Mamanyisha

▪ Mikanda ya kufila mu Luishi: Approchez-vous de Jéhovah. Luabanya: Nushale anu batabale! Tshisanga ne Lumungulu: Dimanya didi difikisha ku muoyo wa kashidi.

▪ Mutangidi-muludiki anyi muntu mukuabu wasungulaye neakonkonone konte wa tshisumbu mu dia 1 Luabanya anyi matuku makese kunyima. Binuikala ne tshibutshilu tshikuabu, bu mudi tshibutshilu tshia mfranga ya dilongolola dia Nzubu wa Bukalenge anyi ya luibaku, alongolole kabidi bua kutshikonkonona. Pajika dikonkonona dia konte edi, nudi ne bua kumanyisha tshisumbu luapolo lua konte elu musangu udi ulonda.

▪ Sekretere ne mutangidi wa mudimu badi ne bua kukonkonona mudimu wa bampanda-njila ba pa tshibidilu. Bikala umue wabu ne lutatu bua kukumbaja bungi bua mêba malomba, bakulu badi ne bua kukeba mushindu wa kumuambuluisha. Nudi mua kupeta ngenyi mu mikanda ya ku tshidimu itubu banutumina ya S-201.

▪ Muyuki wa pa buawu wa mu tshikondo tshia Tshivulukilu tshia 2005 newikale ne tshiena-bualu etshi: “Bua tshinyi Yezu wakakenga ne kufua?”

▪ Bantu bonso badi ne bua kuenza muabu muonso bua kuikalaku mu Muyuki wa patoke wa mu Dia lumingu dia matuku 20 ngondo muisatu bua kutelejabu dimanyisha dia pa buadi dia tshintu kampanda tshidibu balongoluele bamanyishi bonso.

▪ Biro bia filiale kabitu biandamuna dilomba dia mikanda dia muntu pa nkayende to. Mutangidi-muludiki udi ne bua kulongolola dimanysiha dienzabu ku ngondo yonso mu tshisumbu kumpala kua kutumabu dilomba dia mikanda dia tshisumbu ku Betele, bua se: muntu yonso udi musue kupeta yende mikanda afile dilomba diende kudi muanetu udi utangila malu a mikanda. Kadi nuamanya bualu bua mikanda itubu balomba anu ku dilomba dia pa buadi.