Mushindu udi Kalasa ka Mudimu wa Nzambi katuambuluisha
1 Basadidi ba Yehowa badi ne diakalenga dia pa buadi bua mudibu bapeta malongesha mu Kalasa ka Mudimu wa Nzambi. (Yesh. 54:13; Yone 6:45) Kadi kalasa aka kadi katuambuluisha bilondeshile mushindu utudi tudifila. Udi mumanye mudi kalasa aka mua kukuambuluisha mu nyuma anyi?
2 Mudi bantu banyisha kalasa: Batangidi ba kalasa ba bungi mbamone ne: padi bantu balonga bimpe ngikadilu ya bungamba-malu mu tshisumbu, badi bayisha kabidi bimpe. Munga mutangidi wa kalasa wakamba ne: bu mudibu bela bantu nkonko mu Malu manene a mu dibala dia Bible, ba bungi badi badifila mu dibala Bible bilondeshile programe wa kalasa. Bana betu ba balume ba bungi mbanyishe bikole mudiku mpindieu kakuyi dikeba mêyi a mbuelelu ne a nkomenu mu Mudimu No. 2. Badibu bapesha mudimu eu badi badifila mpindieu bikole bua kumanya mua kubala bimpe.—1 Tim. 4:13.
3 Kadi kambuluisha bantu bonso: Kuandamuna mu bisangilu kutu kuenza disanka. (Nsu. 15:23) Kupeta nkonko ya diambulula kumpala kua dîba kudi kutuambuluisha bua kudilongolola bua kuandamuna bipepele padibu benzeja diambulula. Tshikuabu tshintu: kubangisha ku Tshibumba tshia Nsentedi tshia dia 1 Tshiongo 2004, kudi malu manene a mu Bible adi apetangana ne a programe wa dibala Bible wa Kalasa ka Mudimu wa Nzambi. Biena-bualu ebi mbiambuluishe ba bungi bua kuamba malu mimpe mu mudimu wa Malu manene a mu Bible.
4 Muntu yonso udibu bafunde mu kalasa udi ne diakalenga dia kulongolola ne kuenza midimu. Mêyi a kalumbandi adi mutangidi wa kalasa wela balongi ku tshiakuidi adi mua kutukuatshisha tuetu bonso. Mibelu ituye upesha mulongi ne mulongi yonso pa nkayende panyima pa bisangilu itu yambuluisha kabidi balongi. Midimu ya kuenza idi ku ndekelu kua nshapita yonso wa ngikadilu ya bungamba-malu mu mukanda wa Kalasa ka Mudimu wa Nzambi kadi kakuambuluisha idi kabidi yambuluisha bantu.
5 Padibu bafila ngenyi mimpe ne mibelu ya mu Bible mu kalasa ne panyima pa bisangilu, ubifunde mu mukanda webe wa Kalasa ka mudimu. Ela meji pa malu audi mulonge, keba kabidi mudi kalasa kakuambuluisha bua kudiunda mu nyuma.