Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 27 Tshisua-munene 2004. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 1 Kasuabanga too ne mu lua dia 27 Tshisua-munene 2004. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Mmushindu kayi mulenga utudi mua kujula ntema ya bateleji bua tshiena-bualu kampanda? [be dib. 218 tshik. 3]

2. Tela ngikadilu itanu ya nkomenu muimpe. [be dib. 221 tshik. 1–5]

3. Mmunyi mutudi mua kujadika ne: malu atudi tuamba mmajalame? [be dib. 224 kazubu]

4. Mmunyi mutudi mua kujadika ne: miyuki yetu mu bisangilu idi ileja mutudi tuangata ne mushinga mukole mudimu wa tshisumbu tshitudi tumona bu “dikunji ne nshindamenu wa bulelela”? (1 Tim. 3:15, MMM) [be dib. 224 tshik. 2-5]

5. Bua mianda idi yenzeka lelu, ditela mêyi a bakuabu, ne malu mamona kudi bakuabu, mmunyi mutudi mua kutumikila Nsumuinu 14:15? [be dib. 225 tshik. 1]

MUDIMU NO. 1

6. Mmunyi mutudi mua kubadika bidimu kumbukila ku Mvula wa kabutu too ne ku difukibua dia Adama? [si-F dib. 286 tshik. 12]

7. Mmunyi mutudi mua kumanya tshidimu tshiakatuadija Yezu mudimu wende, ne ntshijadiki kayi tshidi tshituitabijija ne: mudimu eu wakanenga anu bidimu bisatu ne tshitupa? [si-F dib. 291 tshik. 16]

8. (a) ‘Mukenji wa ne: bapingaje bantu mu Yelushalema ne base musoko tshiakabidi’ wakapatuka tshidimu kayi? (b) Mbidimu bungi munyi bivua ne bua kupita kubangila ku dîba adi too ne pavua Yezu ne bua kumueneka bu Masiya? (Dan. 9:24-27) [si-F dib. 291 tshik. 18-19]

9. Ntshinyi tshidi tshikengedibua bua kulomba luse ne muoyo mujima ne bua kuenza nunku kufikishe ku ‘dilengeja ne muanetu’? (Mat. 5:23, 24) [w02 1/11 dib. 6 tshik. 1, 5]

10. Ntshinyi tshidi 2 Bakelenge 13:18, 19 utulongesha bua mushindu wa kuenza midimu idi Nzambi utupesha? [w02 1/12 dib. 31 tshik. 1-2]

DIBALA DIA BIBLE DIA KU LUMINGU LUONSO

11. Bua tshinyi bena Isalele bavua mua kupesha anyi kupanyisha muenyi nyama uvua mufue kayi mukosa muminu, uvuabu bobu kabayi ne bua kudia? (Dut. 14:21)

12. Dutelonome 20:5-7 udi utulongesha tshinyi?

13. Bua tshinyi kuangata ‘dibue didi muntu upela nadi biakudia anyi mpelu wa dibue adi’ bu tshieya kuvua anu bu kuangata ‘muoyo’ wa muntu bu tshieya? (Dut. 24:6)

14. Bu muvuabu bakandike bena Isalele bua kudia mafuta onso a nyama, didia diabu dia “dianyi dia mikoko” divua diumvuija tshinyi? (Dut. 32:13, 14)

15. Mpekatu wa Akana mmufuanangane ne tshinyi lelu’eu? (Yosh. 7:1-26) [w86-F 15/12 dib. 20 tshik. 20]