Bande wa video wa Pas de sang: La médecine relève le défi akuambuluishe

Mmalu kayi audi mumanye pa bidi bitangila mishindu ya kuondopa bantu kakuyi mashi? Udiku umvua bimpe tshidi imue mishindu ya luondapu idibu benza nayi mudimu pamutu pa mashi anyi? Nunku, tangila filme eu ne teta dimanya diebe pa kuandamuna nkonko idi kuinshi eyi.​—Umanye ne: Bu mudi bande muikale ne bitupa bidibu baleja bantu bapanda, baledi badi ne bua kutangila bualu ebu bikalabi bimpe bua bana babu batekete kumona anyi kubenga kumona bande eu.

(1) Mbua bualu kayi bunene budi Bantemu ba Yehowa babengela mashi, ne mukenji wa dibenga edi udi penyi mu Bible? (2) Tshitudi tujinga ntshinyi bua luondapu? (3) Mubedi udi ne manême kayi a nshindamenu? (4) Bua tshinyi mbimpe ne mbia meji bua kubenga diedibua dia mashi? (5) Padi muntu mujimije mashi a bungi menemene, mmalu kayi abidi a lukasa adi munganga ne bua kuanji kuenza? (6) Nnjiwu kayi idi muntu mua kupeta bua dimuela mashi? (7) Mbimue bintu kayi bidi mua kukepesha dipatuka dia mashi padi doktere upanda muntu? (8) Mmalu kayi audi mua kujinga kumanya pa bidi bitangila mishindu ya luondapu idibu bakuata nayi mudimu pamutu pa mashi? (9) Bidiku mua kukumbana bua se: bapande muntu bua disama dinene anyi dikole kakuyi mashi anyi? (10) Badoktere ba bungi badi basue kuondopa Bantemu ba Yehowa mushindu kayi, ne ntshinyi tshidi mua kulua mushindu wa luondapu bua babedi bonso?

Muntu nkayende ke udi ne bukenji bua kuangata dipangadika ne kondo kende ka muoyo bua kuitaba mishindu ya luondapu idi mileja mu bande wa video eu.​—Bala Tshibumba tshia Nsentedi tshia mu dia 15 Kabalashipu 2004, dib. 22-24, 29-31, ne Tshibumba tshia Nsentedi tshia dia 15 Kasuamansense 2000, dib. 30-31.