Diambulula dia mu Kalasa ka Mudimu wa Nzambi

Nkonko idi ilonda eyi nya kukonkonona mukana mu Kalasa ka Mudimu wa Nzambi mu lumingu luatuadija mu dia 25 Tshisanga 2005. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 7 Luabanya too ne mu lua dia 25 Tshisanga 2005. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Patudi tulongolola muyuki, mmunyi mutudi tuenza mudimu bimpe ne malu adibu batupeshe, ne bua tshinyi bidi ne mushinga? [be dib. 234 tshik. 1-3, tuzubu]

2. Mmalu bungi kayi atudi ne bua kuangata bua kuela mu muyuki? [be dib. 234 tshik. 4–dib. 235 tshik. 1]

3. Mmunyi mutudi mua kuenza mudimu ne nkonko bua kusaka bantu ku diakula patudi mu buambi? (Bien. 8:30) [be dib. 236 tshik. 2-5]

4. Munyi mutudi mua kuela nkonko bua kuambuluisha balongi ba Bible bua kukuatabu mudimu ne ‘meji’ abu? (Lomo 12:1) [be dib. 238 tshik. 1]

5. Ntshipeta kayi tshidibu bapatula kudi nkonko idibu bele mu Lomo 8:31, 32 ne mu Yeshaya 14:27? [be dib. 239 tshik. 1-2]

MUDIMU NO. 1

6. Mmunyi mutudi ‘tujadika Kristo bu tshishimikidi’ mu mudimu wetu wa kuvuija bantu bayidi? (1 Kol. 3:11) [be dib. 278 tshik. 1-2]

7. Bu mudi Yehowa mupeshe Muanende bukokeshi buonso mu 1914, ntshipatshila kayi tshitudi tusambidila ne: ‘Bukalenge buebe bulue’? (Mat. 6:9, 10) [be dib. 279 tshik. 4]

8. Bua tshinyi bena Kristo bonso badi ne bua kumanya mua kubala, ne ntshilejilu kayi tshiakafila Yezu mu bualu ebu? [w03 15/3 dib. 10 tshik. 5; dib. 12 tshik. 2]

9. Mmunyi mudi tshilejilu tshia Yoshiya ne tshia Yezu mua kuambuluisha bansonga bua kudiunda mu nyuma? [w03 1/4 dib. 8 tshik. 3-4; dib. 10 tshik. 3]

10. Bua tshinyi tudi mua kueyemena Nzambi? (Nsu. 3:5, 6) [w03 1/11 dib. 4 tshik. 6-7]

DIBALA DIA BIBLE DIA KU LUMINGU LUONSO

11. Bua tshinyi Hana wakalomba Yehowa bua ‘apeshe mukalenge wende bukole’ pavuaku kakuyi mukalenge nansha umue ku mutu kua Isalele? (1 Sam. 2:10)

12. Ntshinyi tshitudi mua kulongela ku muanda wa se: bakatshimuna Isalele bua dikokangana bua mushete wa tshipungidi uvua munkatshi muabu? (1 Sam. 4:3, 4, 10)

13. Bua tshinyi 1 Kulondolola 2:13-15 udi wamba ne: Davidi mmuana wa muanda mutekete wa Yishai, kadi eku 1 Samuele 16:10, 11 uleja ne: uvua muana wa muanda mukulu?

14. “Nyuma mubi” wakatatshisha Shaula uvua nyuma kayi? (1 Sam. 16:14)

15. Malu akamba nyuma uvua udiamba mudiyi “Samuele” ku butuangaji bua muena lubuku wa mu Ene-dô avua malelela anyi? (1 Sam. 28:16-19