Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 28 Luishi 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 3 Tshiongo too ne mu lua dia 28 Luishi 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Ntshinyi tshitudi mua kuenza bua bakuabu bumvue bimpe malu atudi tuamba? [be dib. 226 tshik. 1–dib. 227 tshik. 2]

2. Mmiaku ya mushindu kayi idi mua kulomba diumvuija dia pa mutu? [be dib. 227 tshik. 3–dib. 228 tshik. 2]

3. Ntshinyi tshiatuambuluisha bua kuamba malu adi ukuatshisha batuteleji? [be dib. 231 tshik. 1-3]

4. Ntshinyi tshitudi mua kuenza bua dibala dia mvese ukadi bateleji bamanye bikole kubakuatshishadi? [be dib. 231 tshik. 4-5]

5. Mbipeta kayi bimpe bidi mua kumueneka pa kukankamija bateleji bua kutangila ne tu-malu tukese padibu babala mvese kampanda udibu bamanye bikole? [be dib. 232 tshik. 2-4]

MUDIMU NO. 1

6. Bidi bikengela tshinyi bua kulongesha bantu bua ‘kutshina Nzambi ne kutumikila mikenji yende’? (Muam. 12:13) [be dib. 272 tshik. 3–dib. 273 tshik. 1]

7. Mmunyi mutudi katuyi mua kutangija ntema ya bantu ku dîna dia Yehowa nkayadi, kadi kuyitangija kabidi ku tshidiye yeye muine muena dîna edi? (Yoe. 2:32) [be dib. 274 tshik. 3-5]

8. Kupeta dimanya dia Yezu ne kumanyisha malu ende kudi ne mushinga kayi? (Yone 17:3) [be dib. 276 tshik. 1]

9. Mmunyi mudi kuikala ne malanda mimpe ne Nzambi ne kumvua Bible bimpe bipetangana ne dijingulula mudimu udi nawu Yezu? [be dib. 276 tshik. 2]

10. Mmunyi mutudi mua kuleja ne: tudi bushuwa tuitabuja ne: Yezu Kristo udi Mukalenge? [be dib. 277 tshik. 4]

DIBALA DIA BIBLE DIA KU LUMINGU LUONSO

11. Tela, tatuende wa Abalahama, uvua mutendeledi wa mpingu anyi? (Yosh. 24:2)

12. Gideona kavua ne dikima bua kukumbaja mudimu uvua Yehowa mumupeshe anyi? Bua tshinyi udi wandamuna mushindu au? (Bal. 6:25-27)

13. Ndilongesha kayi ditudi mua kupetela ku mushindu uvua Gideona muyukile ne bena mu tshisa tshia Efelayima? (Bal. 8:1-3)

14. Dibenga kuakidila benyi dia bantu ba mu Gibea didi dileja tshinyi? (Bal. 19:14, 15)

15. Bikala ‘muntu ne muntu uvua wenza anu malu akadi mimpe ku mêsu kuende’ yeye, bidi bileja ne: kuvua nsombelu wa tshimbondambonda anyi? (Bal. 21:25)