kasuabanga

Musambu 180

Min. 10: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Kampanye ka pa buaku ka diabanya dia broshire wa Nushale anu batabale! nekajike mu dia 14 Kasuabanga. Bua matuku ashala a Kasuabanga, netufile mukanda wa Longa malu kudi Mulongeshi Munene. Nuambulule mu mêyi makese mishindu ya kufila mukanda eu idi mu Mudimu wetu wa Bukalenge wa Lumungulu 2004, dibeji 3.

Min. 15: Enza bua Tshisangilu tshia Mudimu tshikuambuluishe. Diyukidilangana ne bateleji dimanyine pa mukanda wa Mudimu wetu dibeji dia 71-72. Mmu mishindu kayi itanu idi Tshisangilu tshia Mudimu tshituambuluisha bua kulengeja mudimu wetu wa bena Kristo? Tela bilejilu bia mu ndongamu wa ngondo udi panshi eu. Mmasanka kayi atudi mua kupeta patudi tudilongolola kumpala kua dîba? Bua tshinyi kubuelamu pa tshibidilu? Mmuanda kayi wa mu Bible kudibu bangatshile tshisangilu etshi?

Min. 20: “Tuikalayi ne lungenyi lua kuenza malu ne mitalu!”a Usakidile ngenyi idi mu Tshibumba tshia Nsentedi tshia dia 15 Tshiongo 2000, dibeji dia 12-13.

Musambu 19 ne disambila dia nkomenu.

Lumingu lua dia 15 Kasuabanga

Musambu 170

Min. 10: Mamanyisha a mu tshisumbu. Bikala ngenyi idi mu dibeji 4 mikumbanyine bua teritware wenu, nuenze nayi mudimu mu dinaya dia tshilejilu dia mushindu wa kufila Tshibumba tshia Nsentedi tshia dia 15 Kasuabanga ne Réveillez-vous! wa dia 22 Kasuabanga. Nudi kabidi mua kuenza mudimu ne ngenyi mikuabu idi mikumbanyine.

Min. 15: Udi mumanye disanka didi difumina ku dipa anyi? Muyuki muimanyine pa Tshibumba tshia Nsentedi tshia dia 1 Kasuabanga 2004, dibeji dia 19-23.

Min. 20: Tukoleshe dijinga dia bantu ku diambuluisha dia broshire mupiamupia. Muyuki ne diyukidilangana ne bateleji kudi mutangidi wa mudimu. Tudi ne bua kupinganyina muntu yonso uvua muangate broshire wa Nushale anu batabale! bua kukolesha dijinga diende dia kumanya bulelela: nuenze mudimu ne tshikebelu tshidi mu dibeji 2, umvuija malu adi mu broshire eu mu tshikoso, ukoke ntema ya bantu ku malu kampanda masunguluke adi mu bimue bitupa bia broshire bia pa buabi (mafunda mu maleta a tshibidilu muinshi mua biena-bualu bifunda mu maleta mafikisha bikole). Tubiena-bualu etu nudi mua kuenza natu mudimu bua kutungunuka ne kuyukila ne muntu mu mêyi makese bashindamene pa binukavua bamane kuyikila. Tshilejilu, binuikala bayukidile pa dibeji 3-4 musangu wa kumpala unuvua bapetangane ne muntu, paudi umupinganyina, nudi mua kukonkonona tshiena-bualu tshia “Nzambi utuku uditatshisha bua bualu buetu anyi?” mu dibeji 5. Umvuija mushindu wa kuyukidilangana ne muntu mushindu’eu. Konkononayi kabidi bitupa bikuabu bia pa buabi bu mudi mu dibeji 6-8 ne dia 17-18, anyi bitupa bikuabu bidi biakanyine teritware wenu. Ulongolole dinaya dia tshilejilu dimue, dileja dipinganyina muntu pa kuenza mudimu ne kamue ka ku tuzubu anyi bitupa ebi. Nudi ne bua kubala mvese umue anyi ya bungi ya ku idibu kabayi batele mêyi ayi mu tshikoso ne kuyikonkonona. Mumanyishi udi ujikija muyuki wende pa kukoka ntema ya muntu ku tshitupa tshikuabu tshia pa buatshi tshikalabu mua kuyukidila musangu udi kumpala.

Musambu 66 ne disambila dia nkomenu.

Lumingu lua dia 22 Kasuabanga

Musambu 199

Min. 10: Mamanyisha a mu tshisumbu. Luapolo lua konte.

Min. 15: Majinga a tshisumbu.

Min. 20: Tutuadijayi dilonga Bible ne bantu bavua bitabe bua kuangata broshire mupiamupia. Muyuki ne diyukidilangana ne bateleji kudi mutangidi wa mudimu. Uleje mu tshikoso muvua dinaya dia tshilejilu dia mu Tshisangilu tshia Mudimu tshishale, utele nangananga tshitupa tshivuabu balayangane bua kutangila. Bu bikalaku mushindu, bamanyishi ba musangu mushale abu benze kabidi dinaya dia tshilejilu didi dileja dipinganyina muntu pa kuenza mudimu ne tshitupa atshi. Mpindieu mumanyishi udi ulomba muntu bua kulonga nende Bible pa kumuleja bidibu bambe mu dibeji dia ndekelu dia broshire eu, bumvuangana bua kulua kulonga dilongesha dia 1 mu broshire wa Utulomba. Ulombe bantu bonso bua kuikala ne tshipatshila tshia kutuadija kulonga Bible ne bantu bavua bitabe bua kuangata broshire wa Nushale anu batabale!

Musambu 58 ne disambila dia nkomenu.

Lumingu lua dia 29 Kasuabanga

Musambu 23

Min. 10: Mamanyisha a mu tshisumbu. Vuluija bamanyishi bonso bua kufila luapolo lua mudimu wabu lua ngondo wa dikumi ne umue. Ulongolole dinaya dia tshilejilu pa mushindu wa kufila Tshibumba tshia Nsentedi tshia dia 1 Tshisua-munene ne Réveillez-vous! wa dia 8 Tshisua-munene.

Min. 10: Mandamuna ku nkonko yenu. Muyuki kudi mukulu.

Min. 25: “Tulombolayi malonga a Bible mimpe: Tshitupa 3.”b Ela nkonko idi mifunda. Panyima pa dikonkonona dia tshikoso 3, ulongolole dinaya dia tshilejilu muikale bantu balonga Bible ne broshire wa Utulomba mu dilongesha 5, tshikoso tshia 1. Benze bu bakadi babale tshikoso ne bandamune lukonko. Mulongeshi ne mulongi badi babala ne bayukidilangana malu adi mu Yeshaya 45:18 ne mu Muambi 1:4. Mulongeshi udi wela mulongi nkonko mipepele idi imusaka ku dileja mushindu udi mvese eyi ipetangana ne malu adibu balonga.

Musambu 178 ne disambila dia nkomenu.

Lumingu lua dia 6 Tshisua-munene

Musambu 96

Min. 10: Mamanyisha a mu tshisumbu. Leja mikanda ya kufila mu ngondo wa dikumi ne muibidi. Dileja dimue anyi abidi pa mushindu wa kufila mukanda wa Muntu mutambe bunene.

Min. 20: “Udiku mua kuambuluisha anyi?”c Wele mumanyishi umue anyi babidi nkonko bavua baleje dianyisha bua muvuabu babambuluishe kudi bantu bakuabu.

Min. 15: Malu mamona kudi bena mu tshisumbu. Lomba bateleji bua kulonda malu mamona mu diya kutangila bantu bavua bangate broshire wa Nushale anu batabale! Ulongolole kumpala kua dîba bua kuenza dinaya dia amue malu a pa buawu anu bu muvuawu menzeke. Ela bantu bonso kalumbandi bua ditua kampanye aka nyama ku mikolo.

Musambu 101 ne disambila dia nkomenu.

[Mêyi adi kuinshi]